تورکیه مطبوعاتی اؤزتی 05.10.2017
بوتون دونیادا ایش گؤرن تورکلرین وارلیغی تکستیل اوره تیچیلری اوچون یئنی بیر اوفوق آچدی
تورکیه مطبوعاتی اؤزتی 05.10.2017
وطن: "بؤیوک آنلاشما تورک دئویندن "
تورکیهنین مشهور الکترونیک آلیشوئریش سایتلاریندان بیری اولان Hepsiburada.com، گولدمن ساکس گروپ ایله ساتیش تکلیفلری الده ائتمک اوچون موقاویله ایمضالادی. موضوعیلا علاقهدار بلوومبرگ اینترناسیونال خبرینه گؤره، هپسیبورادا گولدمن ساکس گرووپ واسطهسیله ساتیش تکلیفلری آلاجاق. دونیا طرفیندن مشهور یاتیریم مصلحتچیلیگی و مالی شیرکتلریندن گولدمن ساکس، بو راضیلاشماقلا هپسیبورادایا ائدیلهجک تکلیفلری قیمتلندیرمه رولونو بوینونا گؤتورهجک. 2011-جی ایلده eBay، GittiGidiyor شیرکتینین 93% -نی ساتین آلدی و تورکیه بازارینا داخیل اولدو.
یئنی شفق: Bollywood-ون مشهور آکتورو امیر خان تورک فیلملری ایله تانیش اولاجاق"
Bollywoodun مشهورآکتورو، یؤنتمن و کوقوسو آمیر خان، مدنیت و توریزم ناظیرلیگینین دعوتی اولاراق ایستانبولا گلدی. خان، مطبوعات منسوبلارینا ائتدیگی آچیقلامادا، اوزون ایللردیر بو گؤزل اؤلکهیه گلمگی گؤزلدیگینی ایفاده ائدن خان، "ان سونوندا تورکیهیه گلدیم. حقیقتن چوخ خوشبختم" دئدی. خان، تورک خالقینا گؤستردیگی ماراق سببیندن تشککور ائدهرک، تورک فیلم اولدوزلاری دا گؤروشمک ایستدیگینی دیله گتیردی . هیندیستان و تورکیهده عینی واختدا اولاراق 20 اوکتوبردا ویزیونا گیرهجک " Secret Superstar " فیلمینین تقدیماتی اوچون تورکیهده اولدوغونو خاطیرلادان خان، تورک اینسانینین فیلم موضوعسونداکی فیکیرلرینی ماراق ائتدیگینی سؤزلرینه علاوه ائتدی. ایستانبولا تورک هاوا یوللارییلا گلدیغینی سؤیلهین خان، بؤیوک بیر اوچوش اولدوغونو سؤیلهدی.
صاباح: "غوربتچیلر مارکا سفیر اولاجاق"
بوتون دونیادا ایش گؤرن تورکلرین وارلیغی تکستیل اوره تیچیلری اوچون یئنی بیر اوفوق آچدی. تورکیهنین ائو تکستیل اوره تیچیلری ایخراجات دگرینی آرتیرماق و علاوه دگر آرتیرماق اوچون خاریجیلرله امکداشلیق ائدهجک. دئلگه نمایندهلری ائتمگی مقصد قویان شیرکتلر محصوللارینی داها یاخشی ساتاجاق و ساتیشلارینی بو شکیلده چوخالاجاق. تورک فیرما آوروپادا ائو تکستیلینه ایخراجاتدا ایکی قات رقملره چاتدی. یئنی بازارلارا سرعتلیجه گیرمه قابیلیتی قازانان ائو تکستیلچیلر، محصوللارینی اوزاق شرقه چاتدیرماغی دا باجاردی. آمریکایا هاولو، آوروپایا و چیننه، ان چوخ دؤشمهلی پارچا و پرده ساتیلیر.
ایستار: "اوزون کؤرپو گیسه مراجعت ائتدی"
ادیرنهدکی ارگنه چایی اوزرینده اولان اوزون کؤپرونون، اوزریندن واسطه کئچه بیلن دونیانین ان اوزون داش کؤرپوسو اولاراق قیدیات ائدیلهرک گینس رکوردلار کیتابینا گیرمهسی اوچون مراجعت ائدیلدی. اوزونکؤپرو محلینه آدینی وئرن، آنادولو ایله بالکانلاری بیر-بیرینه باغلایان و دونیانین ان اوزون داش کؤرپوسو اولما خصوصیتینی داشییان تاریخی اثر، 1426-1443 ایللری آراسیندا سلطان 2. موراد طرفیندن، دؤورون باش معماری مصلح الدینه ائتدیریلدی. 393 متر اوزونلوغوندا و 6.80 متر گئنیشلیگینده اولان اوزون کؤرپو، یونسکو-نون دونیا مدنیت میراثینین موقتی سیاهیسینده.
خبر تورک: "گنج فوتبالچی گلهجک فوتبالدا 60 اویونچو"
اینگیلیس د گاردیان قزئتی، آلتین اوردو فوتبال کلوبونون 17 یاشینداکی میلی قاپیچیسی بئرکه اؤزئری گلهجک وعد ائدن 60 فوتبالچی آراسیندا گؤستردی. مشهور قزئتین، "دونیا فوتبالیندا ان یاخشی 60 گنج ایستعداد" باشلیغییلا نشر ائتدیگی خبرده تورکیهدن یالنیز قاپیچی بئرکهنین ایشتیراک ائتمهسی آلتین اوردو رهبرلیگینین سینهسینی قابارتدی. منچستر سیتی، روما، اینتر، میلان، رئال مادرید، لیورپول، آژاکس، چلسی، بایرن مونیخ، بوروسیا دورتموند، بارسئلونا کیمی دونیا دئولریندن فورما گئین 2000 دوغولان فوتبالچیلارین یئر آلدیغی سیاهییا آلینان بئرکهدن تعریفله سؤز ائدیلدی. قید ائدیلدی کی، بیر چوخ آوروپا کلوبلاری، خصوصیله منچستر سیتی، بئرکه اؤزئر ایله ماراقلانیردی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.