تورکیه مطبوعاتی اؤزتی 19.07.2017
خبرتورک: "قیبریسده باشقا سورهجه گیرریک"
![تورکیه مطبوعاتی اؤزتی 19.07.2017](http://cdn.trt.net.tr/images/xlarge/rectangle/9dae/fe70/d8c2/595dda76ae79b.jpg?time=1718856972)
تورکیه مطبوعاتی اؤزتی 19.07.2017
صاباح: "اردوغاندان حلّ دؤورو"
پرزیدنت رجب طیب اردوغان، کؤرفز اؤلکهلریله قطر آراسینداکی گرگینلیگی حلّ ائتمک اوچون 23-24 ژوئیهدا بؤلگهیه گئدهجک. سعودی عربیستانی، کویت و قطرین احاطه ائدن مکیک دیپلوماسییندا بحرانین بیر آن اوّل حلّ ائدیلمهسی لازیم اولدوغو مساژینی وئرهجک اردوغانین ایلک دایاناجاغی سعودی عربیستانی اولاجاق. کرال سلمان بن عبدلعزیز ایله گؤروشهجک اردوغان، گرگینلیگین حلّی اوچون سعودی عربیستانینین داها تأثیرلی رول اویناماسینی ایستهیهجک. اردوغانین ایکینجی دایاناجاغی بحراندا واسیطهچیلیک رولونو بوینونا گؤتورن کویت اولاجاق. کویت امیری شیخ صباح احمد الصباح ایله گؤروشهجک اردوغانین سون دایاناجاغی ایسه قطر اولاجاق. دوحهده قطر امری شیخ تمیم بن حامد آلثانی ایله بیر آرایا گلهجک.
ایستار: "استونیایا آوروپا بیرلیگی تشککورو"
باش ناظیر بینالی ییلدیریم، استونیا خاریجی ایشلر ناظیری سون میکسر، استونیانین آوروپا بیرلیگینه عضولوک پروسهسینده تورکیهیه وئردیگی دستهیه گؤره تشککور ائتدی. ایلدیریمین میکسری قبولوندا، آوروپا بیرلیگی دؤور باشقانلیغینی گؤتورن استونیایا باشاری دیلگی ائتدی. قبولده، تورکیهنین آوروپا بیرلیگینه عضولوک پروسهسینه وئردیگی دستهیه گؤره استونیایا تشککور ائدیلدی و بو اؤلکهنین آوروپا بیرلیگی ایله علاقهلرین اینکیشاف ائتدیریلمهسی بارهسینده اورتایا قویدوغو تلاشا گوونیلدیغی وورغولاندی . قوناق هیات ایسه استونینین تورکیهنین آوروپا بیرلیگ عضولوگونه دستگینین داوام ائتدیگینی تصدیق ائدهرک، ایکیطرفلی علاقهلرین هر ساحهده داها دا اینکیشاف ائتدیریلمهسی بارهسینده قرارلی اولدوقلارینی ایفاده ائتدی.
خبرتورک: "قیبریسده باشقا سورهجه گیرریک"
خاریجی ایشلر ناظیری مولوت چاووش اوغلو، استونیا خاریجی ایشلر ناظیری اسون میکسر ایله گؤروشوندن سونرا تشکیل ائدیلن مطبوعات توپلانتیسینداکی کیپر پروبلمی ایله باغلی سوالا، "آرتیق بوندان سونرا باشقا پروسسلر اولاجاق قیبریسده. عؤمور بویو بو شکیلده بو پروسس گئده بیلمز" دئدی سوئیسده تشکیل ائدیلن و موفقیتسیزلیکله نتیجهلنن قیبریس کونفرانسینا دا توخونان چاووش اوغلو، "قیبریس پروبلمی هر زامان قارشیمیزدا بیر انگلدی. لاکین کرانس-مونتانادا قیبریس پروبلمینین حلّینی کیمین ایستدیگی، کیمین ایستمدیگی دقیق بیر شکیلده اورتایا چیخدی. بمت باش کاتیبی ده آوروپا بیرلیگی ده بونو دقیق بیر شکیلده گؤردو." دئیه دانیشدی. ناظیر چاووش اوغلو، جنوبی فیبریس روم رهبرلیگینین شرق آغدنیزیده تک طرفلی اولاراق داوام ائتدیردیگی کربوهیدروژن فعالیتلرینه باغلی بیر سوالا، "قیبریس روم رهبرلیگینین تک طرفلی اولاراق بورادا آددیم آتماسی دوغرو دئییل. چونکی قیبری آداسی اطرافینداکی احتیاطی قیبریس تورک خالقینین دا حاقی واردیر." جوابینی وئردی.
حریت: "پردنی" زوربا "آچاجاق"
15. بین الخالق بودروم بالت فستیوالی، 24 ژوئیه بازار ارتهسی آخشامی آنکارا دولت اوپرا و بالتینین ساغلیغا قویدوغو 'زوربا بالهسیله باشلایاجاق. فستیوال، بودروم قالاسینین تاریخی آتموسفرینده، کوبا، ایسپانیا، قازاخیستان و روسیادان قاتیلان مشهور رقص بیرلیکلرینی قبول ائدهجک.
یئنی شفق: "یئنی اندمیک بیتکیمیز"
طبیعت قوروما و میللی پارکلار باش مودیرلیگی طرفیندن، تورکیهنین صاحب اولدوغو زنگین بیوچشیتلیلیغین قورونماسی و گلهجک نسیللره اؤتورولمهسی ایشلری داوام ائتدیریلیر. تورکیهنین صاحب اولدوغو زنگین بیوچشیتلیلیغین قورونماسی و گلهجک نسیللره اؤتورولمهسی ایشلری چرچیوهسینده دنیزلیده "اکیمیا اوزجان-سئچمنینین" آدی وئریلن بیتکی نوعو کشف ائدیلدی. مئشه و سو ایشلری ناظیری ویصل ار اوغلو، "بیزلره دوشن وظیفه، بو زنگینلیغیمیزی گؤزوموز کیمی باخماق و بو نوعلارین گلهجهیه اینتیقالینی تامین ائتمکدیر" دئدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718856972)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.