تورکیه مطبوعاتی اؤزتی 22.05.2017
یونانیستان پرزیدنتی پروکوپیس پاولوپولوس، قارا دنیز ایقتیصادی امکداش‌لیق تشکیلاتی‌نین 25ینجی قورولوش ایل دؤنومو ایجلاسیندا یئر ائتمک اوچون بو گون ایستانبولا گله‌جک
تورکیه مطبوعاتی اؤزتی 22.05.2017
یئنی شفق: "بلی، هارادا قالمیشدیق"
پرزیدنت رجب طیب اردوغان، آنکارا آرئنا ایدمان سالونوندا دونن ائدیلن 3. فوق ا‌لعاده کونگره‌ده 1414 سسله یئنی‌دن عدالت و اینکیشاف پارتیسی (آک پارتی) عمومی باشقانلیغینا سئچیلدی. سالونو دول‌دوران پارتیلیلری، "بلی، هارادا قالمیشدیق" دئیه‌رک سلاملایان پرزیدنت اردوغان، "بو گون بیر دفعه داها بئسمله‌میزی چکیر، فاتیحه‌میزی اوخویور، داها بؤیوک هدف‌لر اوچون، داها چوخ ایشلمک اوچون یئنی بیر باشلانغیج ائدیریک" دئدی.
حریت: "ایلک دفعه بیر یونان پرزیدنتی تورکیه‌ده"
یونانیستان پرزیدنتی پروکوپیس پاولوپولوس، قارا دنیز ایقتیصادی امکداش‌لیق تشکیلاتی‌نین 25ینجی قورولوش ایل دؤنومو ایجلاسیندا یئر ائتمک اوچون بو گون ایستانبولا گله‌جک. پاولوپولوس، ایجلاس زامانی پرزیدنت رجب طیب اردوغان ایله گؤروشه‌جک. 67 یاشین‌داکی پاولوپولوس، تورکیه‌نی زیارت ائدن ایلک یونانیستان پرزیدنتی صیفتینی داشیییر. داها اوّل بو سویه‌ده 7 ژوئن 1952-جی ایلده یونانیستان کرا‌لی پاولوس، دؤورون پرزیدنتی جلال بایارین دعوتی اوزرینه آنکارا و ایستانبولو زیارت ائتمیشدی.
صاباح: "کرووازیرین 'گلوبال لیدری"
تورک شیرکت‌لری‌نین قلوبال آرئنا‌داکی موفقیت‌لرینه هر گون یئنی حالقا‌لار علاوه اولونور. بو فیرما‌لاردان بیری اولان گلوبال پورتس هولدینگ، (GPH) سون ایللرده باشلاتدیغی اعتراض ایله دونیانین لیدر کوروازیر لیمان ایشلتمه‌جیلریندن بیری اولماغی باجاردی. سون اولا‌راق لندن بورساسیندا عملیات گؤرمه‌یه باشلایان شیرکت، قوش آداسین‌دان بارسئلونایا، سینگاپوردا وندیک‌ه قدر عمومی 14 لیمانین ایشلتمه‌سینی بوینونا گؤتوردو. شیرکتین هدفینده بو عده‌دی 30-آ چیخارماق و یئنی‌قاپییا سککیز ریهتیم‌لی بیر لیمان تیکمک وار.
خبئر تورک: "موبیل اؤدمه‌یه رغبت دونیانی گئریده بوراخدی"
آلمان آراشدیرما شیرکتی " growth from knowledge " GfK طرفین‌دن 20 اؤلکه‌ده ائدیلن آراشدیرمادا، امصرفچی‌لرین یوزده 30-و، مومکون اولان هر یئرده اؤدنیش‌لری موبیل جیهازلاری ایله ائتمگی اوستون ائتدیگینی ایفاده ائدرکن، تورکیه‌ده بو نیسبت یوزده 45 ایله دونیا اورتالاماسی‌نین اوستونده رئال‌لاشدی.
وطن: "آوروپانین ان بؤیوگو"
فنرباخچا کیشی بسکتبال تیمی، تورک هاوا یول‌لاری آوروپا لیگی‌نین 2017 فینالیندا یونانیستان تیمی اولیپیاکوسو ایستانبولدا ازه ازه 80-64 مغلوب ائتدی، آوروپا شامپیونو اولدو. فنرباخچا کاپیتانی مئلیح، بؤیوک کوپا آلینجا سینان اردم ایدمان سالونو بایرام یئرینه دؤندو. ساری کاناریا‌لی تیم، 10 مین‌لرله تاماشاچی‌نین سالوندا، تورکیه‌نین ایسه 81 ایلده قورولان 160 بؤیوک اکرانین‌دان ایزلدیگی، محتشم فینالدا گوجلو یونان رغیبینه اویون بویونجا نفس بئله آلدیرمادی. فنرباخچا، کئچن ایل بیر ریباونلا ساحلین‌دن دؤندوگو فینا‌لی قازانینجا تاماشاچی‌لاردان آغلایان‌لار، سئویج قیشقیریق‌لاری آتان‌لار اولدو. خالق دا کوچه‌لرده سحره قدر بؤیوک ظفری قید ائتدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
