تورکیه مطبوعاتی اؤزتی 10.01.2018
سوریهدا بشار اسد رژیمینین ایدلیبه قارشی سالدیریلاریندان سونرا تورکیه، روسیانین آنکارا سفیری آلکسی یرهوو ایله ایرانین آنکاراداکی سفیری محمد ایبراهیم طاهریان فردی، خاریجی ایشلر ناظیرلیگینه چاغیریب
تورکیه مطبوعاتی اؤزتی 10.01.2018
صاباح: "اردوغان تورک هاوا یوللاری خاریجی نمایندهلرینی قبول ائتدی"
دولت باشقانی رجب طیب اردوغان، بئش تپه میللت، مدنیت و کونگره مرکزینده، تورک هاوا یوللاری خاریجی نمایندهلرینی قبولوندا ائتدیگی دانیشمادا، شیرکتلرین دونیا مارکاسی اولماق اوچون اوّلجه اؤز اؤلکهلرینده اینکیشافلارینی اثبات ائتمیش اولمالاری لازیم اولدوغونو سؤیلهدی. تورک هاوا یوللارینین اؤلکهنین ان اوزاق گوشهلرینه قدر اوزانان اوچوش خطلری و خیدمت کئیفیتیله میللتین کؤنلونه گیرمگی باجاردیغینی ایفاده ائدن اردوغان، عینی اوغورون دونیا میقیاسیندا تظاهر ائتدیگینی گؤرمکدن قورور دویدوقلارینی بیلدیریب. اردوغان، "اگر بو گون اؤلکهمیزده دونیا میقیاسیندا اوغورلارا ایمضا آتدیغیمیز بیر هاواجیلیق صنایعسی وارسا بونو اهمیتلی درجهده تورک هاوا یوللارینا بورجلویوق". دئدی.
یئنی شفق: "ایران و روسیانین ائلچیلری ایشلرینه چاغیریلیب"
سوریهدا بشار اسد رژیمینین ایدلیبه قارشی سالدیریلاریندان سونرا تورکیه، روسیانین آنکارا سفیری آلکسی یرهوو ایله ایرانین آنکاراداکی سفیری محمد ایبراهیم طاهریان فردی، خاریجی ایشلر ناظیرلیگینه چاغیریب. تورکیهنین، رژیمین سوریهداکی گرگینلیگی آزالتما بؤلگهلرینی پوزونتولاریندان دویدوغو راحتسیزلیق اوّلکی گونلرده نیظامی و دیپلوماتیک کاناللاردان آستانا-دا رژیمین قارانتی رولوندا چیخیش اوستلنن روس و ایرانلی یئتکیلیلره بیلدیریلیب. پوزونتولارین داوام ائتمهسی اوزرینده سون اولاراق روسیانین آنکاراداکی سفیری یئرهووون بو گون ناظیرلیگه چاغیردیغی و تورکیهنین بو مسئلهدکی اعتراضی ایله ناراحاتلیغینین گوجلو ایفادهلرله دیله یئتیریلدیگی وورغولانیب.
وطن: "جانیکلیدن اس-400 آچیقلاماسی"
میللی ساوونما ناظیری نورالدین جانیکلی، هاوا، موشک علیهینه ساوون سیستمی ایله باغلی بیرلیکلرده قورولوشلار اولدوغونو بیلدیرهرک، "اما اس-400، یا دا بونا بنزر بالیستیک موشک علیهینه ساوونما سیستملری بیر آز داها مورکب و بؤیوک اولدوغو اوچون علاوه دییشیکلیک طلبی اورتایا چیخا" بیلر. دئدی. جانیکلی، اس-400لرله باغلی ایمضالانان کرئدیت سازیشینه قارشی ژورنالیستلرین سواللارینی جوابلاندیریب. اس-400لرین قبولوندا چوخ مقبول قیمته مالیلشدیرمه ایستیفاده ائدیلدیگینی وورغولایان جانیکلی، فایز نیسبتینین بین الخالق بازارلاردا ایستیفاده اولونان اوخشار کرئدیت فایزلرینین چوخ آلتیندا اولدوغونو بیلدیریب.
یئنی شفق: "کانال ریوا-ده ایمضالار آتیلدی"
ایستانبول بئیکوز بلدیهسی ایله صلاحیتلی فیرما آراسیندا "ریوا درهسی اطراف موحیطین محافظهسی، سو امنیتی ایله شهرله علاقهدار دیزاین پروژهسی" اوچون مناقصه موقاویلهسی ایمضالاندی. بئیکوز بلدیه باشقانی اوجال چلیکبیلئکین مقامیندا کئچیریلن ایجلاسدا باشقان معاوینی ایوب صالح الماس، باشقان موشاویری نئوزات اورال، پلان و پروژه دیرکتورو خیریه گول توتو و فیرما صلاحیتلیلری حاضیر اولدو. پروژه ایله باغلی بیاناتلار وئرن باشقان اوجال چلیکبیلئک، "ایستانبولون اکران پروژهسی کانال ایستانبولون یئرلی وئرسیون اولاراق و بئیکوز توریزم پوتانسیلینه، گلهجگینه و توریست موسسیسه آنلاییشینین اینکیشافینا بؤیوک قاتقی وئرهجک کانال ریوا پروژهسینی حیاتا کئچیرمک اوچون آددیملاریمیزی آتتیک" دئدی.
خبر تورک: "آغ جنتین آنتیک حوضون ایستی سویو کئفی"
بیرلشمیش میللتلر تحصیل، علم و مدنیت تشکیلاتی (یونسکو) دونیا میراث لیستهسینده اولان پاموککاله، هیراپولیس آنتیک شهریندکی ترمال حوضو، زیارتچیلرینه فرقلی بیر تجروبه سونور. آنتیک عصردن بو یانا ترمال معالیجه مرکزی کیمی تانینان پاموککاله، آغ تراورتن-لرینی تشکیل ائدن کالسیومجا زنگین آغ و دمیر میقداری چوخ قیرمیزی سو منبعلری موختلیف مینراللاری ساغلیق توریزمینین خیدمتینه وئریر. میلاددان سونرا 692ده میدانا گلن زلزهلهده سوتونلارین داغیدیلماسی و ترمال سویون توپلانماسی نتیجهسینده طبیعی یوللارلا عمله گلن هیئراپولیسدکی آنتیک حوض ایسه یاز قیش دییشمهین 36 درجهلیک سویلا زیارتچیلرینه فرقلی تجروبه یاشادیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.