تورکیه مطبوعاتی اؤزتی 17.01.2018
اردوغان، 5 فوریه‌ده پاپا فرنسیس دعوتی ایله واتیکانا سفر گئرچکلشدیره‌جک. اردوغانین کاتولیک‌لرین روحانی لیدری پاپا فرنسیس ایله گؤروشمه‌سینده ان اؤنم‌لی گوندم ماده‌سی قودس مسئله‌سی اولا‌جاق
تورکیه مطبوعاتی اؤزتی 17.01.2018
حریت: "اردوغان، عفرین عملیاتینی سوریه‌لی موخالیف‌لرله ائدجگیک"
دولت باشقانی رجب طیب اردوغان، تورکیه بؤیوک میللت مجلیسیندکی قروپ گؤروشمه‌سی‌نین آردین‌دان ژورنالیست‌لره وئردیگی آچیقلامادا سوریه‌نین شمالیندا ترور یوواسی حالینا گلن عفرینه آپاریلا‌جاق عملیاتی سوریه‌لی موخالیف‌لرله بیرلیکده آپارا‌جاق‌لارینی بیلدیریب.
صاباح: "پرزیدنت اردوغان‌دان تاریخی سفر"
دولت باشقانی رجب طیب اردوغان، 5 فوریه‌ده پاپا فرنسیس دعوتی ایله واتیکانا سفر گئرچکلشدیره‌جک. اردوغانین کاتولیک‌لرین روحانی لیدری پاپا فرنسیس ایله گؤروشمه‌سینده ان اؤنم‌لی گوندم ماده‌سی قودس مسئله‌سی اولا‌جاق. پرزیدنت اردوغانین واتیکانا سفری 59 ایل سونرا پرزیدنت سویه‌سینده کئچیریله‌جک ایلک سفر اولا‌جاق.
خبر تورک: "باش قرارگاه رئیسی آخاردان پ.ی.د تپکی‌سی: ایجازه وئره مییک و ائتمیه‌جگیک"
باش قرارگاه رئیسی ژنرال حولوصی آکار، بلژیک‌ین پایتختی بروکسل‌دکی ناتو نیظامی کومیته‌سی‌نین باش قرارگاه رئیس‌لری ایجلاسی‌نین آچیلیش ایجلاس چیخیشیندا، "پ.ک.ک-نین بیر داوامی اولدوغو آچیق دلیل‌لرله ثبوت ائدیلمیش اولان ترور تشکیلاتی ی.پ.گ-نین اوپراتیو بیرگه آدی آلتیندا دستکلنمه‌سی و سیلاحلاندیریلماسینا ایمکان وئره‌مییک و وئرمه‌یه‌جگیک. بو ختا‌دان ان قیسا مدتده قایتاریلاجاغینی اومید ائدیریک" دئدی.
یئنی شفق: "80 میلیاردلیق 20 پروژه"
ایقتیصاد ناظیری نیهات زیبکجی، "تورکیه‌نین اؤز بؤیوک‌لرینی یاراتماسی" کیمی تصویر ائتدیگی و ایدخا‌لی یوکسک سکتورلارا دوغرو اولان پروژه اساس‌لی تشویق سیستمین‌دکی جمعی 80 میلیارد لیره‌لیق یاتیریم پروژه‌لرینه دایر قرارلارین آی سونونا قدر ناظیرلر کابینه‌سینده چیخارماغی پلانلاشدیردیق‌لارینی دئییب. زیبکجی، تشویق وئریله‌جک پروژه ساییسی‌نین دا 20یه چاتدیغینی دئییب
ایستار: "آلمانیا بازارین‌دان 4 میلیون توریست گؤزلنیلیر"
تورکیه سیاحت آژانس‌لاری بیرلیگی (تورساب) خاریجدکی نماینده‌سی حسین بارانر، دونیانین ان بؤیوک استراحت و توریزم سرگی‌لرین‌دن بیری اولا‌راق قبول ائدیلن و 13-21 ژانویه‌ده باشلایان 50-جی CMT (کاراوان-موتور-توریزم) سرگی‌سینده تورک غرفه‌سینه بؤیوک ماراق اولدوغونو دئدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
