تورکیه مطبوعاتی اؤزتلری 03/07/2017
تورکیهنین سوریهده آفرینده موداخیله حاضیرلیقلارینا باشلاماسییلا بیرلیکده دیپلوماسی ترافیکی سرعتلندی. آمریکانین داعش ایله موباریزه اؤزل نمایندهسی بریت مگورک آنکارا سفرینین آردیندان، روسیادان دا بیر سالدیری گلدی
تورکیه مطبوعاتی اؤزتلری 03/07/2017
ایستار "هوبر کؤشکونده کریتیک قبول"
تورکیهنین سوریهده آفرینده موداخیله حاضیرلیقلارینا باشلاماسییلا بیرلیکده دیپلوماسی ترافیکی سرعتلندی. آمریکانین داعش ایله موباریزه اؤزل نمایندهسی بریت مگورک آنکارا سفرینین آردیندان، روسیادان دا بیر سالدیری گلدی. پرزیدنت رجب طیب اردوغان، روسیا فدراسیونو ساوونما ناظیری سرگئی شویگویو ایستانبولدا هوبر کؤشکونده قبول ائتدی. گؤروشمهیه باغلی بیر آچیقلاما ائدیلمزکن، زیارتین، تورک سیلاحلی گوجلرینین، آفرینده نظارت آلتینا آلماسی سورهجوینده تورک و آزاد سوریه اوردوسو بیرلیکلرینه هاوا ساوونما ائدهجگینی آچیقلادیغی بیر دؤوره برابر گلمهسی دقت چکدی.
خبرتورک "ترورا اوستو اؤرتولو دستک علنی حالا گلدی"
پرزیدنت باش موشاویری یالچین توپچو، سیویل قورلوشلارییلا بیر آرایا گلدی و آمریکا بیرلشیک دولتلری و آلمانیانین باشینی چکدیگی، تورکیهنین موتتفیقی اولاراق اؤنه سورولن اؤلکهلرین سیاسی ساحهدکی رفتار و توتوملارینی قیمتلندیردی. توپچو، "گویا باش موتتفیقیمیز آمریکا و دیگر موتتفیکلریمیز آوروپا بیرلیگی اؤلکهلری اوّللر عراق، ایندی ده سوریهده، حتی داها دا ایرهلی گئدهرک، اوزون ود ائده اؤلکه ایچریسینده فتو، بؤلوچو ترور تشکیلاتی پ.ک.ک اونون سیاسی داوامی ه.د.پ و د.ه.ک.پ-ج، لاورنسین غیری-قانونی اوشاغی داعش کیمی ترور تشکیلاتلارینی دستکلدیکلری، قورویوب قوللادیقلاری، اؤرتولو اولان دستکلرینی علنی بیر حالا گتیردیکلری آشکاردیر "دئدی.
یئنی شافاک "تورک اساسی قالاجاق"
قطره محاصیره تطبیق کؤرفز اؤلکهلرینین 13 مادهلیک طلب لیستهسی اوچون وئردیکلری مدتین سونونا گلیندی. لیستهنی قبول ائتمهیهجکلرینی آچیقلایان قطر خاریجی ایشلر ناظیری شیخ محمد بن عبدالرحمن ال ثانی، تورک پایگاهینین ده قاپاتیلمایاجاغینی سؤیلهدی. ال ثانی، "کیمسهنین موستقیل بیر اؤلکهیه اولتیماتوم وئرمه حاقی یوخدور. ایمظالانمیش اولدوغوموز موقاویلهلردن گئری آددیم آتمایاجاغیق. تورکیه ایله علاقهلریمیزی حقیقتن دگر وئریریک" ایفادهلرینی ایستیفاده ائتدی.
حریت: "تورکیه، اوتوموبیل اورهتیمینده دونیادا ان چوخ بؤیوین 3-جو اؤلکه اولدو"
تورکیه بو گون دونیادا 14، آوروپادا ایسه 5-جی ان بؤیوک اوتوموبیل اوره تیمیچیسی. 2016-جی ایلین اورهتیم رقملرینه گؤره بؤیومه نیسبتلرینده ایسه ایران و چینین آردیندان دونیادا 3-جو سیرایا یئرلشدی. 2017-جی ایله دا رکورلارلا باشلایان تورکیهنین قلوبال اوتوموبیل طلبینین آرتماسینا دا باغلی اولاراق لیستهده سرعتله داها اوست سیرالارا چیخماسی گؤزلنیلیر.
صاباح: "تورک حوقوقچولار هارواردلا یاریشدی"
دونیا تیجارت تشکیلاتینین 2002-جی ایلدن بری تشکیل ائتدیگی اولوسلار آراسی تیجارت موضوعلو حقوق یاریشماسینا ایلک دفعه قاتیلان تورک طلبهلر بؤیوک بیر باشاری الده ائتدی. دونیادا 79 تیمین قاتیلدیغی یاریشمادا، تورکیهدن بیر وقف اونیورسیتهسینین حقوق فاکولتهسی طلبهلری، دونیا تیجارت تشکیلاتینین فرضی محکمه یاریشماسیندا فینالا قالدی و هاروارد اونیورسیتهسینین سونرا 'اینکیشاف ائتمکده اولان بیر اؤلکهنی تمثیل ائدن ان یاخشی تیم موکافاتینی آلدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.