تورکیه مطبوعاتی اؤزتی 16.06.2017
خبر تورک: "تورکیه-سعودی عربیستانی مدنیت ایلی اوچون ایستارد وئریلدی"
تورکیه مطبوعاتی اؤزتی 16.06.2017
حریت:"تورک خالقینا میننتداریق"
قطرین آنکارا سفیری سلیم مبا‌رک الشفی، بعضی کؤرفز و عرب اؤلکه‌لری‌نین آلدیق‌لاری قرارلاری و تورکیه‌نین بو مدتده وئردیگی دستگی قیمتلندیردی. سفیر الشفی، پرزیدنت رجب طیب اردوغانین اؤلکه‌سینه وئردیگی دستک آچیقلاما‌لاری‌نین و مدتده گئییندیگی رفتارین چوخ اهمیت‌لی و مثبت اولدوغونو سؤیله‌ین الشفی، تورکیه ایله قورولان کومیسیون سایه‌سینده عاجیل و گونده‌لیک احتیاج‌لارینی قارشیلادیق‌لارینی ایفاده ائده‌رک، "تورک خالقینا مینّتداریق" دئدی.
یئنی شفق: "غزّه‌یه بایرام هدیه‌سی"
دونیادا ان چوخ کؤمک ائدن اؤلکه موقعیتینده اولان تورکیه، دونیانین دؤرد بیر یانین‌داکی مظلوم‌لارا کؤمک سفربرلیگینه بایرام اوّلینده ده داوام ائتدیریر. ان سون 4 ژوئن‌ده سوما‌لی‌یه "اومیدی اول" آدلی یاردیم گمی‌سی اینسانی یاردیم گؤندرن تورکیه فیلیسطینی ده اونوتمادی. باش ناظیر بینا‌لی ییل‌دیریمین فیلیسطین اوچون "موژده‌میز" اولا‌جاق آچیقلاما‌لاری‌نین آیرینتی‌لاری معین اولدو. باشباخانلیق آفت و عاجیل یاردیم رهبرلیگی باشقان‌لیغی کووردیناسیونوندا غزه‌یه 15 تونلوق اینسانی یاردیم آپارا‌جاق گمی صاباح یولا چیخا‌جاق
خبر تورک: "تورکیه-سعودی عربیستانی مدنیت ایلی اوچون ایستارد وئریلدی"
تورکیه ایله سعودی عربیستانی‌نین، 2017-2018 موسومونو قارشی‌لیق‌لی اولا‌راق "مدنیت ایلی" اعلان ائتمه‌سی گؤزلنیلیر. هر ایکی اؤلکه‌نین ناظیرلیک‌لری بیرلیکده چالیشا‌جاق و ایل عرضینده ایکی اؤلکه‌ده فستیوال‌لارین یانیندا کونسرت، سرگی، تئاترو نوماییش‌لری کیمی موختلیف تدبیرلر تشکیل ائدیله‌جک. مدنیت و توریزم ناظیری نابی آوجی، سعودی عربیستانی‌نین آنکارا سفیری ولید الکریجیی دوننکی قبولوندا، مدنیت ایلی موضوعسوندا ایکی اؤلکه نماینده هیات‌لری‌نین قارشی‌لیق‌لی زیارتلری ایله ایش تقویمی یارادیلاجاغینی و مدنیت ایلی چرچیوه‌سینده کئچیریله‌جک تدبیرلرین مویینلشدیردیگینی سؤیله‌دی. ایکی اؤلکه آراسیندا ایلک اولا‌راق 1974-جو ایلده ایمضا‌لانان مدنیت امکداش‌لیق موقاویله‌سینده 42 ایل سونرا 30 سپتامبر 2016ده مدنی امکداش‌لیق تطبیق پروقرامی، مدنیت و توریزم ناظیری نابی آوجی و سعودی عربیستانی کرال‌لیغی مدنیت و اینفورماسیون ناظیری عادل بن زاید آل-تورایفی طرفین‌دن ایمضا‌لانا‌راق حیاتا کئچیریلمیشدی.
صاباح: "ایکی آیدا 817 مین ایستخدام"
بو ایلین ایلک روبع‌ونده یوزده 5 ایله جی-20 و ایقتیصادی امکداش‌لیق و اینکیشاف تشکیلاتی (OECD) اورتالاما‌لاری‌نین ایکی قاتی بؤیوین تورکیه، پرزیدنت رجب طیب اردوغانین 7 فوریه‌دکی 'ایستیخدام سفربرلیگی چاغیریشی‌نین تاثیریله فوریه آییندا 284 مین یئنی ایستیحدام یارادیلارکن، مارس آییندا بو سایی 533 مینه چیخدی. بئله‌جه ایکی آیدا عمومی 817 مین یئنی ایستیخدام یارادیلدی. مارس آییندا گونده اورتالاما 17 مین 192 نفر ایستیخدام ائدیلدی. تورکیه ایستاتیستیک تشکیلاتی طرفین‌دن دونن آچیق‌لانان معلومات‌لارا گؤره، ژانویه آییندا یوزده 13 ایله 7 ایلین ذیروه‌سینه چیخان، فوریه آییندا یوزده 12،6یا گئریله‌ین ایشسیزلیک، مارس آییندا یوزده 11،7 ایله 7 آیین ان آشاغی سویه‌سینه گئریله‌دی.
وطن: "کیچیک دئییل میلیاردلیق شیرکت‌لری ایستییریک"
بورسا ایستانبول (بیست) ایداره هیاتی باشقانی حمت کاراداغ، بؤیوک میقیاس‌لی شیرکت‌لرین خالقا عرضه‌سینی اؤزندیرمک اوچون بورسا مودیریتینه دییشیک‌لیک ائتدیک‌لرینی و تصدیق اوچون سرمایه بازاری قورولونا تقدیم ائتدیک‌لرینی سؤیله‌دی. کیچیک میقیاس‌لی شیرکت‌لرین خالقا عرضه‌لره گلمه‌سینی ایستمدیک‌لرینی ایفاده ائدن کاراداغ، "بون‌دان سونرا بورسادا 1 میلیارد لیره بؤیوکلوکده شیرکت‌لرین خالقا عرضه‌سینی پلان‌لاش‌دیریریق" دئیه دانیشدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
