تورکیه مطبوعاتی اؤزتی 06.12.2017
تورکیهنین توریزم باشکندی و دونیانین ان چوخ زیارت ائدیلن شهرلری آراسینداکی آنتالیا توریزمینده، ایلین 10 آیلیق دؤورونده اوزده 60ی آشان آرتیم گؤرولرکن، نوامبر آییندا 2016 رقملرینه قاییدیلدی
تورکیه مطبوعاتی اؤزتی 06.12.2017
صاباح: "فورصتلر اؤلکهسیییک"
جنوبی کورهنین باشکندی سئولدا ایش دونیاسینین نمایندهلری شام یئمگینده بیر آرایا گلن باش ناظیر بینالی ییلدیریم، تورکیه ایله کوره آراسیندا دیپلوماتیک موناسیبتلرین 60ینجی ایلینین قید اولوندوغونو خاطیرلاداراق، "اومید ائدیرم کی، بو دؤوردن سونرا تورکیه ایله کوره آراسینداکی موناسیبت ایستراتژی طرفداشلیغا چئوریلهجک. بئلهلیکله هر ایکی اؤلکهنین گلهجگی، ریفاهی اوچون بیرلیکده بؤیوک ایشلره، بؤیوک پروژهلره ایمضا آتمیش اولاجاقسینیز" دئیه دانیشدی. کورهلی فیرمالارین تورکیهیه ماراقلارینین سئویندیریجی حال اولدوغونو قید ائدن باش ناظیر ییلدیریم، "بعضیلری، کوره-تورکیه امکداشلیغی بعضی پروژهلری حیاتا کئچیردیلر، اما هله قرار وئرممیش فیرمالار اوچون ده تورکیه چوخ بؤیوک ایمکانلار وئریر" - دئدی.
ایستار: "آغدنیزینین ایخراجی یوکسلیب"
آغدنیزی ایخراجاتچی بیرلیکلری (AKİB) کووردیناتور پرزیدنتی محمود آرسلان، آغدنیزی ایخراجاتچی بیرلیکلرینین 2017نین 11 آیینداکی ایخراجینین، اؤتن ایلین عینی دؤورو ایله موقاییسهده یوزده 18.4 آرتاراق 10 میلیارد 640 میلیون دولارا چیخدیغینی بیلدیردی. آرسلان، ائتدیگی یازیلی آچیقلامادا، بیرلیگین ایخراجینین هر آی آرتدیغینی، بورادان آلدیقلاری گوج و ایناملا 2018-جی ایلده داها بؤیوک گؤستریجیلره ایمضا آتاجاقلارینا ایناندیقلارینی ایفاده ائدیب.
حرّیت: "تورک قهوهسینی دونیایا ایچیرهجک"
2004-جی ایلده قورولان قهوه دونیاسی، روتانی چین و آمریکا بیرلشیک دولتلرینه چئویردی. چینده نؤوبتی ایل 50- 100 شعبه آچماغی پلانلاشدیردیقلارینی بیلدیرن قهوه دونیاسی ایدارچی طرفداشی خاقان آلتین کیلیچ، "2004-جی ایلده یارادارکن تورک قهوه توکتیمینی آرتیرماغی پلانلاشدیرمیشیق. ایندی تورک قهوهسینین خاریجده آچیلماسینا دستک وئریریک" دئدی.
خبر تورک: "آنتالیا توریزمی قدیم دؤورلرینه قاییتدی"
تورکیهنین توریزم باشکندی و دونیانین ان چوخ زیارت ائدیلن شهرلری آراسینداکی آنتالیا توریزمینده، ایلین 10 آیلیق دؤورونده اوزده 60ی آشان آرتیم گؤرولرکن، نوامبر آییندا 2016 رقملرینه قاییدیلدی. آنتالیا هاوا لیمانینا، بو ایل نوامبر آییندا، کئچن ایله نیسبتن یوزده 1 آرتیملا 141 مین توریست گلنده، بوتؤولوکده ایسه یوزده 58 آرتیملا 9 میلیون 617 مین نفره چاتیب.
یئنی شفق: "کانال ایستانبولون مسیری دقیقلشیب"
ایستانبول بوغازینا آلترناتیو اولاراق نظرده توتولان کانال ایستانبول مسیر آیدینلاشدی. گؤرولن ایشلر نتیجهسینده مرمره دنیزینی کوچوکچکمجه گؤلوندن آییران حیسهدن باشلایاراق، سازلی دره باراژ حوزهسی بویونجا داوام ائدن و سونرا سازلیبوسنا کندینی کئچهرک دورسونکؤیون شرقینه چاتیب پاخلالی کندینی کئچندن سونرا ترکوس گؤلو "هم غربینده قارا دنیزه چاتان آلترناتیو مسیرین ایستانبول بوغازینا آلترناتیو سو یولو" کانال ایستانبول پروژهسی" اوچون ان موناسیب مسیر اولدوغو معیینلشدیریلیب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.