تورکیه مطبوعاتی اؤزتی 20.02.2017
مولوت چاووش اوغلو، ترور تشکیلات‌لاری موباریزه ائدرکن باشقا بیر ترور تشکیلاتینی دستکلمه‌نین چوخ سهو اولاجاغینا ایشاره ائتدی
تورکیه مطبوعاتی اؤزتی 20.02.2017
حریت، "بیر-بیرلرینه سیلاح ساتیرلار"
آلمانیادا تشکیل ائدیلن 53ونجو اولوسلار آراسی مونیخ امنیت کونفرانسی چرچیوه‌سینده بیر پانل‌ده دانیشان خاریجی ایشلر ناظیری مولوت چاووش اوغلو، ترور تشکیلات‌لاری موباریزه ائدرکن باشقا بیر ترور تشکیلاتینی دستکلمه‌نین چوخ سهو اولاجاغینا ایشاره ائتدی. چاووش اوغلو، "بو، آمریکا-داکی بیر اوولکی رهبرلیگین ائتدیگی بیر سهو‌دیر. اونلار ی.پ.گ-یه سیلاح وئردی‌لر. پ.ک.ک او سیلاح‌لارین بعضی‌لرینی آلدی. داعش او سیلاح‌لارین بعضی‌لرینی اله کئچیردی. بون‌لار سیلاح‌لاری قارشی‌لیق‌لی دییشدیریرلر. داعش، ی.پ.گ و دیگر ترور تشکیلات‌لاری بیر-بیرلرینه سیلاح ساتیر. پ.ک.ک بو سیلاح‌لاری تورکیه‌دکی ترور سالدیری‌لاریندا ایستیفاده ائدیر. تورکیه، آمریکانین بیر موتتفیقی اما بو موباریزه‌ده باشقا بیر ترور تشکیلاتینا نیه بل باغ‌لانیر؟ "دئیه دانیشدی.
ایستار "ترورا قارشی راضیلاشما"
باش ناظیر بینا‌لی ییل‌دیریم ایله عراق کورد بؤلگه‌سل رهبرلیگی باشقانی مسعود بارزانی آلمانیانین مونیخ شهرینده بیر آرایا گلدی. گؤروشمه ده، بؤلگه‌دکی حادثه‌لر و ترورلا موباریزه موضوعلاری مذاکیره ائدیلیب. ترورلا موباریزه موضوعسون‌داکی دایانیق‌لی‌لیغی وورغولاندیغی گؤروشمه‌ده، ترور قروپ‌لاری‌نین بؤلگه‌ده یول آچدیغی تخریبات و ناراحات‌لیق اوزرینده دایانیلدی. باش ناظیر ییل‌دیریم، گؤروشمه‌ده، کووردیناسیونون اهمیتینی وورغولادی.
یئنی شفق "دمیریولونا یئرلی موتور"
تورکیه لوکوموتیو و موتورو صنایع آ.ش (تولومساش)، تیپ و گوجو اعتباریله تورکیه اوچون بیر ایلک اولما خصوصیتی داشییان 'TLM6V185 آدلی دیزئل موتورو اؤز موهندیس و ایشچیلریله اینکیشاف ائتدیرمگی باجاردی. اسکیشهیردکی فابریکی زیارت ائده‌رک یئرلی دیزئل موتورون تقدیمات مراسیمینه قاتیلان نقلیات دنیزچی‌لیک و خبذلشمه ناظیری احمد آرسلان، "یوکسک سرعت‌لی قاطار هم میلی هم ده یئرلی اولا‌راق شخصاً اؤزوموز دوزلده‌جییک. اؤلکه‌میزده ایستیفاده ائتمکله یئتینمه‌یه‌جگیک. اؤلکه‌میزدن قایناق‌لی، اولدوغوموز جوغرافیایا، حتی دونیانین هر یئرینه ایخراج ائدجگیک "دئدی.
خبرتورک "کؤرفزده 'جسور آتاک"
قوچ هولدینق اوتوکار ایله بیرلشمیش عرب امیرلیک‌لری‌نین مشهور یاتیریم شیرکت‌لرین‌دن توزون-ونتلاشلاریله قورولان الجسور شیرکتی، بیرلشمیش عرب امیرلیک‌لری سیلاح‌لی گوجلری ایله 661 میلیون دو‌لار دگرینده 8X8 تاکتیک تکرلی زیرئه‌لی واسطه موقاویله‌سی ایمضالادی. تورکیه ساوونما صنایعسی‌نین تک قلمده ان بؤیوک ایخراجات راضیلاشماسینا ایمضا آتدیق‌لارینی ایفاده ائدن قوچ هولدینق صدر معاوینی علی قوچ، "کؤرفز اؤلکه‌لرینه ایخراج ائتمکله قالمایا‌جاق، یئرلی اورتاغیمیزلا قوردوغوموز شیرکتیمیز الجسور ایله خاریجده اوره‌تیمه باشلایاجاغیق" دئدی.
صاباح "توریستیک دنیزآلتی"
آنتالیادا 1 آوریل‌دن اعتباراً خیدمت وئرمه‌یه باشلایا‌جاق 46 یولجو ظرفیت‌لو توریستیک دنیزآلتی 'نمو پریمرو ایلک دالیشینی رئاللاشدیردی. دنیزالتی‌نین باغلی اولدوغو شیرکتین باش دیرکتورو یونوس امره یاووزییغیت، توریستیک دنیزالتی‌نین 110 متر درین‌لیگه اینه‌بیلدیغینی ایفاده ائده‌رک، "دونیادا 7 اؤلکه‌ده ائدیلن بیر فعالیت. دنیزالتیمیزین مودرنیزاسیونو بیر ایل داوام ائتدی. ایکینجی دنیزآلتیمیزی 2018-جی ایلده فعالیته کئچیرمگی و اژه‌ده دنیزه ائندیرمگی دوشونوروک. سزون ایچینده 70 مین یئرلی و خاریجی توریستی سوالتینی کشفه چیخارماغی پلان‌لاش‌دیریریق. "دئدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
