تورکیه مطبوعاتی اؤزتی 28.12.2017
سودان خاریجی ایشلر ناظیری ایبراهیم گاندور، تورکیهنین سئواکین آداسینا نیظامی و سیویل گمیلرین تعمیرینه گؤره بیر لیمان اینشا ائدجگینی سؤیلهییب
![تورکیه مطبوعاتی اؤزتی 28.12.2017](http://cdn.trt.net.tr/images/xlarge/rectangle/05c1/58c0/233a/59d484f486e1c.jpg?time=1718892272)
تورکیه مطبوعاتی اؤزتی 28.12.2017
وطن: "اردوغان، اسد دولت ترورو تؤرتمیش بیر ترورچودور"
دولت باشقانی رجب طیب اردوغان، آفریقا اؤلکهلرینه حیاتا کئچیردیگی سفرینین سون دایاناجاغی تونیسده. پرزیدنت اردوغان، تونیس پرزیدنتی الباجی قائد السبسی ایله بیرلیکده بیرگه مطبوعات کونفرانسی کئچیریب. سوریهدکی پروسهلره توخونان اردوغان، "اسد ایله یئریمک مومکون دئییل. اسد بیر دفعه قطعیتله آیدین و دقیق دئییرم: دولت ترورو تؤرتمیش بیر ترورچودور". دئدی.
حریت: "دوشمن آزالدیب دوست آرتیرماغا مجبوروق
جمهورباشقانی رجب طیب اردوغان، آفریقا سفری چرچیوهسینده چاددان تونیسه کئچرکن اوچاقدا ژورنالیستلره وئردیگی آچیقلامادا، (آلمانیا و هولند، زیارتلر اولا بیلرمی، آوروپا بیرلیغی پروسهسینده جانلانما یاشانیر می)؟ سوالینا،
بو سیاحتلرین اولماماسی اوچون هئچ بیر سبب یوخدور. هر زامان سؤیلهدیغیم بیر سؤز وار. بیز دوشمنی آزالتماغا، دوستو آرتیرماغا مجبوروق. نه آلمان ایله پروبلمیمیز وار، نه هلند نه ده بلژیک ایله. تام عکسینه، اورالاردا ایش باشیندا اولانلار منیم اسکی دوستلاریم. منه قارشی سهو ده ائتدیلر. او آیری یوخسا من مثلن هولند باش ناظیری روت ایله چوخ یاخشی گؤروشردیم. بلژیک ده ائله، آلمان بلیرتممه بئله احتیاج یوخ اشتاین مایر اولسون مرکل اولسون موناسیبتلریمیز چوخ فرقلی اولموشدور. همیشه پروبلملر اولوب، اما سون گؤروشمهلریمیز چوخ گؤزل" دئیه جواب وئریب.
سحر: "باش ناظیر ییلدیریم، سعودی عربیستانی کرالی سلمان ایله گؤروشوب"
باش ناظیر بینالییلدیریم، سعودی عربیستان کرالی سلمان بن عبدالعزیز ایله گؤروشوب. گؤروشمهده، قودسون ایستاتوسو وئریلن اؤنم وورغولانیب، فیلیسطینلیلرین حاقلارینین قورونماسی اوچون بوتون ایسلام عالمینین بیرلیک ایچینده حرکت ائتمهسی لازیم اولدوغو، بیرلشمیش میللتلر تشکیلاتینین باش مجلیسینده قبول ائدیلن قرارین بین الخالق جمعیتین گوجلو بیر مساژی اولاراق قیدیاتدان کئچدیگی دیله گتیریلدی. ایکیلی ایلیشکیلرین ده موذاکیره اولوندوغو گؤروشمهده، کؤکلو تاریخی، دینی و بشری باغلارین یئرلشدیگی کؤرفزین و یاخین شرقین ان اؤنملی اؤلکهلریندن سعودی عربیستانی ایله علاقهلره وئریلن اؤنم وورغولانیب.
خبر تورک: "تورکیهنین سوداندان ایستدیگی نامیزده کئچیریلهجک ایلک پروژه آچیقلانیب"
سودان خاریجی ایشلر ناظیری ایبراهیم گاندور، تورکیهنین سئواکین آداسینا نیظامی و سیویل گمیلرین تعمیرینه گؤره بیر لیمان اینشا ائدجگینی سؤیلهییب. گاندور، لیمان موقاویلهسینین بوتؤولوکده 650 میلیون دولار دگرینده بیر نئچه موقاویلهدن بیری اولدوغونو بیلدیریب و ایکی اؤلکه آراسینداکی موقاویلهنین، هر هانسی بیر نیظامی امکداشلیق ایله نتیجهلنجگینی آچیقلاییب.
ایستار: "قطره تقویه تورک عسگری گؤندریلیب"
قطر، بیرگه گوجلر قوموتانلیغی فاکتورلاری، او جملهدن تورکیهدن قطره تقویه نیظامی گوج گلدیگینی آچیقلاییب. قطر مدافعه ناظیرلیگیندن ائدیلن آچیقلامادا، تورکیه و قطر آراسیندا کئچیریلن بیرگه ساوونما موقاویلهسی اساسیندا محکملتمه تورک گوجلرینین طاریق بن زیاد تابورونا قاتیلاجاغینی آچیقلاییب. موقاویلهنین تروریزمه، شدت حرکتلرینه قارشی موباریزه و منطقهده امنیتی تامین ائتمگی احاطه ائتدیگی قید ائدیلیب. تورکیهدن گئدن عسکری تقویه گوجله، قطر سیلاحلی کووتلرینین موجاده ایله
قابیلیتلرینی آرتیرماق اوچون بیرگه تلیم ائدجگی ایفاده ائدیلدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718892272)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.