تورکیه مطبوعاتی اؤزتی 10.03.2017
وطن: "تورکیه ایکی دنیزده طبیعی گاز آختاراجاق"
تورکیه مطبوعاتی اؤزتی 10.03.2017
یئنی شفق: "ان کریتیک ایجلاس"
پرزیدنتی رجب طیب اردوغان، روسیا دولت باشقانی ولادیمیر پوتین ایله سون 6 آیداکی 4-جو گؤروشمهسینی رئاللاشدیراجاق. موسکواداکی کریتیک ایجلاسدا، سوریه بحرانینا باغلی بوتون واریانتلار ماسادا اولاجاق. گؤروشمهده، ترور تشکیلاتی پ.ی.د /ی.پ.گ-یه بوراخیلماق ایستنن مونبیجدکی دوگونون حل ائدیلمهسی گؤزلنیلیر. رقهنین داعشدن قورتاریلماسی عملیاتی دا مذاکیره ائدیلهجک. یئنه گؤروشمهده فیرات قالخانی حرکاتی، تورکیهنین آلماغی پلانلادیغی اس-400 موشک ساوونما سیستملری گوندمه گلهجک. باشلایاجاق یئنی توریزم موسومو اوّلی روس توریستلرین تورکیهیه گلیشلری ده مذاکیره ائدیلهجک. تورکیه و روسیا علاقهلری باخیمیندان بؤیوک اهمیت داشییان بیر باشقا موضوع ایسه انرژی. آککویو نوکلئر گوج سانترالی و تورک آخین طبیعی گاز بورو خطی ده گؤروشمهده اله آلیناجاق.
خبرتورک: "مولود چاووش اوغلو: بوتون مانعلره باخمایاراق روترداما گئدهجهیم"
خاریجی ایشلر ناظیری مولوت چاووش اوغلو، "ایکی گون اوّل هامبورگدا وطنداشلاریمیزلا گؤروشدوک. شنبه گونو ده بوتون مانعلره، عرقچی ایفادهلره باخمایاراق اینشالله روترداما گئدجگیک. اوراداکی تورک قارداشلاریمیزلا، تورکلرله گؤروشجگیک، اونلارلا حسرت آرادان قالدیراجاغیق. بیزی ده کیمسه مانع تؤرهده بیلمز." دئدی. سون گونلرده خصوصیله آوروپادا بعضی اؤلکهلرین تورک ناظیرلرین وطنداشلارلا گؤروشمهسینه مانع چیخارتدیغینی وورغولایان چاووش اوغلو، هم وطنداشلاریمیزا وطنداشلیق وئرمیرلر هم ده اونلاری بئله گیروو گؤتورورلر. بو وضعیت اینسانلیغا، دیپلوماتیک عادتلره، دوستلوغا، اینسان حاقلارینا، قانونون اوستونلوگونه، دموکراتیک حاق و آزادلیقلارا سیغماز "دئدی.
ایستار: "سوئیسدن آلمانیایا تورکیه درسی"
سوئیسدن، خاریجی ایشلر ناظیری مولوت چاووش اوغلونون بازار گونو رئاللاشدیراجاغی زوریخ پروقرامینین قاداغان ائدیلمهسینی طلب ائدهجک هر هانسی بیر سبب اولمادیغی آچیقلاندی. سوئیس خاریجی ایشلر ناظیرلیگیندن ائدیلن یازیلی آچیقلامادا، چاووش اوغلونون زوریخ سفری حاقیندا "هئچ بیر شئی، ایفاده آزادلیغینی، محدودلاشدیرمانی حاقلی گؤستره بیلمز." ایفادهلری ایستیفاده ائدیلدی. زوریخ امنیت دایرهسی، چاووش اوغلونون 12 مارس بازار گونو رئاللاشدیریلماسی پلانلانان زوریخ پروقرامینین امنیتی سببلریله لغوی اوچون فدرال شوراسینا مراجعت ائتمیشدی.
وطن: "تورکیه ایکی دنیزده طبیعی گاز آختاراجاق"
تورکیه، سون ایللرده طبیعی گاز ساخلاما و قایناق مختلیفلیگی موضوسوندا چوخ اهمیتلی یاتیریملار ائتمهیه باشلادی، نفت و طبیعی گاز آختاریش ایشلرینه داها دا سرعت وئردی. بو ایل قارا دنیز ایله آغدنیزینده نفت و طبیعی گاز اوچون تورکیه، اهمیتلی سالدیریلار ائدهجک. حکومت، آغدنیزی و قارا دنیز سولاریندا داها آکتیو ایکی بعدلو و اوچ بعدلو سیسمیک ایشلرین یانیندا هر ایکی دنیزده ده آختارما فعالیت مدتی باشلاداجاق. دؤرد بیر طرفینده بیر چوخ انرژی قایناغی و زنگینلیکلر اولان تورکیه، بؤلگهسیندکی ان ثابت و گوجلو اؤلکه اولماسینین گتیردیگی مسئولیت و انرژی تجهیزاتی امنیتینده اوینادیغی رولو اعتباریله، گلهجک دؤورده ده قرارلی و چوخ ایشه داوام ائدهجک.
صاباح: "بئشیکتاش طرفداری بوتون یونانلیلار سوسدوردو"
آتندکی گئورگیوس کارایسکاکیس ایستادیومندا اوینانان اولیمپیاکوس-بئشیکتاش قارشیلاشماسینا تورک طرفدارلار دامغا ووردو. 100 بئشیکتاش طرفداری، موسابیقه بویونجا بوتون تریبونالاری سوسدوردو. اولیمپیاکوس ایله بئشیکتاش آراسیندا اوینانان UEFA آوروپا لیگی سون 16 توروندا UEFA، موسابیقهلره رقیب طرفدارلارین گیرممهسی تعلیماتینی وئرمیشدی. آنجاق بئشیکتاشلی 100 قدر طرفدار، ایستادیومداکی یئرینی آلدی و تیملرینه دستک وئردی. خصوصیله ایلک یارینین ایلک حیسهلرینده بئشیکتاش طرفدارلارینین تیملرینه بؤیوک دستگی دقت چکدی. ایکینجی یاریدا ایسه بئشیکتاشین قولوندان سونرا یونان طرفدارلار تامامیله سوسدو و بئشیکتاشلی 100 طرفدارین تظاهوراتلارینی یالنیز دینلمکله کیفایتلندی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.