تورکیه مطبوعاتی اؤزتی 06.10.2017
اولوسلارآراسی قیزیل آی- قیزیل حاچ درنک‌لری فدراسیاسیونونون عمومی قورولو 1969-جی ایلده ایستانبولداکی توپلانتی‌نین آردین‌دان 48 ایل آرا‌دان سونرا یئنی‌دن تورکیه‌نین ائو صاحب‌لیگی آپاریلیر
تورکیه مطبوعاتی اؤزتی 06.10.2017
سحر: "پرزیدنت سؤزچوسو: روسیا، سوریه خالق‌لاری کونفرانسی تاخیره سالینیب"
پرزیدنت سؤزچوسو ایبراهیم قالین، نوامبرین 8-ده سوچی‌ده کئچیریله‌جک سوریه توپلانتی‌سیندا روسیانین بؤلوچو ترور تشکیلاتی پ.ک.ک-نین سوریه داوامی پ.ی.د-نی دعوت ائتمه‌سیله باغلی "روسیانین بیزه دئدیگی ایجلاسی‌نین تاخیره سالیندیغی و اورادا پ.ی.د-نین دعوت ائدیلمیه‌جگی" شکلینده کونوشدو. تورکیه‌ترور تشکیلاتی پ.ی.د-نین ایجلاسا چاغیرماسینا اعتراض ائتمیشدی.
حریت: "یاخشی‌لیق ائلچی‌لری تورکیه‌ده"
اولوسلارآراسی قیزیل آی- قیزیل حاچ درنک‌لری فدراسیاسیونونون عمومی قورولو 1969-جی ایلده ایستانبولداکی توپلانتی‌نین آردین‌دان 48 ایل آرا‌دان سونرا یئنی‌دن تورکیه‌نین ائو صاحب‌لیگی آپاریلیر. آنتالیادا باشلایان 189 اؤلکه‌دن مین 600 نفر قاتیلیمی ایله باشلایان گؤروشمه‌لرین اساس مذاکیره موضوعسو ایسه "بشریتین گوجو" اولدو. 11 نوامبر تاریخینده باشا چاتا‌جاق تدبیرلرده بین الخالق قیزیل خاچ و قیزیل آی جمعیت‌لری فدراسیونونون یئنی صدری، صدر معاوین‌لری و ایداره هیاتی‌نین عضو‌لری، آفریقا، آمریکا، آسیا و آوروپا اولماق عذره 4 منطقه‌نین ایداره‌لری اوچون ده سئچیم‌لری ده کئچیریله‌جک. گنل قورولدا، قیزیل آی عمومیتله صدری دوکتور کرم سینیق، بین الخالق قیزیل خاچ و قیزیل آی فدراسیونون آوروپا منطقه‌سی عذره صدر معاوینی اوچون یاریشیر.
خبر تورک: "سیلوپی-هابور بؤلگه‌سین‌دکی مانور سورور"
عراق سینیرینداکی هابور مرز قاپی‌سینا تخمینن 3 کیلومتر مسافه‌ده یئرلشن تریلی پارکی‌نین قارشی‌سین‌داکی ساحه‌ده 7-جی کورپوس قوموتانی ژنرال سینان پلاتونون سؤوق و ایداره‌سینده، 28-جی مکانیزه بریقادا قوموتانی ژنرال- مایور احمد کورومحموتون امیر قوموتان‌لیغی آلتیندا آپاریلان مانور، عراق سیلاح‌لی گوجلری قوشون‌لاری‌نین ایشتیراکی ایله مشترک سورور. باش قرارگاه رهبرلیگین‌دن ائدیلن بیلگیلندیرمه‌ده، تورک سیلاح گوجلری طرفین‌دن 18 سپتامبردان اعتباراً سیلوپی/هابور بؤلگه‌سینده باشلانیلان مانور اوچونجو مرحله‌سینه 26 سپتامبردا کئچیلدیگی، مانورون بو صحیفه‌سی‌نین بؤلگه‌یه اینتیقال ائدن عراق سیلاح‌لی گوجلرینه باغلی اتفاق و فاکتورلارین دا قاتیلیمی ایله مشترک آپاریلاجاغی بیلدیریلمیشدی.
ایستار: "یئرلی کامرایلا مینا‌لار آشکار ائدیله‌جک"
حاجت‌په تکنوکنت‌ده آری-گه ایشلری آپاران MS SPEKTRAL فیرماسی، تورپاق اؤرونتو-لرین‌دکی دییشیک‌لیک‌لری و سطحه چیخمیش کابل‌لاری معین‌لش‌دیره‌رک مینا و پارتلاییجی معین ائده بیلن هیپرسپکترال کامرا اوره تیمی ائتدی. فیرمانین اوست رهبری سانجای قیریق ائتدیگی آچیقلامادا، تورکیه‌ده هیپرسپکترال کامرا ساحه‌سینده اوره تیم ائدن یگانه فیرما اولدوق‌لارینی دئییب.
یئنی شفق: "یئرلی اوتوموبیلده ایچ بازار حاضیر"
پرزیدنت رجب طیب اردوغان اؤتن هفته آچیقلادیغی تورکیه‌نین ماشینی پروژه‌سینده اؤنملی بیر آیرینتیا دقت چکدی. میلیونلوق ساتیش‌لارلا تورکیه‌نین ایچ بازاری‌نین دا گوجلو اولدوغونا ایشاره ائدن پرزیدنت اردوغان یئرلی ماشینی‌نین بازاری‌نین حاضیر اولدوغونو وورغولاییب. رقم‌لره باخاندا ایسه بو ایلین ایلک 10 آی عرضینده 253 مین عدد یئرلی اوره‌تیم ماشین ساتیلارکن، بوتؤولوکده ایسه 720 مینه چاتدیغی گؤرولدو. تورکیه ماشین و یونگول تیجاری ماشین ساتیش‌لاری، بو ایلین اوکتوبر آییندا 2016نین عینی آیینا نیسبتن 10.54 فایز آرتا‌راق 91 مین 752 اولموش‌دور. عمومی بازاردا، اؤتن ایلین اوکتوبر آییندا 83 مین ماشین ساتیلمیشدی. همین دؤورده، ماشین ساتیش‌لاری 10.58 فایز آرتا‌راق 70 مین 488ه چاتیب.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
