تورکیه مطبوعاتی اوزتی 01.02.2018
باشباخان ییلدیریمدان ماکرونا عفرین جوابی: فرانسانین فیکری بوزوق
![تورکیه مطبوعاتی اوزتی 01.02.2018](http://cdn.trt.net.tr/images/xlarge/rectangle/05c1/58c0/233a/59d484f486e1c.jpg?time=1718872363)
تورکیه مطبوعاتی اوزتی 01.02.2018
صاباح: اردوغان، پوتین ایله تلفوندا گؤروشوب"
دولت باشقانی رجب طیب اردوغان، روسیا پرزیدنتی ولادیمیر پوتین ایله تلفوندا گؤروشوب. گؤروشمهده روسیانین سوچی شهرینده ایدیلن میللی دیالوق کونگرهسی، سوریهنین عفرین بؤلگهسیندکی تروریستلره قارشی زیتون دالی عملیاتی و ایدلیب، او جملهدن سوریه ایله باغلی سون حادثهلر حاقیندا قیمت وئریلن، گؤروشمهده ایکیطرفلی موناسیبتلره ده توخونولوب.
یئنی شفق ":جمهورباشقانلیغی سؤزچوسو کالین:چمبر دارالیر"
پرزیدنت سؤزچوسو ایبراهیم قالین، عفرینده داوام ائتدیریلن زیتون دالی عملیاتی اوچون "اؤنجهلیک وظیفهمیز سوریه اراضیلرینی ترور هدفلریندن تمیزلمک. 700دن چوخ تروریست ضررسیزلشدیریلمیشدیر. قهرمان عسگرلریمیز بؤیوک بیر موباریزه آپاریر. بؤلوچو ترور تشکیلاتی اوچون چنبر دارالیر" دئدی.
ایستار ":باشباخان ییلدیریمدان ماکرونا عفرین جوابی: فرانسانین فیکری بوزوق"
رسمی سفر چرچیوهسینده بیر سیرا گؤروشمهلر کئچیرمک اوچون تورکیهده اولان لبنان باش ناظیری سعد حریری ایله بیرگه مطبوعات کونفرانسی کئچیرن باش ناظیر بینالی ییلدیریم، عفرین اوچون ایشغال عملیاتینا چئوریلمهسین دئین فرانسا پرزیدنتی امانوئل ماکرونا جواب وئرهرک، تورکیهنین قطعیتله بیر ایشغال منطیقی ایچینده حرکت ائتمدیگینی بوتون دونیا بیلیر کی، بیلمهلیدیر. فیرات قالخانینا گؤتورسک بونو گؤروروک. فرانسانین فیکری بوزوق دئدی.
وطن ":تونجئلیده اورتا عصرلر دؤورونه عایید دئو پیتوس تاپیلدی"
تونجئلی اوستان ژاندارم قوموتانلیغینا باغلی قروپلارلا، ترورلا موباریزه چرچیوهسینده تشکیل ائتدیکلری بیر عملیاتدا، اورتا عصر دؤورونه عایید اولدوغو گومان ائدیلن تخمینن مین 500 ایللیک، پیتوس دئییلن تاخیل کوپو اله کئچیریلهرک، تونجئلی مدنیت مودورلوغونه تحویل وئریلیب.
خبر تورک "2017 معلوماتلاری توریزمجی بو ایل اوچون وعد وئرمیشدی"
تورکیه ایستاتیستیک قورومونون (تویک) آچیقلادیغی 2017 توریزم ایستاتیستیک معلوماتلاریندا گؤرولن توریزم گلیرلری و زیارتچی ساییسینداکی آرتیم، توریزمچی-لری بو ایل اوچون وعد وئرمیشدی. تویک معلوماتلارینا گؤره، تورکیهنین توریزم گلیری، 2017ده بیر اوّلکی ایله گؤره یوزده 18.9 آرتاراق 26 میلیارد 283 میلیون 656 مین دولارا یوکسلیب.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718872363)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.