تورکیه مطبوعاتی اؤزتلری 02.03.2018
وطن: "آمریکادان ی.پ.گ قونوسوندا سؤزلرینی توتاجاقلارینا دایر آچیقلاما"
استار: "تورکلرین آفریقادا ائتدیکلری فرانسیزلاری چاشدیریر"
جمهورباشقانی رجب طیب اردوغان، تورکیه-سنگال ایش فوروموندا چیخیش ائتدی. اردوغانین، فرانسانین کئچمیش پرزیدنتی فرانسوا اولاند ایله باغلی دانیشدیغی حادثه دقت چکدی. سنگالدا هاوا لیمانینین تورکلر طرفیندن قیسا زاماندا یاپیلمیش اولماسینین اؤزلری اوچون ایفتیخار وسیلهسی اولدوغونو وورغولایان اردوغان، "سایین اولاند، بورادا گچیریلن بیر توپلانتیا قاتیلاندا، "بورانی فرانسالی مقاطعهچیلر می تیکی" دئیه سوروشور. "یوخ، بورا تورکلر تیکدی" جاوابینی آلاندا شوک اولور. فرانسانین ایندیکی پرزیدنتی امانوئل مکرون دا هاوا لیمانی تیکینتیسینی تورکلرین یاپدیغینی ائشیدنده تعجبلنیر" دئدی.
وطن: "آمریکادان ی.پ.گ قونوسوندا سؤزلرینی توتاجاقلارینا دایر آچیقلاما"
یوکسک سویهلی بیر آمریکالی یئتکیلی، آمریکانین تورکیهیه، بؤلوجو ترور هؤرگوتو پکاکانین سوریه قولو پ.ی.د-ی.پ.گنین سوریهنین منبج شهریندن چیخاریلماسی سؤزونه دایر "منبجدهکی ی.پ.گ وارلیغینا دایر سؤزلریمیزی یئرینه یئتیرمهیه قرارلیییق. مقصدیمیز اورادا ی.پ.گنین اولماماسیدیر" شکلینده دانیشدی. تورکیه ایله آمریکا آراسیندا نتیجه یؤنوملو اورتاق مکانیزمین داوام ائدن بیر پروسه اولدوغونو قید ائدن یئتکیلی، عفرین عملیاتینا دایر تورکیهنین گوونلیک قایغیلارینی آنلادیقلارینی سؤیلهدی.
صاباح: "۵جییه گئچن اؤنچو اؤلکه اولاجاییق"
نقلیات، دنیزچیلیک و خبرلشمه باخانی احمد آرسلان، ایسپانیانین بارسلونا شهرینده دوزنلنن جی.اس.ام.ای سرگیسینده تورکیهنین ایشتیراکینی دگرلندیرهرک، "۲۰۱۶دا ۴.۵جییه گئچندن سونرا هر کسین هدفی ۲۰۲۰ده ۵جییه گئچمک اولدو. ۵جییه گئچن اؤنچو اؤلکهلردن اولماق ایستییریک "دئدی .جی اس ام سئکتورونون تورکیهده جدی ایشلر گؤردویونو بیلدیرن آرسلان،" تورکیه ۵جی مسئلهسینده جدی مسافه آلمیش دورومدا. گئچمیشده باشقا اؤلکهلردن دستک ایستهیهن، معلوماتلارینی بؤلوشمهلرینی ایستهیهن بیر اؤلکه ایدیک. بو گون تام عکسینه، بیزدن دستک ایستهیهن اؤلکهلر وار" دئدی.
خبرتورک: "تورکیه آوروپالی توریست مسئلهسینده راحات"
تورکیه هتلچیلر بیرلیگی یؤنتیم قورولو باشقانی تیمور باییندیر، ۲۰۱۸.جی ایلین اولینده ایشتیراک ائتدیکلری هلند و ایسپانیا سرگیلرینده، توریزمده آوروپا بازاری اوچون مثبت سیگناللار آلدیقلارینی بیلدیرهرک، "بو ایل آوروپا بازارلاریمیزدا یاخشیلاشما گؤزلییریک" دئدی. باییندیر، تورکیهیه گلن خارجی توریستلرین ساییسی ژانویه آییندا یوزده ۳۸،۴۸ آرتیشلا ۱،۴۶ میلیونا یوکسلمهسینین سئکتور باخیمیندان مثبت بیر گلیشمه اولدوغونو دئدی.
یئنی شفق: "روسیا، تاریم محصوللارینی یئنه تورکیهدن آلاجاق"
روسیانین، تورکیهدن بیبر، بادیمجان، کاهی، نار و بالقاباق وارداتینا قارشی مانعلری قالدیراجاغی قید ائدیلدی. مؤوضوع ایله باغلی آچیقلامانی روسیا تاریم محصوللاری نظارت قورومو روسلهوزنادزور وئردی. قورومون مطبوعات کاتیبی یولیا مئلانو مسئله ایله باغلی: "۵ مارسدان اعتباراً تورکیهدن بیبر، بادیمجان، کاهی، نار و بالقاباق وارداتینا ایجازه وئریلهجیی ایستیقامتینده بیر قرار آلدیق" دئدی. روسیا اوچاق بحرانینین آردیندان ۱ ژانویه ۲۰۱۶دا تورکیهدن بامادور، بیبر، بادیمجان، کاهی، نار و بالقاباق وارداتینی دوردورموشدو.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.