تورکیه مطبوعاتی اؤزتی 24.05.2017
ناتو، صاباح، 22 نفرین اؤلدوگو 59 نفرین یارالاندیغی اینگیلترهنین منچستر شهریندکی ترور سالدیرینین کؤلگهسینده توپلانیر
تورکیه مطبوعاتی اؤزتی 24.05.2017
یئنی شفق: "بروکسلده ایکیقات ذیروه"
ناتو، صاباح، 22 نفرین اؤلدوگو 59 نفرین یارالاندیغی اینگیلترهنین منچستر شهریندکی ترور سالدیرینین کؤلگهسینده توپلانیر. بلژیکین باشکندی بروکسلدکی ناتو دولت و حکومت باشقانلاری ایجلاسیندا پرزیدنت طیب اردوغان، تورکیهنی ترورلا موباریزهسینده تک بوراخان ناتو-نو ائلشدیرهجک و "اتفاق آکتیو رول آلمالی" دئیهجک. پرزیدنت، سوریهده بؤلوچو ترور تشکیلاتی پ.ک.ک-نین سوریه داوامی پ.ی.د-نین موتتفیق کیمی دستکلهین اؤلکهلری تنقید ائدیب، ترورلا موباریزهده دستک ایستهیهجک. اردوغان آیریجا گؤروشمه ایستکلرینه مثبت جواب وئردیگی آوروپا بیرلیگی کمیسیونو باشقانی جان-کلاود یونکر و آوروپا بیرلیگی شوراسینین صدری دونالد توسک ایله تورکیه- آوروپا بیرلیگی ایجلاسی رئاللاشدیراجاق. پرزیدنت اردوغانین، ایجلاسدا، آوروپا بیرلیگی دانیشمانلاریندان ایلیشکیلرین گلهجگینه باغلی کونکرئت بیر تقویم ایستهیهجک.
وطن: "بورسا 100 مینه دوغرو قاچیر"
بورسا ایستانبول (بیست) 100 اندکسی رکورد اوستونه رکورد قیریر. اندکس تاریخینده ایلک دفعه 97 مین امتیازی کئچدی. اولوسلار آراسی مالی بازارلارینداکی بحران تخمینلری سببیله "دوکتور قیامت 'اولاراق تانینان مشهور سرمایهچی مارک فابر، تورک ایقتیصادینین اولدوقجا یاخشی گئتدیگینی، بورسانین پرفورمانسینین دا بونا نومونه اولدوغونو سؤیلهدی. پول یئنیدن تورکیه کیمی اؤلکهلره آخدیغینی ایفاده ائدن فابر، کئچن ایل روسیا و برزیل بورسالارینین ان یاخشی پرفورمانسی گؤستردیگینی بو ایل ده تورکیهنین گوجلو پرفومانس گؤسترجگینی قید ائتدی.
خبر تورک: "اوچونجو هاوالیمانی تورک هاوا یوللارینی داها دا یوخاری داشییاجاق"
تورک هاوا یوللاری ایداره هیاتی و ایجرا کومیتهسینین صدری ایلکر آیجین، "اوچونجو هاوالیمانی عینی زاماندا تورک هاوا یوللارینین بؤیومه سورعتیله بیرلشدیغینده ایستانبول بؤلگهسینده چوخ قیمتلی بیر ترانسفر مرکزی حالینا چئوریلهجک. یئنی هاوالیمانی تاماملاندیغیندا تورک هاوا یوللارینین بیر نئچه سویهلی داها یوخارییا داشییاجاق" دئدی .
حریت: "فرانسادان اؤدوللری دؤندو"
ت.ر.ت تی.وی فیلملری چرچیوهسینده چکیلن "سودا بالیق"، فرانسادان اؤدوله دؤندو. یؤنتمنلیغینی تولای کوجا تورکون ائتدیگی، علیخان آرار، جانان گنر، تامر لئونت و نورشین دمیری رول آلدیغی "سودا بالیق"، نیجه فیلم فیلم فستیوالینین اولوسلار آراسی موسابیقه حیسهسینده نورشین دمیری "ان یاخشی کؤمکچی قادین اویونچو" اؤدولونو قازاندیردی. "سودا بالیق"، ایستعدادلی گنج اوزگوچو سفانین، اؤزو و چئورهسینه باخمایاراق خیاللارینی رئاللاشدیرما عزمینین حکایهسینی ایضاح ائدیر.
صاباح: "ائشیتمه دیلی پروقرامییلا ایستانفورددا بورس آلدی"
دبیریستان شاگیردی نئوال چام ائشیتمه معلوللار اوچون ایشاره دیلینی ترجومه ائدن بیر پروقرام ایجاد ائتدی. مایکروسافتین ایلین ان باشاریلی قادین پروقرام تشببوسکاری سئچدیگی نئوال، دونیانین ان نفوذلو عالی اورقانلارینین باشیندا گلن استانفورد اونیورسیتهسیندن ده تام بورسلو قبول آلدی. نئوال، آمریکانین استانفورد اونیورسیتهسی موهندیسلیک فاکولتهسی کامپوتر علملری بؤلومونده 4 ایل عرضینده تام بورسلو شاگیرد ایستاتوسویلا تحصیل گؤرهجک.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.