تورکیه مطبوعاتی اؤزتی 12.05.2017
میللی ساوونما ناظیری فیکری ایشیق، تورکیهنین ایلک اوزون منزیللی موشکی بورا-نین سینوپدا باشاری ایله تست ائدیلدیگینی آچیقلادی
![تورکیه مطبوعاتی اؤزتی 12.05.2017](http://cdn.trt.net.tr/images/xlarge/rectangle/1bde/c41c/f61f/583bc80594d64.jpg?time=1718834667)
تورکیه مطبوعاتی اؤزتی 12.05.2017
حریت: "چانتاداکی دلیل لیستهسی"
دونالد ترامپ رهبرلیگینین، رقه حرکاتی اوچون ترور تشکیلاتی پ.ک.ک-نین سوریهدکی داوامی ی.پ.گ-یه آغیر سیلاح ورمگی طرفیندن تصدیق سونرا گؤزلر پرزیدنتی رجب طیب اردوغانین 16-17 میده ائدجگی کریتیک آمریکا زیارتینه چئوریلدی. اردوغانین چانتاسیندا، سوریه و کشفیات واحیدلرینین سون یئنی معلوماتلارلا حاضیرلادیغی اهمیتلی بیر لیسته ده اولاجاق. لیستهده ترور تشکیلاتی داعش ایله موباریزه چرچیوهسینده وئریلدیگی ایفاده ائدیلن آنجاق بؤلوچو ترور تشکیلاتی پ.ک.ک-نین الینه کئچن سیلاحلارین ساپتاماسی و سایلماسی اولاجاق. آمریکا و ناتو اؤلکهلرینین ی.پ.گ-یه وئردیگی سیلاحلاردان عبارت اولان بو کریتیک لیستهده، آردیجیل نؤمرهلری سیلینمیش آمریکا، آلمان و اینگیلیس سیلاحلارینین دا سایلماسی اولاجاق. آیریجا بونلارین تورکیه نئجه سوخولدوغو، هارادا و نئجه اله کئچریلدیکلری ده یئر ائدهجک.
خبر تورک: "پرزیدنت اردوغانین چین سفری بو گون باشلاییر"
پرزیدنت رجب طیب اردوغان، 14-15 میده پکنده تشکیل ائدیلهجک اولوسلار آراسی امکداشلیق اوچون قورشاق و یول فوروموندا ایشتیراک، چین دولت باشقانی شی جین پینگ ایله گؤروشمهلر آپارماق اوچون بو گون چین خالق جمهوریتینه گئدیر. اردوغان، 14 میده اولوسلار آراسی امکداشلیق اوچون قورشاق و یول فورومونون اوست سویه دیالوق توپلانتیسیندا، 15 میده یومرو ماسا لیدر توپلانتیسیندا دانیشاجاق.
صاباح: "میللی موشک بورادان هدفه تام ایصابت"
میللی ساوونما ناظیری فیکری ایشیق، تورکیهنین ایلک اوزون منزیللی موشکی بورا-نین سینوپدا باشاری ایله تست ائدیلدیگینی آچیقلادی. سینوپدا آتیلان بورا، قارا دنیز آچیقلارینداکی هدفی یوخ ائتدی.بؤیلجه 280 کیلومترلیک موشک تورکیهنین گوجونو گؤستردی.
وطن: "سومالیدکی تورک پایگاهی سپتامبر آییندا آچیلیر"
لندندکی سومالی کونفرانسیندا دانیشان باش ناظیر ییلدیریم، "الشباب ترور تشکیلاتییلا موباریزهده نیظاملی بیر اوردو لازیملیدیر. بو چرچیوهده، سومالی اوردوسونا قاتقی تامین ائدهجک موگادیشو آنادولو نیظامی تحصیل تاسیسیمیز اؤنوموزدکی سپتامبر آییندا تامامیله فعالیته کئچهجک "دئدی.
یئنی شفق: "تیجارتین یئنی هدفی قارا دنیز"
تورکیهنین لیدرلیگینده 2012-جی ایلده ایشلری باشلادیلان قارا دنیز اکونومی امکداشلیق تشکیلاتینین (KEİ) عضو اؤلکهلری، ایستانبولداکی کونفرانسیندا تیجارتین آسانلاشدیریلماسی ایستراتژی بلگهسینی قبول ائتدی. قرار ایله بؤلگه اؤلکهلرینده تیجارته دایر پروسهلرین سادهلشدیریلمسینین یانیندا، گؤمروک ایشلرینین قیسا مدتده تاماملانماسی و ترانزیت تیجارته آسانلیق تامین ائدیلمهسینین قارشیسی آچیلیر.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718834667)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.