تورکیه مطبوعاتی اؤزتی 09.08.2017
آغدنیزی توریستیک اوتلجیلر و آدمینیستراتورلارا بیرلیگی باشقانی ارکان یاغچی، ژانویه-ژوئیه دؤورونده آنتالیادا 2016-جی ایله گؤره اولان تخمینن 2 میلیوندان چوخ توریستین هامی‌سی روسیا قایناق‌لی اولدوغونو سؤیله‌دی
تورکیه مطبوعاتی اؤزتی 09.08.2017
خبر تورک "آلمان‌لار سون گون‌لرده ایستیقامتی ایتیردی"
پرزیدنت رجب طیب اردوغان، آلمانیا گرگین‌لیگینی ترابزون‌دان قیمتلندیردی. اردوغان، "تورکیه‌نین خاریج‌دکی کرئدیتی چوخ یاخشی. باخمایین آلمان‌لار بئله ساللا‌ییب دورورلار. وارسین ساللاسین‌لار. اونلار دا سهو‌لرینی آنلایا‌جاق‌لار اما ایش ایشدن کئچمیش اولا‌جاق. چونکی بیز، آلمان‌لارا بیر ائی ائتمدیک اما نه تأسف کی آلمان‌لار سون دؤورده ایستیقامتی ایتیردی‌لر. نیه؟ اوکتوبر آییندا (آلمانیادا) سئچیم وار. او سئچیم‌لردن اؤتورو بیری بورایا چکیر، دیگری او طرفه وورور. هارا وورسانیز وورون بیز دومدوز گئدیریک چونکی بیز تورکیه‌ییز "دئیه دانیشدی.
یئنی شفق "چرخلر بؤیومه اوچون دؤندو"
بؤیومه‌نین اهمیت‌لی گؤستریجی‌لرین‌دن اولان صنایع اوره‌تیمی اندکسی ژونده یوزده 3.4 آرتدی. اوره‌تیم صنایعیندکی آرتیم یوزده 3.8 اولدو. ان یوکسک آرتیم ایسه یوزده 29.1 ایله بیلگی سایار و الکترون محصول‌لاری تولیداتیندا رئال‌لاشدی. علم، صنایع و تکنولوژی ناظیری فاروک اؤزلو، اؤلکه بؤیومه‌سی‌نین ان اهمیت‌لی ایندیکاتورونون صنایع اوره تیمین‌دکی آرتیم اولدوغونو ایفاده ائده‌رک، "بو معلومات‌لار، اؤلکه بؤیومه‌سی‌نین ایکینجی دؤرددبیرده ده سرعت‌لنه‌رک داوام ائتدیگی گؤسترمکده‌دیر" دئدی.
وطن "روس توریست‌لر 2 میلیون فرق آتدی"
آغدنیزی توریستیک اوتلجیلر و آدمینیستراتورلارا بیرلیگی باشقانی ارکان یاغچی، ژانویه-ژوئیه دؤورونده آنتالیادا 2016-جی ایله گؤره اولان تخمینن 2 میلیوندان چوخ توریستین هامی‌سی روسیا قایناق‌لی اولدوغونو سؤیله‌دی. یاغچی، ژوئه‌ده روسیا‌دان گلن توریست ساییسی‌نین، ان چوخ توریستین گلدیگی 2014-جی ایله گؤره یوزده 3 آرتدیغینا دقتی چکدی. یاغچی، 2017دکی بؤیومه‌نین آنا عنصورونون روسیا بازاری اولدوغونو ایفاده ائتدی.
صاباح "4 مین ایل ساواش گؤرممیش‌لر"
کونیانین چومرا محلین‌دکی چاتالهؤیوک دونیا تاریخینه ایشیق توتماغا داوام ائدیر. نئولیت دؤورده 8 مین نفرین بیر آرایا گله‌رک شهر قوردوغو چاتالهؤیوکده، 4 مین ایل عرضینده ساواش، چاتیشما و شدت یاشانمادیغی بیلدیریلیر. قازینتی باشقانی پروفسور دوکتور ایان هوددئر، "چاتالهؤیوک، چاتیشما اولما‌دان اوزون مدت یاشاما مودئلی اوچون ایندیکی واختدا چوخ یاخشی بیر نومونه" دئدی. چاتالهؤیوک، یونسکو-نون دونیا میراث لیسته‌سین‌دکی ان اسکی و ان اهمیت‌لی مدنی ارث ساحه‌لرین‌دن بیری اولماسی سببیله دونیادا دقت‌لری اوزرینه چکیر.
حریت: "20 ایل سونرا اؤلکه‌میزی جیریت آتما فینالیندا تمثیل ائتدی" اینگیلتره‌نین پایتختی لندن‌نین پایتختی اولان دونیا آتلتیزم شامپیونلوغندا موباریزه وئرن فنرباغچه میلی آتلت ائدا توغسوز، جیریت آتما فینالیندا 64.52لیک بیر ریتینگ ایله دونیانین بئشینجی‌سی اولدو. اؤتن ایلین یاییندا دونیا گنجلر اوچونجولوغونو قازانان ائدا، ایلک دفعه بؤیوک‌لر آراسیندا یاریشان شامپیونلوغوندا بؤیوک اوغور قازانمیش‌دیر. بو یاریشماجی‌نین ان گنج آدینی ائدا، آیسئل تاش‌دان 20 ایل سونرا قادین‌لاری جیریت‌ده دونیا شامپیونلوغونا اسپورجو گؤندرن تورکیه‌نین تاریخده آتمالاردا فینالا قالان ایلک گیشی اولدو.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
