تورکیه مطبوعاتی اؤزتی 19.10.2017
باش ناظیر بینا‌لی ییل‌دیریم، بیرلشمیش میللت‌لرین افغانیستان، فیلیسطین، قیبریس و داها بیر چوخ پروبلمه حلّ اولونمادیغینی سؤیله‌دی
تورکیه مطبوعاتی اؤزتی 19.10.2017
صاباح: "اردوغان‌دان بارزانی‌یه: سنین کرکوکده نه ایشین وار"؟
جمهور باشقانی رجب طیب اردوغان، عراقین شمالیندا بؤلگه‌نین آیری-آیری شخصیت‌لردن عبارت اولان قورولوشونو نظره آلما‌دان حرکت ائدن شما‌لی عراق بؤلگه‌سل رهبرلیگی‌نین تاریخ قارشی‌سیندا حساب وئرجگینی بیلدیریب. شما‌لی عراق بؤلگه‌سل رهبرلیگی باشقانی مسعود بارزانی‌نین کرکوک‌دکی دموقرافیک آلت یاپی موداخیله ائتمک نیتینه اعتراض وئرن اردوغان، "قالخیر کرکوک منیم دئییر، هانسی حاقلا دئییرسن. عراقدا بو سببله تؤکولن هر قانین سببکاری بؤلگه‌سل حاکمیت‌دیر "دئدی. اردوغان،" پ.ک.ک کیمی سیجیلی قاباریق، علی قان‌لی باشقا بیر ترور تشکیلاتینا ساحه آچان‌لارا البته، گؤز یوممایاجاغیق" قیمتلندیرمه‌سینده اولوب.
یئنی شفق: "5 قارداشلا حلّ ائدیلمیر"
باش ناظیر بینا‌لی ییل‌دیریم، بیرلشمیش میللت‌لرین افغانیستان، فیلیسطین، قیبریس و داها بیر چوخ پروبلمه حلّ اولونمادیغینی سؤیله‌دی. ایلدیریم، TRT World فورومون آچیلیشیندا، "بمت امنیت شوراسی‌نین 5 قارداشی وار. بو 5 قارداشین بیری تک باشینا حلّی تیخاییر، او بیری‌سی ده باشقا بیر پروبلمده طرف اولور، او دا تیخاییر. بونا گؤره ده پروبلم‌لر حلّ ائدیلمیر". شکلینده دانیشدی.
وطن: "تورکیه دونیانی تعججب‌لندیردی"
تورکیه ایقتیصادی‌نین بو ایلین ایلک 2 روبع‌‌ونده یوزده 5ین اوزرینده بؤیومه‌سی و آپاریجی گؤستریجی‌لر، اولوسلار آراسی تشکیلات‌لارین تشخیصلرینی رئویزه ائتمه‌یه یول آچدی. اولوسلارآراسی پول فوندونون بؤیومه تخمینینی ایکی‌یه قاتلاماسیندان سونرا بو دفعه دونیا بانکین‌دان رئویزیون سیگنا‌لی گئلدی.دونیا بانکی تورکیه دیرکتورو یوهانس زوت، "تورکیه‌نین بو ایلکی آرتیم تخمینی یوکسک احتیماللا اولوسلار آراسی تشکیلات‌لاری-نین گؤزلمه‌سینه بنزییر. شکیلده ی.یوزده 5-5.1 جیواریندا رئویزه ائده‌جگیک. چونکی ایکینجی روبع‌ده توتدوغوموز گوجلو چیخیشین اوچونجو روبع‌ده ده داوام ائتمه‌سینی گؤزلییریک" دئدی. دونیا بانکی یون راپوروندا دا تورکیه‌یه یؤنه‌لیک ایقتیصادی آرتیم تخمینی یوزده 3دن یوزده 3.5ه چیخارمیشدی.
ایستار: "بامادور دسامبردا روسیا یولچوسو"
روسیا و تورکیه حکومتلرآراسی کومیسیونونون همصدری و روسیا انرژی ناظیری آلکساندر نووا دؤرد تورک شیرکتینه 50 مین تون بامادور نقلیاتی ایجازه‌سی وئریلدیگینی و نقلیاتلارین 1 دسامبردان اعتباراً حیاتا کئچیریله بیله‌جگینی دئییب. نووا روس و تورک مقام‌لارین اوکتوبرین 21-نده حکومتلر آراسی کومیسیون ایجلاسیندا تویوق اتی و قیرمیزی اتین تورک بازارینا ساتیلماسی مسئله‌سینی ده موذاکیره ائده‌جک‌لرینی آچیقلاییب.
حریت: "جنگ توسون فیرتیناسی"
شامپیون‌لار لیگیینده فرانسیز نماینده‌سی موناکو 2-1 مغلوب اولان بئشیکتاشدا 2 قولو دا قید ائدن ساواش توسونون طالب‌لری آرتیر. 26 یاش‌لی قولچو گؤستردیگی بو چیخیشلا دا قیمتینی آرتیرماغی باجاردی. پرمیئر لیگ تیملری‌نین ترانسفر سیاهی‌سیندا اولان ساواش توسون کریستال پالاس‌ین فوتبال دیرکتورو دووگی فریدمان دا ایستادیون‌دان ایزله‌دی. ساواشین بیر دیگر پرمیئر لیگیی قروپو نیو کاسل یونیتدین ده سیاهی‌سیندا اولدوغو بیلینیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
