تورکیه مطبوعاتی اؤزتی- 02.08.2017
ایسلام امکداشلیق تشکیلاتینا عضو اؤلکهلرین خاریجی ایشلر ناظیرلری، ایسرائیلین حرم شریفدکی پرووکاتیف حرکتلری اوزرینه ایستانبولدا توپلاندی
![تورکیه مطبوعاتی اؤزتی- 02.08.2017](http://cdn.trt.net.tr/images/xlarge/rectangle/9dae/fe70/d8c2/595dda76ae79b.jpg?time=1719060496)
تورکیه مطبوعاتی اؤزتی- 02.08.2017
وطن "تارابیادا یاش ذیروهسی"
پرزیدنت رجب طیب اردوغان، بو گونکی یوکسک عسگری شورا اؤنجهسی باش ناظیر بینالی ییلدیریملا بیر آرایا گلدی. تورک سیلاحلی گوجلرینده ترفیعلری و تقاوده سؤوق ائدیلهجک افسرلرین وضعیتینین موذاکیره ائدیلدیگی 6 ساعتلیق توپلانتییا باش قرارگاه باشقانی ژنرال حولوصی آکار دا قاتیلدی. توپلانتیدا، قارا، دنیز و هاوا گوجلری باشقانلارینین وضعیتی دا نتلشدیریلدی.
یئنی شفق "قودس ادعاسی ایسلام عالمینین بوینونون بورجو"
ایسلام امکداشلیق تشکیلاتینا عضو اؤلکهلرین خاریجی ایشلر ناظیرلری، ایسرائیلین حرم شریفدکی پرووکاتیف حرکتلری اوزرینه ایستانبولدا توپلاندی.دیشیشلری ناظیری مولوت چاووش اوغلو، قودس خالقینین یانیندا قالماغین ایسلام عالمینین بوینونون بورجو اولدوغونو سؤیلهدی. ایسرائیلین حرکتلرینین گوجلو شکیلده قیناندیغی بیاننامهده ده، "فیلیسطینین اگمنلیک حقوقونا خلل گتیرهجک هر جور تلاش رد ائدیلمیشدیر" ایفادهسی ایستیفاده ائدیلدی.
ایستار "ایخراجات 6 ایلین رکوردونو قیردی"
ایقتیصادتین چرخلری رکورلا دؤندو. تورکیهنین ایخراجاتی یولدا یوزده 31.2 آرتاراق 11.5 میلیارد دولار اولدو. بو رقم سون 6 ایلین ان یوکسک نیسبتی اولاراق قیده کئچدی. یاشانان گرگینلیگه باخمایاراق آلمانیایا ائدیلن ایخراجاتدا ایسه یوزده 28.2 آرتیم اولدو.
خبرتورک "توریزمده 13 ایلین رکوردو"
مدنیت و توریزم ناظیرلیگی معلوماتلارینا گؤره، ژوئن آییندا تورکیهیه گلن خاریجی زیارتچی ساییسی 3 میلیون 486 مین 940 آداما چاتدی. تورکیهیه گیرن اولان توریست ساییسی ژوئنده ایللیک یوزده 43 آرتدی. بئلهلیکله 2003 میدن بو یانا ان یوکسک آرتیم قید ائدیلدی. توریست ساییسی 6 آیدا یوزده 14 آرتیملا 12.25 میلیون نفر اولاراق رئاللاشدی. ان چوخ زیارتچی 1.7 میلیون آداملا روسیادان گلدی.
صاباح "ریهانانین هیکلی میلاسدا"
مشهور باربادوسلو صنعتچی ریهانانین بیر صنعتچی طرفیندن حاضیرلاناجاق هیکلی اوچون موغلانین میلاس محلی کالیناغیل محلهسیندن خصوصی مرمر ایستیفاده ائدیلهجک. صنعتچی طرفیندن مرمر تیجارتیله مشغول اولان ایتالیان صاحیبکارلار سیفاریش ائدیلن مرمر، ریهانانین دری رنگینه اویغون اولماسی معیاری سببیله اوزون مدت آختاریلدی. دونیانین فرقلی نقطهلرینده باشلایان آختاریش، یالنیز میلاسین کالیناغیل محلهسینده چیخاریلان و توند قیرمیزی رنگیله بیلینن " Rosso Laguna Ege bordo " نوعونا راستلانماسییلا سونا چاتدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719060496)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.