تورکیه مطبوعاتی اؤزتی 13.03.2017
خبر تورک: "چاووش اوغلو: عذر ایستمک یئتمز"
![تورکیه مطبوعاتی اؤزتی 13.03.2017](http://cdn.trt.net.tr/images/xlarge/rectangle/530f/0ce0/db85/58466578c15f7.jpg?time=1718958130)
تورکیه مطبوعاتی اؤزتی 13.03.2017
یئنی شفق: "پرزیدنت اردوغان: بدلینی اؤدهیهجکلر!"
هولندین تورک سیاستچیلره قارشی فاشیست تحریملرینه آغیر اعتراض گؤسترن پرزیدنتی رجب طیب اردوغان، "منیم باخانیما ادبسیز حرکتلری ائدنلر بونون بدلینی اؤدهیهجک. منیم هولنددکی وطنداشلارین اوزرینه آتلارلا گئدنلر بونون بدلینی اؤدهیهجکلر. دیپلوماسی ندیر اونو دا اؤیرنهجکلر. اوراداکی وطنداشلاریمیزا سسلنیرم: قومشولارینیزی آلین گلین تورکیهیه، قوناقپرورلیک ندیر گؤرسونلر. "ایفادهلرینه وورغو ائتدی. چرشنبه گونو هولندده کئچیریلهجک عمومی سئچیملرده ده دقت چکن اردوغان، هولنددکی 250 مین تورکه قارشی بو تطبیقی ائدنلره قارشی تورک سئچیجینین گریینی ائدجگینی بیلدیگینی قید ائتدی.
خبر تورک: "چاووش اوغلو: عذر ایستمک یئتمز"
فرانسانین مز شهرینده تورکلر ایله گؤروشن خاریجی ایشلر ناظیری مولوت چاووش اوغلو، عائله و سوسیال سیاستلر ناظیری فاطما بتول سایان قایانین هولند پولیسینین روتردامدا تورک کونسوللوغا گیررکن بلوکا ائتمهسینین وین سؤزلشمهسینه ضد اولدوغونو سؤیلهدی. کونسوللوغون تورک تورپاغی اولدوغونو وورغولایان چاووش اوغلو، تورکیهنین بیر ناظیرینین باشکونسولوسلوغا گیریشینه ایجازه وئریلممهسینین باشکونسولوسلوک ایشچیلرینین ده دیشارییا چیخماسینا مانع تؤردیلمهسینین تامامیله عرقچیلیک ،، خاریجی دوشمنلیگی، ایسلام قارشیدلیغینین، آزادلیقلارا ضد اولدوغونو وورغولادی. هولندین بو حرکتیندن اؤتورو عذر ایستمهسینین چاتمایاجاغینی، قارشیلیغینین وئریلهجگینی ایفاده ائدن چاووش اوغلو، هولند سفیرینین ده 2 گون اوّل تورکیهدن آیریلدیغینی، گلمهسینین ایستمدیکلرینی هولند اورقانلارینا بیلدیردیکلرینی قید ائتدی.
صاباح: "بوتون آزادلیقلاری آسقییا آلدیلار"
عائله و سوسیال سیاستلر ناظیری کایا، هولندده یاشانان اوتانج گئجهسینی ایضاح ائتدی. "فتح اللهچی ترور اؤرگوتونون 15 ژوئیهده کودتا گیریشیمی سونراسی فوق العاده حال اعلان ائتدیک" دئیه تنقید ائدنلر بیر گئجهده فوق العاده حال اعلان ائتدی. "دئین ناظیر کایا، هم دیپلوماتیک، هم اینسانی هئچ بیر تعاموله اویغون گلمهین بو حرکتین دونیا ایچینده قینانماسی لازیم اولدوغونو قید ائتدی.
حریت: "قددارلیق"
تورکیه خاریجی ایشلر ناظیری مولوت چاووش اوغلونون اؤلکهیه سوخمایان، عائله و سوسیال سیاستلر ناظیری فاتما بتول سایان قایانی دپورت ائدن هولنده اعتراض یاغیر. پولیسین او گئجه اعتراض نوماییشی ائدن تورکلره اتدیغی وحشیلیگی ده دونیا ایزلهدی. پولیسین کوتلهنین اوزرینه آتلارلا گئتمهسی، ایتلری سالماسی، باتوم و فشارلی سو ایستیفاده نتیجهسینده ان آز 7 نفر یارالانیب، 12 نفر ده نظارته آلیندی.
وطن: "اینسانلیق یئرلرده"
تورکیهیه هر فورصتده اینسان حاقلاری درسی وئرن آوروپانین گؤبیینده الینده بایراقلا باریش گؤستریسی ائدن تورکلرین اوزرینه هولند پولیسی ایتلری سالدی. آت اوستوندکی پولیسلر ده تصادفی کوتلهنین اوزرینه باتوم ساللادی. چوخ سایدا تورک وطنداشی خستهخانالیق اولدو.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718958130)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.