تورکیه مطبوعاتی اؤزتی 30.03.2017
یئنی شفق: "ترورا دستک وئرن آلمان وقفلری دقت آلتیندا"
![تورکیه مطبوعاتی اؤزتی 30.03.2017](http://cdn.trt.net.tr/images/xlarge/rectangle/530f/0ce0/db85/58466578c15f7.jpg?time=1719016760)
تورکیه مطبوعاتی اؤزتی 30.03.2017
خبرتورک: "آمریکانین عادیل اؤکسوز آچیقلاماسی تامین ائدیجی دئییل"
فتح اللهچی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیهده قانلی کودتا گیریشیمینده آکینجی پایگاهیندا توتولوب تلم-تلسیک سربست بوراخیلان فتونون ایمامی فیراری عادیل اؤکسوزون، 21 ژوئیهده آمریکانین ایستانبول باشکونسولوسلوغوندا تلفونلا آختاریلدیغی اورتایا چیخدی. آمریکا سفیرلیگی، فیراری اؤکسوزون ویزاسینین لغو ائدیلدیگینین بیلدیریلمهسی اوچون آختاریلدیغینی آچیقلادی. رسمی آچیقلامانی قیمتلندیرن باش ناظیر بینالی ییلدیریم، "داها تامین ائدیجی بیر جواب گؤزلییریک." دئدی.
یئنی شفق: "ترورا دستک وئرن آلمان وقفلری دقت آلتیندا"
تورکیه علیهداری هر تلاشین آرخاسیندان آلمان وقفلری چیخیر. آوروپادا فتح اللهچی ترور تشکیلاتی فتو، پ.ک.ک و د.ه.ک.پ-ج کیمی ترور تشکیلاتلارینین حامیلیغینی ائدن آلمانیا، بیر طرفدن تروریستلری تورک امنیت واحیدلرینه قارشی قورویارکن دیگر طرفدن آژان وقفلری الیله تورکیهنین هر یانیندا فعالیت گؤستریر. تورکیهده رسمی اولاراق فعالیت گؤسترن 22 خاریجی واکیفدان چوخو آلمانلارا عایید و ترور قروپلارینین بیر چوخ حرکتینده بو وقفلرین اولماسی دقت چکیر. گئزی عصیانینا آکتیو دستک وئرن، پ.ک.ک-نین خندق و باریکاتلارینا مهمات داشییان آلمان کشفیاتی ب.ن.د مرکزلی تشکیلاتلارا گئرچک کودتا 16 آوریل آنایاسا دییشیکلیگی رفراندوم سونراسی ائنهجک.
وطن: " Booking.com.ون تورکیهدکی فعالیتلری دایاندیریلدی"
ایستانبول 5. اصله تیجارت محکمهسی، آنلاین اوتل رزرواسیون پورتالی Booking.com -ون تورکیهدکی فعالیتلرینه تدبیرن دایاندیرما قراری وئردی. تورکیه سیاحت آژانسیلری بیرلیگی (تورساب) وکیللری، سیاحت آژانسلارینا قارشی حاقسیز رقابت رئاللاشدیردیغی ادعاسییلا، آنلاین رزرواسیون پورتالی Booking.com علیهینه، فعالیتلرینین دایاندیریلماسی طلبیله شکایت ائتدی. ادعانی قبول ائدن محکمه، Booking.com شیرکتینین، اینترنت آدرسیی اوزریندن و یارادیلاجاق باشقا بیر آدرس اوزریندن، تورکیهدکی اوتل، یاشاییش اوبژهلرینین ساتیشا چیخاریلماسی و واسیتچیلیک ائدیلمهسی ایستیقامتیندکی فعالیتینین دایاندیریلماسینا، بو موضوعدا بیلگی تکنولوژی تشکیلاتینا (بتک) یازی یازیلماسینا قرار وئردی . بتکین، سایتا گیریشیه انگل قویماسی گؤزلنیلیر.
صاباح: "تورکیهیه قارشی دقتلی دانیشاق"
یونانیستانین کئچمیش باش ناظیری کوستاس سیمیتیس، 13 ایلدن سونرا سسسیزلیگینی پوزاراق وئردیگی ایلک موصاحیبهسینده یونان مسئوللارین تورکیهیه قارشی داها دقتلی اولمالارینی توصیه ائتدی. یونان ساوونما ناظیری پانوس کامنوسو ایشاره ائدن سیمیتیس، تورکیهنی تحریک ائدیجی سؤزلردن اوزاق قالینماسی لازیم اولدوغونو ایفاده ائتدی. تحریکلر نتیجهسینده اژهده بیر قضاء یاشانا بیلهجگی احتیمالینا قارشی اؤلکهسینی خبردار ائدن سیمیتیس، 1996-جی ایلده یونان باش ناظیرلیگی دؤورونده کارداک قایالیقلاری اطرافیندا یاشانان بحرانا گؤندرمه ائتدی. سیمیتیس، بو موضوعدا باشقا اؤلکهلرین ده گرگینلیگی آرتیرما سیی ایچینده اولا بیلهجگی موضوعسوندا یونانیستانی دقتلی اولماغا چاغیردی.
ایستار: "رقایب گئجهسی، اوچ آیلارین خبرچیسی"
ایسلام عالمینده رحمتی، برکتی و مغفیرتی بول اوچ آیلارین خبرچیسی قبول ائدیلن رغیب گئجهسی بو گون ایدراک ائدیلیر. آرزو، ایستک، عمل کیمی معنالارا گلن، رغبت سؤزونون جمعی اولان رغایب، گلهجهیه و گلهجهیه ایستیقامتلی آرزو و ایستکلری، عمل و احتیراصلاری گؤزدن کئچیرمه ایمکانی وئریر، رغبت یالنیز ربه یؤنلیک اولماسی لازیم اولدوغونو خاطیرلادیر. بو گئجه، اورگی هر جور کین، نیفرت و اینتیقام دویغولاریندان تمیزلمه و کؤنولو دینجلیگه چاتدیرما گونو.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1719016760)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.