تورکیه مطبوعاتی اؤزتی 07.12.2017
صاباح: پرزیدنت اردوغان، اسلام امکداشلیق هؤرگوتونو ۱۳ دسامبردا ایستانبولدا فؤوق العاده توپلانتییا چاغیردی
صاباح؛ "اردوغان قدس اوچون سفربرلیک باشلاتدی"
جمهورباشقانی رجب طیب اردوغان، آمریکانین قدسو ایسراییلین یاشکند اولاراق تانیما حملهسینه قارشی سفربرلیک باشلاتدی. اورتادوغو باریش پروسهسینی ایفلاسا اوغراداجاق آددیما قارشی تلفن دیپلوماسیسی آپاران پرزیدنت اردوغان، اسلام امکداشلیق هؤرگوتونو ۱۳ دسامبردا ایستانبولدا فؤوق العاده توپلانتییا چاغیردی.
وطن: "تبمم-دن قدس اوچون بیرگه دکلراسیون"
تورکیه بؤیوک میلت مجلیسیندهکی ۴ سیاسی پارتی، آمریکا پرزیدنتی دونالد ترامپین قدس قرارینا قارشی اورتاق بیاننامه یاییملاندی. باش قورولدا آمریکانین قدسو ایسراییلین پایتاختی اولاراق تانیما پلانینا قارشی سیاسی پارتی قروپلارینین حاضیرلادیغی بیرگه بیانات اوخوناراق، "بؤیوک میلت مجلیسینین بو ماجراچی گیریشیمی کسین و دارتیشماسیز بیر شکیلده رد ائتمک ایرادهسی" دونیا قامواویونا اعلان ائدیلدی.
یئنی شفق: "تورکیه قدس اوچون آیاقدا"
آمریکانین قدسو ایشغالچی ایسراییلین باشکندی اولاراق تانیماسی بوتون تورکیهنی آیاغا قالدیردی. بیر چوخ ائلده اعتراضلارین آدرسی آمریکا و ایسراییل اولدو. تاریخ بویو مسلمانلارین قیرمیزی چیزگیسی اولان قدس اوچون تورکیهدهکی بیر چوخ شهرده اینسانلار، قدسه صاحب چیخماق اوچون کوچهلره تؤکولدو.
حریت: "تورکیه و روسیا آنلاشدی: ۳.جو گلیر"
روس و تورک هاواچیلیق سئکتورو یئتکیلیلری، موسکوا-آنتالیا خطینده هفتهده ۷ دفعه سفر حیاتا کئچیرهجک اوچونجو بیر هاوا یولو شیرکتینین تعیین ائدیلمهسی مسئلهسینده آنلاشمایا واردی. بو آن موسکوا-آنتالیا خطینده بیرباشا سفرلر، روس هاواچیلیق شیرکتی ایروفلوت و تورک هاوا یوللاری طرفیندن حیاتا گئچیریلیر.
خبر تورک: "عاغیللی ماکارونی ژاپونا گئدیر"
فعالیتینه ۱۹۹۸.جی ایلده باشلایان، قونیادا ماکارونی اورتن بیر شیرکتین تورکیه بیلیمسل و تکنولوژیک آراشدیرمالار قورومو، (توبیتاک) دستگی ایله ۳ ایل سورن چالیشمانین آردیندان گلیشدیردیگی، ای ویتامینی، فسفور و پروتئین باخیمیندان زنگینلشدیریلهن ماکارونی، ژاپن باشدا اولماقلا ۱۰ اؤلکهیه صادراتی ایله اقتصادا قاتقی وئریر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.