تورکیه مطبوعاتی اؤزتلری 28.06.2017
تورکیهیه قارشی آز قالا بوتون ترور تشکیلاتلارینا قوجاق آچان آلمانیا، یئنی بیر ایسکاندالا ایمضا آتدی
تورکیه مطبوعاتی اؤزتلری 28.06.2017
یئنی شفق: "ایکیوزلوسون آلمانیا"
تورکیهیه قارشی آز قالا بوتون ترور تشکیلاتلارینا قوجاق آچان آلمانیا، یئنی بیر ایسکاندالا ایمضا آتدی. ترور تشکیلاتی پ.ک.ک و فتویه قوجاق آچان، جینایتلری معین اولماسینا قارشی ترورچولاری اعاده ائتمهییب حقوق باغلایاراق بسلهین آلمانیا، پرزیدنت اردوغانین می آییندا آمریکا زیارتی اثناسیندا پ.ک.ک یانداشلارییلا یاشانان عربهدهیه مداخیله ائدن محافیظچیلریندن ناراحات اولدو. برلین، قورومالارین 7-8 ژوئیهده هامبورگدا ائدیلهجک جی-20 ایجلاسیندا گئتمهلرینی گؤزلمدیکلرینی بیلدیردی. قورومالارین آلمانیایا گیریش ائتمهلری حالیندا ایسه آلمان اورقانلاری طرفیندن نظارته آلینیب آمریکایا محاکیمه اوچون تحویل ائدیلهجکلری ایشاره ائدیلدی.
ایستار "تورکیه سرعتلی قاطار شبکهلری ایله تجهیز"
تورکیه یوکسک سرعتلی قاطار یاتیریملارینا آرا وئرمهدن داوام ائدیر. بو گونه قدر 1.231 کیلومتر یوکسک سرعتلی قاطار خطی دؤشنیرکن، 2018-جی ایلده قدر بو مسافه 3 مین کیلومتری کئچهجک. نقلیات، دنیزچیلیک و خبرلشمه ناظیری احمد آرسلان، دمیریوللاری آلت یاپیسینا ائدیلن یاتیریمین، قارایوللارینا ائدیلن یاتیریمی کئچدیگینه دقت چکهرک، "بیزیم مقصدیمیز اؤلکهمیزین دؤرد بیر یانینی سرعتلی قاطار و یوکسک سرعتلی قاطار شبکهسی ایله هؤرمک. بو آندا دا اؤلکهمیزین دؤرد بیر یانینی بیر-بیرینه باغلایاجاق 3 مین کیلومترلیک سرعتلی قاطار و یوکسک سرعتلی قاطار خطیمیزی اینشا ایشلرینه داوام ائدیریک. "دئدی.
صاباح "میللی درمان اوچون گئری سایما باشلادی"
ایزمیر بیوتکنولوژی و ژنوم مرکزی، میلی درمان اوچون قوللاری سووادی. فرانسانین باشکندی پاریس ایله هیندیستان آراسیندا دونیانین ان اهمیتلی ژن مرکزی اولاجاق ایزمیر بیوتکنولوژی و ژنوم مرکزینده تورکیهده یاشایان اینسانلارین ژن نقشهسی چیخاریلاراق ژنتیک خستهلیکلرین معالیجهسی و تورک ژنینه اؤزل درمان چیخاریلاجاق. 500 نفرلیک علمی هیاتین چیخاراجاغی درمانلار، ایخراجاتا دا ایستیقامتلندیریلهجک. تورکیه آسیا-آوروپا و آفریقا آراسیندا فرقلی ژنلردن تأثیرلنن بیر جوغرافیادا اولماسی سببیله اؤز ژنینه اؤزل درمانین یاخین شرق، قافقاز، اورتا آسیا- شمالی آفریقا و بالکانلاردا تأثیرلی بیر ژن درمانی اولماسی گؤزلنیلیر.
خبرتورک "20 مین توریست تعطیل اوچون غوربتچیلرله تورکیهیه گلهجک"
پرزیدنت رجب طیب اردوغانین خاریجده یاشایان غوربتچیلر ایستیقامتلی آچیقلادیغی "قونشونو دا آل گل" کامپانیاسیندا رقملر معین اولدو.تورکیهیه هولند، آلمانیا، فرانسا، اوتریش و سوئیسدن توریست گتیرن تور شیرکتینین ایداره هیاتی باشقانی قادیر اوغور، آوروپادا تعطیل پاکتی ساتیشلاریندا یوزده 38 آرتیم یاشاندیغینی سؤیلهدی. اوغور، "یوزده 38 آرتیمین یوزده 15-ی 'قونشونو آل گل کامپانیاسیندان گلیر. 120 مین توریستین 20 مینی 'قونشونو آل گل کامپانیاسیندان "دئدی.
حریت: "دونیا شامپیونو"
جنوبی کورهده تشکیل ائدیلن دونیا تکواندو شامپیونلوغوندا قادینلار 67 کیلودا تاتامیه چیخان میلی ایدمانچی نور تاتار آسکاری، قیزیل میدال قازاندی. فینالدا آمریکالی پایگ مکفرسونی 6-4 مغلوب ائدهرک شامپیون اولان میلی ایدمانچی، 2020 توکیو اولمپیادالاری یولوندا بؤیوک بیر اوستونلوک الده ائتدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.