تورکیه مطبوعاتی اؤزتی 18.04.2017
رفراندوموندا 'بلی نتیجهسینین داشینماز سکتورونو ده حرکتلندیرمهسی گؤزلنیلیر
تورکیه مطبوعاتی اؤزتی 18.04.2017
خبرتورک: "نوامبر 2019ا ایشاره فیشگی آتیلدی"
پرزیدنت رجب طیب اردوغان، رفراندومو نتیجهلرینین 2019داکی سئچیملر اوچون بیر ایشاره فیشگی اولدوغونو سؤیلهدی. اؤنلرینده آتاجاقلاری چوخ چوخ اهمیتلی آددیملار اولدوغونو وورغولایان اردوغان، "بو بیر اؤلکهنین مادی نقطهدکی آلت یاپی، اوست یاتیریملارینا ایستیقامتلی ائدجگیمیز ایشلر وار. اینسانیمیزا یؤنلیک ده خصوصیله تحصیل ایله اخلاق و معنویات موضوعسوندا آتاجاغیمیز آددیملار ایشین باشینی چکیر "دئدی. اردوغان، ظفرلرین اولاری سرخوش ائتمیهجگینی سؤیلهدی.
صاباح: "ترورا کئچید یوخ"
پرزیدنت رجب طیب اردوغان، غرب دونیاسینی ترورا دستک وئرمکدن ایمتیناع ائتمهیه چاغیردی. غرب بعضی اؤلکهلرین سوریهده ترور تشکیلاتلارینا وئردیکلری دستکله تورکیهیه قارشی دوشمنلیکلرینی آچیقجا اعلان ائتمکدن چکینمدیکلرینی وورغولایان اردوغان، "تورکیه، مرزلرینین یانی باشیندا بیر ترور میدانا گلمهسینه هئچ واخت ایجازه وئرمهیهجک. بؤلگهده غربلی اؤلکهلرین پوللو عسگر کیمی ایستیفاده ائتدیکلری ترورچولارلا تورکیهنی دیزه گتیره بیلهجکلرینی ظن ائدنلر یانیلدیقلارینی چوخ یاخیندا گؤرهجکلر "دئدی. اردوغان، فیرات قالخانی حرکاتینین تورکیهنین سون دئییل، ایلک عملیاتی اولدوغونو ایفاده ائتدی.
یئنی شفق: "بوتون دونیا نتیجهلره حؤرمت ائتمهلی"
16 آوریل رفراندومو نتیجهلرینه دایر تورکیهیه قونشو اؤلکهلردن دستک گلدی. روسیادان ائدیلن آچیقلامادا، کرملین سؤزچوسو دمیتری پسکوو، تورک خالقینین رفراندوموندا ائتدیگی قرارا هر کسین حؤرمت اولماسی لازیم اولدوغونو سؤیلهدی. یونانیستان حکومتی ده تورک خالقینین قرارینا حؤرمت ائتدیگینی آچیقلادی. آچیقلامادا، "بیز، قونشو اؤلکهده ثابتلیک و دموکراسینی دستکلییریک" قیمتلندیرمهسینه یئر وئریلدی. ایران خاریجی ایشلر ناظیرلیگینین سؤزچوسو بهرام قاسیمی، "تورکیه خالقینین اکثریتینین قبول ائتدیگی هر شئیه حؤرمت ائدریک." ایفادهلرینی ایستیفاده ائتدی.
ایستار: "خاریجی یاتیریم حرکته کئچیر"
رفراندوموندا 'بلی نتیجهسینین داشینماز سکتورونو ده حرکتلندیرمهسی گؤزلنیلیر. سکتور نمایندهلری، خصوصیله خاریجیلرین اؤنوموزدکی دؤورده تورکیهده منزیل سرمایهلرینی آرتیراجاغینی سؤیلهدی. سکتور نمایندهلری، "ایندی داشینماز آلمانین تام زامانی، قیمتلر اویغون، فایزلر آشاغی، ارز کورو متعادل" دئیهرک بازارین چوخ جازیبهدار اولدوغونو ایفاده ائدیر. دیگر طرفدن 19-21 آوریل تاریخلری آراسیندا ائدیلهجک اولان Expo Turkey By Qatar سرگیسی ده تورکیهدن ائو آلماق ایستهین کؤرفز سرمایهسی اوچون جدی بیر پوتانسیل میدانا گتیرهجک.
وطن: "بازارلار حرکتلندی"
تورکیه رفراندومو سورهجینی تاماملادی. دولار ' بلی ائنیشله قارشیلادی. فایزلر آشاغی دوغرو ایستیقامت آلدی. تورک لیراسی وارلیقلاردا مثبت گؤرونتو داوام ائدیر. 91 مین حدینه قدر چیخان بورسا ایستانبول، دقتلری اوزرینه چکمهیه داوام ائدیر. متخصصلر ایقتیصادین مثبت سیگناللار وئرمهیه داوام ائدجگینی و خاریجی یاتیریملار اوچون بؤیوک فورصتلر آچاجاغینی سؤیلییر. پرزیدنت حکومت سیستمیله ایش دونیاسیندا سیاسی ثابتلیگه یؤنلیک هئچ بیر قایغینین قالماماسی، تورکیهدکی خصوصی سکتور سرمایهلرینی آرتیراجاق.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.