تورکیه مطبوعاتی اؤزتی30.11.2017

تورکیه مطبوعاتی اؤزتی30.11.2017

وطن: "اینگیلتره‌ده اینترنت داها یاواش"

تورکیه‌نین اؤنده گلن تکنولوژی شیرکتی نت آشین 50-جی ایلدؤنومو تدبیرینه قاتیلان باش ناظیر بینا‌لی ییل‌دیریم، "اینفورماسیون و کوممونیکاسیون تکنولوژی‌لری‌نین حیاتیمیزداکی حجمی گئتدیکجه داوام ائده‌جک. یاخیندا سوروجوسوز ماشین‌لارین دؤور باشلایا‌جاق. تکنولوژی مسئله‌سینده تورکیه‌یه 2003 ایلدن بری پارلاق ایرلیلییش‌لر گتیردیک. 2002ده وظیفه‌یه گلنده گئنیش باند ندیر بیلن یوخ ایدی. 2 گون اوّل اینگیلتره‌ده ایدیم. اورادا اینترنت سرعتی داها یاواش. ایندی گئنیش باند اینترنت وار، موبیل اینترنت وار. 10 ایل کیمی مدت ایچری‌سینده 5گ تکنولوژی‌لرینه دوغرو گئدیریک" دئدی.

صاباح: "تورکیه‌دن شما‌لی کوره‌یه قیناما"

تورکیه، شما‌لی کوره‌نی بالیستیک موشک فیرلاتیمینا گؤره پیسله‌ییب. خاریجی ایشلر ناظیرلیگی، شما‌لی کوره‌ده حیاتا کئچیریلن بالیستیک موکت فیرلاتیمینا دایر بیانات وئریب. ناظیرلیک‌دن بیلدیریب‌لر کی، "کوره دموکراتیک خالق جمهوریتی‌نین (KDHC) 29 نوامبر 2017-جی ایل تاریخینده بیرلشمیش میللت‌لر (بمت) امنیت شوراسی‌نین قرارلارینی بیر داها پوزا‌راق حیاتا کئچیردیگی بالیستیک موشک فیرلاتیمینی پیسله‌ییریک. KDHC نی بؤلگه‌سل و اولوسلار آراسی امنیت و ثابت‌لیگی تهدید ائدن حرکت‌لرینه سون وئرمه‌یه و بمت-نین امنیت شوراسی‌نین قطنامه‌لرینده ایفاده تاپان مسئولیت‌لرینی یئرینه یئتیرمه‌یه چاغیریریق" دئییلدی.

حریت: "تورک آخیمین دنیز کئچیدی‌نین یوزده 30و تامام"

روسیا قازینی تورکیه و داوامیندا آوروپایا داشیماسی پلان‌لاش‌دیریلان تورک آخیم گاز بورو کمری پروژه سی‌نین دنیز حیسه‌سی تیکینتی‌نین یوزده 30و تاماملانیب. تورک استریم شیرکتین‌دن ائدیلن یازی‌لی آچیقلامادا، بورو کمری‌نین قارا دنیز دیبینه اینشا ائدیلن ایکی درین دنیز کئچید کمری‌نین عمومی اوزون‌لوغونون 555 کیلومتره چاتدیغی قید اولونوب. ایکی خط‌دن عبارت اولان و هر بیر خطی 15.75 میلیارد متر گاز نقل ائده‌جک پروژه‌نین دنیز حیسه‌سی‌نین دؤشه‌مه‌سی روس شیرکت گازپرومون 100 یوزده ایشتیراکی South Stream نقلیات B.V. شیرکتی طرفین‌دن حیاتا کئچیریلیر.

ایستار: "عضوی کند اکینجیلیک اوره تیمینده دونیادا ایلک 10ا گیردیک"

اکینجیلیک‌ه سون ایللرده وئریلن دستک‌لرین ده تأثیریله "عضوی اوره‌تیم هر کئچن گون آرتیر. سکتور 10 ایلده 5 دفعه آرتارکن، تورکیه، 70 مین اورقانیک اکینجیلیک اوره‌تیمی ایله دونیانین ایلک 10 اؤلکه‌سی آراسینا گیردی. تورکیه اروزیونلا موباریزه، مئشچی‌لیک و طبیعی وارلیق‌لاری ساوونما فوندونون (TEMA) کند اینکیشاف پروژه‌سی‌لرینده اوره‌تیلن محصول‌لارین ساتیش و بازارلاماسینی ائدن تماری قیدانین ایداره هیاتی‌نین عضوو ویل‌دان اولدوزون وئردیگی معلوماتا گؤره 1980لرده 8 اولان عضوی محصول ساییسی بو گون 238 نوع چاتمیش وضعیتده. اولدوز "تورکیه‌ده عضوی کند اکینجیلیک محصولو بازاری 500 میلیون دو‌لار. تورکیه بو اوره تیمین مهم بیر قیسمینی 26 اؤلکه‌یه ایخراج ائدیر" دئدی.

یئنی شفق: "آنادولو توخومونا 30 اؤلکه‌دن طلب"

بو ایل 17نجی‌سی کئچیریلن Growtech Eurasia اولوسلار آراسی ایستی‌خانا اکینجیلیک آوا‌دان‌لیق‌لاری و تکنولوژی سرگی‌سی، 30 اؤلکه‌دن 85 مین زیارتچی مقصدیله قاپی‌لارینی آنتالیا ایکسپو سنترده آچدی. سرگی‌نین هر ایل هم اکینجیلیک سکتورونا هم ده شهره برکت گتیردیگینی بیل‌دیرن Growtech مارکا دیرکتورو انگین ار، "بو ایل 4 قاره‌دن 30 اؤلکه‌دن 800 ایشتیراکچی فیرمامیز وار. همچین‌ین هر ایل اؤز زیارتچی رکوردوموزو قیرماق کیمی بیر عنعنه‌میز یارانیب. 2017 ایلی هدفیمیز 85 اؤلکه‌دن 85 مین تماشاچی‌یا چاتماق" دئدی.