تورکیه مطبوعاتی اؤزتی02.11.2017
تورکیه ایخراجاتچیلار مجلیسی ایخراج هفتهسی 2017 تدبیرینده دانیشان باش ناظیر بینالی ییلدیریم، ایقتیصادین رابعهسینی یاتیریم، استخدام، اوره تیم، ایخراج اولاراق آچیقلادی
تورکیه مطبوعاتی اؤزتی02.11.2017
سحر: "پرزیدنت اردوغان، بئش تپهده آچیقلاییب: آرتیق یوکسلیش دؤورودور"
جمهورباشقانی رجب طیب اردوغان، بئش تپه میلت، مدنیت و کونگره مرکزینده کئچیریلن 3-جو توریزم شوراسیندا چیخیشیندا، توریزم سئکتورو اوچون موژده وئردی. اردوغان، "سئکتورون یاشادیغی پیس گونلری گئریده بوراخماغا باشلادیق. باش وئرن منفی جهتلری تلافی ائتمک اوچون تطبیق اولونان آشاغی قیمت سیاستینین اهمیتی، بؤیوک. توریزمده آرتیق یوکسلیش دؤورودور. دولتیمیز سئکتورون یانیندادیر. تورکیهنین پوتانسیلی ائله بؤیوکدور کی ایتیردیگیمیز بازارلارین قات به قات بؤیوکلری بیر ال اوزاتما مسافهده بیزلری گؤزلییر" دئدی.
وطن: "ایخراجاتدا رکورد قیریلیب"
تورکیه ایخراجاتچیلار مجلیسی ایخراج هفتهسی 2017 تدبیرینده دانیشان باش ناظیر بینالی ییلدیریم، ایقتیصادین رابعهسینی یاتیریم، استخدام، اوره تیم، ایخراج اولاراق آچیقلادی. باش ناظیر ییلدیریم اوکتوبر آییندا ایخراجین رکورد آرتیملا یوزده 15.6 آرتاراق 13.6 میلیارد دولار اولدوغونو و بئلهلیکله ده سون 10 ایلین رکوردونون قیریلدیغینی آچیقلاییب.
یئنی شفق: "ایستانبولا بؤیوک پروژه
نقلیات، دنیزچیلیک و خبرلشمه باخانی احمت آرسلان، قاتیلدیغی 3-جی توریزم شوراسیندا پلانلاشدیریلان پروژهلردن دانیشیب. آرسلان، بوتون ناظیرلیکلرین گؤردوکلری ایشین بیر-بیرینین تاماملانماسی اولدوغونو ایفاده ائدهرک، "ایستانبولدا یئنی، بؤیوک، دنیزی دولدورمادان عینی آندا 6 بؤیوک گمینین یاناشابیلهجکی کرووازیر یات لیمانی پروژهسینی باشلاییریق. یاپ-ایشلت-دئور ات مودئلی ائدجگیک. عینی زاماندا یئنیقاپی-دان نوستالژیک بیر قاتارلا سیرکهجی لیمانینا قدر ده گلهجگی، او دایرهده بیر دوزنلمه ده ائدجگیک. سئکتورا جدی تکان وئرهجک" دئیه دانیشدی.
خبر تورک: "ساکاریادان ژاپونیایا گئدیر، دگری آرتیر"
ساکاریانین گئیوه منطقهسینده "ساری الماس" اولاراق آدلاندیریلان و بیر چوخ اؤلکهیه ایخراج ائدیلن هئیوانین ژاپونیایا دا ایخراج ائدیلمهسی اوچون حرکته کئچیلیب. ایچ بازارا یاناشی، اوکراین، هولند، ایتالیا، آلمانیا، فرانسا و روسیانین دا آرالاریندا اولدوغو بیر چوخ اؤلکهیه ایخراج ائدیلن هئیوانین بازار پایینین آرتیریلماسی اوچون ایشلر سورویور.گئیوه هئیوانین، کئچیریلن فستیواللارلا داها چوخ اؤلکهیه چاتدیریلماسی مقصدی گودولور. بو چرچیوهده، گئیوه هئیوانین مارکا قیدیاتی آپاریلیب. همچینین جوغرافی ایشاره سندی اوچون مراجعتی کئچیریلهرک، یئرلی محصوللار اورهتیم مرکزی یارادیلماسی و هر ایل فستیوال کئچیریلمهسی پلانلاشدیریلیر.
حریت: "تاریخ یازماغا داوام ائدیر"
اوئفا شامپیونلار لیگی گ قروپوندا بئشیکتاش قطرین وودافون ایستادیوموندا قارشیلادیغی فرانسا اکیبی ملوناکایلا 1-1 برابره قالاراق بیر اوست تورا چیخماق آدینا اوستونلوک الده ائدیب. قروپدا توپلادیغی 10 امتیاز ایله اؤز رکوردونو قیران قارا آغلی اکیبی، طرفدارینین محتشم دستگی ایله گئرییه دوشدوگو موباریزهدن امتیاز چیخاردیرکن، پورتو-نون رد بول لیپزیگی 3-3 یئنمسی ایله قروپدان چیخما اومیدینی 21 نوامبرداکی 5-جی اویونا بوراخدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.