تورکیه مطبوعاتی اؤزتی 19.12.2017
وطن: "عفرین عملیاتی اوچون سون حاضیرلیق‌لار تامام"
تورکیه مطبوعاتی اؤزتی 19.12.2017
یئنی شفق: "قودس‌دکی ظلم فیرتینا موژده‌چی‌سی"
تورکیه جمهور باشقانی رجب طیب اردوغان باشکند آنکارادا دونیا قاچقین‌لار گونو موناسیبتیله کئچیریلن "آنادولو دونیا دولو" پروقرامیندا ائتدیگی چیخیشیندا، آمریکا بیرلشیک ایالتلری‌نین قودسو ایسرائیلین باشکندی قبول ائتمه‌سینه اعتراض گؤستردی. نتیجه آلماغا یؤنلیک آددیم‌لارین آتیلماسی لازیم اولدوغونو قید ائدن اردوغان،" بو گون قودسده آغلادیلان هر اوشاق، آجی وئریلن هر بیر آنا، وورولان، دؤیولن، تحقیر ائدیلن هر بیر اینسان یاخین‌لاشان یئنی بیر فیرتینانین خبر وئریر. قودس مسئله‌سی بوتونلوکله بشریتین و خصوصیله ده موسلمان‌لارین اویانیشینا سبب اولا‌جاق. "دئدی.
حریت: "ایسرائیل عسگرلری‌نین ووردوغو داون سیندروم‌لو گنج تورکیه‌ده"
قودسده ایسرائیل عسگرلری طرفین‌دن وورولاراق نظارته آلینان داون سیندروم‌لو محمد خادر الطویل-ه تورکیه صاحب چیخدی. فیلیسطین‌لی الطویل و عائله‌سی، تورکیه‌یه گتیریلدی. ایسرائیل عسگرلری‌نین، آمریکا‌نین قودس قرارینی اعتراض ائتمک اوچون تشکیل اولونان گؤستری‌لره موداخیله‌سی زامانی الخلیل شهرینده 10 دسامبر تاریخینده داون سیندروم‌لو گنجین حبس ائتمه گؤرونتولری دونیا ایجتیماعیتینده تپکی چکمیشدی. الطویل، بدن دیلیله، 6 ساعت نظارتده قالدیغینی، عسگرلرله قونداقلا وردوغونو و اللری آرخا‌دان قاندال‌لی شکیلده توپلاما دوشرگه‌سینده ساخلانیلدیغینی ایفاده ائتدی. الطویل پسیکولوژی دستک تامین اولونا‌جاق.
وطن: "عفرین عملیاتی اوچون سون حاضیرلیق‌لار تامام"
کئچن ایل فرات قالخانی حرکاتیندا سوریه‌دکی ترور تشکیلاتی داعش منسوب ترورچولارین تمیزلنمه‌سی‌نین سونرا زامان عفرین عملیاتینا گلدی. دولت باشقانی رجب طیب اردوغانین "عفرینی ده منبیچی ده تروردان تمیزلیه‌جگیک" سؤزلرین‌دن سونرا تورک سیلاح‌لی گوجلری و آزاد سوریه اوردوسو گوجلری، بؤلوچو ترور تشکیلاتی پ.ک.ک-نین سوریه قولو پ.ی.د/ی.پ.گ-یه قارشی کئچیریله‌جک عملیات اوچون "حاضیر اوّل موقعیتینه کئچدی. عفرین-ایدلیپ سرحد خطینه حاکم 3 نقطه‌ده یارادیلان امنیت مسئله‌لرینه زیرئه‌لی بیرلیک‌لرین تقویه‌سی سرعتلندی.
سحر: "کؤرفزدن جد-یه میلیون دو‌لارلیق سرمایه"
سون ایللرده بؤیوک بیر آددیما کئچن یازیلیم تلاشلاری کؤرفزلی یاتیریمچی‌نین رادارینا گیردی. خاریجی ایقتیصادی علاقه‌لر قورولو DEİK تکنولوژی موشاویری علی رضا بابا اوغلان، "2018ده بو ساحه‌یه 50 میلیون دو‌لارلیق فوند گیریشی گؤزلییریک" دئدی. تورکیه‌نین سون 5 ایلده تکنولوژی ساحه‌سینده 1.5 میلیارد دو‌لارلیق فوند چکدیگینی بیل‌دیرن بابا اوغلان، قارشی‌داکی 5 ایلده فوند گیریشی‌نین 10 دفعه آرتاجاغینی قید ائدیب. تورکیه‌ده یاتیریم یاتیرماق یاخین شرق‌لی‌لر اوچون بیر پرستیژ قایناغی اولدوغونو قید ائدن بابا اوغلان، "شرق‌لی‌لر تورکیه‌یه گوونیرلر" - دئدی.
خبر تورک: "ترانسفرین گؤزده جنک توسون‌ا 13 تیم طالب اولدو"
اینگیلیس قروپ‌لاری‌نین نماینده‌لری‌نین قولچو اویونچونون آلمانیادا یاشایان آتاسی شنول توسون ایله گؤروشدوگو اورتایا چیخدی. نیت‌لری‌نین جیدی اولدوغونو گؤسترن اینگیلیس‌لرین دؤوره آراسی اوچون بو ترانسفری فیکیرلشدیک‌لرینی دئدیک‌لری بیلدیریلدی. آتا توسون ایسه توتنهام و ائورتونا " جنک‌ین کلوبویلا موقاویله‌سی داوام ائدیر. بیزیم بیر چتینلیگیمیز یوخدور. بئشیکتاش گئت دئسه گئده‌ریک یوخسا قالیریق". دئدی. جنک‌ین آتاسی ترانسفر اوچون بئشیکتاش کلوبو موذاکیره‌سی لازیم اولدوغونو، جنک‌ین ترجیحی‌نین اینگیلتره اولدوغونو دئدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
