تورکیه مطبوعاتی اؤزتی 15.08.2017
تورک سیلاح‌لی گوجلرین، 12 آوقوستدا عراقین شمالین‌داکی قندیل بؤلگه‌سینه تورک هاوا گوجلرینه عاید ساواش اوچاقلاریله تشکیل ائدیلن هاوا حرکاتیندا، 13-و اؤلو اولماقلا 21 تروریستین تاثیرسیز حالا گتیریلدیگی بیلدیریلدی
تورکیه مطبوعاتی اؤزتی 15.08.2017
خبرتورک: "21 تروریست تاثیرسیز حالا گتیریلدی"
تورک سیلاح‌لی گوجلرین، 12 آوقوستدا عراقین شمالین‌داکی قندیل بؤلگه‌سینه تورک هاوا گوجلرینه عاید ساواش اوچاقلاریله تشکیل ائدیلن هاوا حرکاتیندا، 13-و اؤلو اولماقلا 21 تروریستین تاثیرسیز حالا گتیریلدیگی بیلدیریلدی. تورک سیلاح‌لی گوجلرین‌دن ائدیلن آچیقلاما، "سؤز موضوعسو حرکات ایله علاقه‌دار اولا‌راق بؤلگه‌دکی منبع‌لردن الده ائدیلن معلومات‌لارا ایستینا‌دن، حرکات نتیجه‌سینده 13 ترورچونون تاثیرسیز (اؤلو) حالا گتیریلدیگی، 8 تروریستین ده آغیر شکیلده یارالاندیغی اؤیرنیلمیش‌دیر. توپلام 21 بؤلوجو ترور تشکیلاتی منسوبو تاثیرسیز حالا گتیریلمیش‌دیر." ایفاده‌لری ایستیفاده ائدیلدی.
وطن: "آنکارایا کریتیک باخیلیب"
سوریه و بؤلگه‌دکی حادثه‌لر دیپلوماتیک تلاشلاری ده سورعتلندیردی. آنکارا بو هفته اهمیت‌لی قوناق‌لاری قبول ائده‌جک. ایران باش قرارگاه باشقانی ژنرال محمد باقری، باش قرارگاه باشقان ژنرال حولوصی آکارین دعوتی ایله یوکسک سویه‌لی نیظامی و سیاسی هیات باشقانلیغیندا بو گون تورکیه‌یه گلیر. باقری باشقانلیغیندا ایران نیظامی و سیاسی هیاتی‌نین تورکیه تماس‌لاری اوچ گون داوام ائده‌جک. ژنرال باقری ژنرال آکار ایله بیر آرایا گله‌جک. باقری‌نین، صاباح دا میلی ساوونما ناظیری نورالدین جانیکلی‌نین زیارت ائتمه‌سی گؤزلنیلیر. ایران باش قرارگاه باشقان باقری‌نین تورکیه سفری توپلام 3 گون داوام ائده‌جک. ایران قایناق‌لاری، باقری و اونونلا بیرلیکده اولان‌لارین تورکیه‌ده یوکسک سویه‌لی نیظامی و سیاسی دانیشیق‌لاردا تاپیلا‌جاق‌لارینی آچیقلادی. بو ایستیقامتده باش قرارگاه باشقان و میلی ساوونما ناظیری خاریجینده بعضی تماس‌لارین دا گوندمه گله‌بیله‌جگی ایفاده ائدیلیر.
یئنی شفق: "ایدلیب ضمانتی تورکیه"
سوریه موقتی حکومت باش ناظیری جواد هاتاب، "ایدلیب خالقی روسیا، آمریکا و بنزر خاریجی گوجلرین ایستیلاسینا گوجو نیسبتینده دیرنیر، تورک عسگری بیزیم گووئن و امنیت قایناغیمیزدیر و بؤلگه‌میزده گلمه‌سی وضعیتینده خالقیمیز ترددود ائتمه‌دن تورک عسگرینی باغرینا باسار" دئیه دانیشدی. هاتاب، "سوریه‌ده قاران‌لیق گوجلرین چیرک‌لی بؤلمه تلاشی ایله قارشی-قارشییاییق. بوتون شر مرکزلری گؤزونو ایدلیبه تیکدی. بو مدتده تورکیه بیزیم ان اهمیت‌لی ضمانت و امنیت قایناغیمیزدیر "شکلینده دانیشدی.
ایستار: "روس و آذربایجان‌لی انرژی شیرکتلری تورکیه‌نی تعقیبه آلدی"
روس انرژی شیرکتی لوکویل ایله آذربایجان‌لی انرژی شیرکتی سوکار هم تورکیه‌ده سرمایه‌لرینی آرتیرماق هم ده اورتاق حرکت ائتمک اوچون دانیشیق‌لارا باشلادی. تورک مایع یانا‌جاق بازاریندا یئنی امکداش‌لیق آختاریشینا گیرن ایکی شیرکت بیرلیکده اوچونجو طرف‌لرین وارلیق‌لارینی ساتین آلما یولونا گئتمگی پلانلاشدیریر. روس لوکویلین ایکمال و ساتیش‌دان مسئول باشقان کؤمکچی‌سی وادیم ووروبیوو، تورکیه نفت محصول‌لاری بازاری‌نین اؤزلری اوچون ایستراتژی اهمیت داشیدیغینی و شیرکتین بازار پایینی آرتیرماق اوچون داوام‌لی یئنی واریانت‌لاری آراشدیردیق‌لارینی ایفاده ائده‌رک، "تورکیه‌یه تخمینن 1 میلیارد دو‌لارلیق سرمایه ائتدیک. تورک مایع یانا‌جاق بازاری بیزیم اوچون جازیبه‌سینی قورویور "دئدی.
صاباح: "تروردان آردین‌دان بؤلگه‌لر توریزم جنّتینه دؤنور"
امنیت گوجلری‌نین قرارلی عملیات‌لاری و خالقین دا دستگیله شرق و جنوب-شرقی آنادولو بؤلگه‌ده ترور آریندیریلیر. سوسیال پروژه‌لرله یاتیریم‌لارین ائدیلدیگی بؤلگه‌لر دینج‌لیگه کاووشورکن توریزمچی‌لر اوچون ده یئنی ایمکان‌لار دوغولور. وانین ارجیس محلینده وان گؤلو ساحلین‌دکی آتیل آلان، پلاژا چئوریلدی. پلاژادا خصوصی دیزاین ائدیلمیش کابینلرله اجتماعی تجهیز ساحه‌لری وار.
ارجیسه 10 کیلومتر اوزاق‌لیقدا اولان و 28 دؤنوم اراضی اوزرینه قورولان پلاژ خالق و توریست‌لر چوخ ماراق گؤستریر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
