تورکیه مطبوعاتی اؤزتلری 08.12.2017
"اردوغان: ناتویا گلیشینیزی بیز تامین ائتمیشیک"
ایستار: "اردوغان: ناتویا گلیشینیزی بیز تامین ائتمیشیک"
یونانیستان سفری چرچیوه‌سین‌ده آتنده قونوداشی، پروکوپیس پاولوپولو ایله بیر آرایا گلن پرزیدنت رجب طیب اردوغان، "ناتودان سیز چیخدینیز، یئنی‌دن ناتویا گلیشینیزی بیز تامین ائتمیشیک. بیز مانع اولسایدیق، سیز ناتویا گیره‌بیلمزدینیز. اما بیز ائله باخمامیشیق، قونشو دئیه باخدیق. بو گون ده ائله باخیریق" دئدی.
صاباح: "باشباخان:پیمی چکیلمیش بومبا کیمی اولور"
باشباخان بینعلی ییلدیریم، گونئی کره سفری سونراسی اوچاقدا ژورنالیستلره وئردیگی آچیقلامادا؛ آمریکانین پرزیدنتی دونالد ترامپین قدوس ایله باغلی قالماقاللی قرارینا دایر "قدسون ایستاتوسو ایله اویناماق پیمی چکیلمیش بیر بومبایا اوخشار" دئدی.
یئنی شفق: "باشباخان ییلدیریم: ۲۰۱۸ یول خریطه‌سی حاضردیر"
باشباخان بینعلی ییلدیریم تورک صنایع‌چیلری و ایش آداملاری درنگی (توسیاد) یوکسک مشورت شوراسینین توپلانتیسین‌دا وئردیگی آچیقلامادا، "۲۰۱۸ آسان اولمایاجاق، اما اؤلکه‌میزین بو گونه قدر باشاریلاری سایه‌سین‌ده، گوون سایه‌سین‌ده ۲۰۱۸ده ده اینشاالله بؤیومه عینیله داوام ائد‌جک. ۲۰۱۸ده یول خریطه‌میزی حاضیرلاییریق" دئدی.
صاباح: "ت.ه.ی برزیللی آزول ایله آنلاشما ایمضالادی"
برزیلین ان بؤیوک هاوا یولو شیرکتی آزول و تورک هاوا یوللاری آراسین‌دا کد پایلاشیمی ائدیله‌جک. بئیله‌لیکله ت.ه.ی آزولون ایچ خط کدونا علاوه اولوناجاق و یولچولار ت.ه.ی اوزرین‌دن بیلتلرینی بیرباشا ساتین آلابیله‌جک.
خبر تورک: "ت.ه.ی تاریخ وئردی"
تورک هاوا یوللاری (ت.ه.ی) یؤنتیم قورولو و ایجرا کمیته‌سینین باشقانی م.ایلکر آیجی؛ ت.ه.ی دونانماسینا یئنی قاتدیغی بوئینگ-۷۷۷ یوک اوچاغینین تسلیم مراسیمینین آردیندان باسین منسوبلارینا آچیقلامالار وئردی. اوچونجو هاوالیمانی ایله باغلی دانیشان آیجی، "آغیر آغیر اورادا بیر عملیات گئدیر بو آندا. تقدیر ائدرسینیز کی آسان بیر اراضی دئییل. او اراضینین حاضرلانماسی و تیکینتینین اونون اوزرین‌ده یوکسلمه‌سی اوچون بوتون ایشلر گؤرولور. گرکلی دیزاین ایشلری آپاریلدی و تاماملاندی. چوخ یاخین‌دا تیکینتیلرین یوکسلدیگینی گؤره‌بیله‌جکسینیز. ۲۹ اکتبر ۲۰۱۸ده 3.جو هاواآلانیمیز‌داییق" دئدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
