تورکیه مطبوعاتی اؤزتی 20.07.2017

تورکیه مطبوعاتی اؤزتی 20.07.2017

صاباح: "آمریکا بیرلشیک دولت‌نین (آمریکا) پ.ک.ک / پ.ی.د-یه دستگی بیر دفعه داها سندلشدیریلدی"

آنادولو آژانیسی‌نین (آا)، آمریکانین، سوریه‌ده بؤلوچو ترور تشکیلاتی پ.ک.ک-نین داوامی پ.ی.د / ی.پ.گ-نین ایشغال ائتدیگی بؤلگه‌دکی ایکی هاوا پایگاهی و 8 نیظامی نقطه‌سینی لیسته‌لئین خبری، بؤیوک سس گتیردی. آا-نین، "سوریه‌ده 10 نقطه‌ده پ.ک.ک / پ.ی.د-یه آمریکا دستگی" باش‌لیق‌لی خبرینده پ.ک.ک / پ.ی.د ایشغالینداکی 320 کیلومتردن چوخ ساحه‌یه یاییلمیش آمریکا وارلیغی اورتایا چیخاریلدی. پ.ی.د، سوریه‌نین شمالیندا تورکیه مرزی بویونجا، شرقده هاسکی، رقه اوستانی‌نین شما‌لی و حلب‌ین شرقین‌دکی مونبیچ ایله شمال-غربین‌دکی عفرین و تل ریفات اوستانلاریندا ایشغال ائدیر.

خبرتورک: "یئرلی تانک آلتایین چیخاریلماسینا فلاش اینکیشاف"

آلتای تانکی‌نین سری اوره تیمی اوچون اوتوکار ایله بیرلیکده BMC  و FNSS مناقصه‌یه تکلیف وئرمه‌لری اوچون دعوت ائدیلدی. اوچ یئرلی شیرکتین قاتیلاجاغی مناقصه ایلک مرحله‌ده 250 تانکین اوره‌تیمینی احاطه ائدیر و رقمین سون اولا‌راق 10 میلیارد دو‌لاری آشماسی گؤزلنیلیر. تورکیه جمعده مین آلتای تانکی اوره تیمی پلانلاشدیریر. آلتای تورکیه‌نین اؤزل دیزاین محصولو اوچونجو نسیل آنا ساواش تانکی. آلتای آیریجا تورکیه‌نین ان بؤیوک قورو پلاتفورم لاییحه‌سی چرچیوه‌سینده اینکیشاف ائتدیریلن تانکی.

وطن: "روس توریست‌لر رکوردا قاچیر"

کئچن ایل 1 ژانویه- 17 ژوئیه آرالیغیندا 3 میلیون 200 توریستین گلدیگی آنتالیایا بو ایلین عینی دؤورونده هاوا یولویلا گلن توریست ساییسی 4 میلیون 372 مین رقمینه چاتدی. روس توریست ساییسی ایسه 1 میلیون 676 مینه یوکسلدی. بو عددله آنتالیا، روسیا بازاریندا 2015-جی ایله گؤره یوزده 21 آرتیم گؤستردی. روس بازارینی آز قالا تامامیله ایتیرن، آوروپا بازاریندا ایسه باشدا آلمانیا اولماق عذره بیر چوخ اؤلکه‌ده جدی ایتکی‌لر یاشانیر.

ایستار: "تورکیه‌نین بؤیومه رقم‌لر کردیت درجه‌لندیرمه قورولوش‌لارینی یئنه یانیلتدی"

تورکیه‌نین 15 ژوئیه کودتا گیریشیمی خیانتی‌نین سونرا سرعت‌لیجه توپارلانماسی، ریتینگ قورولوشلارییلا بانک‌لاری خطه گتیردی. تورکیه ایقتیصادی‌نین کئچن ایلکی 2،9لوک بؤیومه‌نین سونرا بو ایلین ایلک دؤرددبیرده یوزده 5 آرتیم توتماسی بؤیومه تخمین‌لرینی آشاغی اوست ائتدی. مودیسین آوریل آیی‌نین اورتا‌لاریندا تورکیه‌نین 2017 بؤیومه تخمینینی یوکسلتمه‌سی‌ندن سونرا دیگرلری سیرایا گیردی. تورکیه‌نی یاخین‌دان تعقیب ائدن آمریکا و آوروپا مرکزلی بانک‌لار، درجه‌لندیرمه تشکیلات‌لاری و ایقتیصادلا علاقه‌دار بین الخالق تشکیلات‌لاردان ایندییه قدر 9-و بؤیومه تخمینینی یوکسلتدی.

یئنی شفق: "بورسا ایستانبولدا هدف 110 مین امتیاز"

تخمینن 7.5 آیدیر یوکسلیش گؤسترن و یئنی ایلین‌دن بو یانا قیردیغی رکورلارلا گوندم‌دن دوشمه‌ین بورسا ایستانبول، 13 ژوئنده 100 مین، 14 ژوئیه‌ده ایسه 105 مینی گؤرمه‌سی‌نین آردین‌دان بو گون 106.546.74 امتیاز ایله یوکسک سویه‌سینی گؤردو. بورسا ایستانبول ایندی ده گؤزونو 110 مینه سویه‌لره تیکدی. دسامبر 2016دا باشلادیغی یوکسلیشینی بو ایله ده داشییان بورسا، ایلین اوّلین‌دن بو یانا یاتیریمجی‌سینا تخمینن یوزده 36 قازاندیردی.