تورکیه مطبوعاتی اؤزتی 06.02.2017
ترور تشکیلاتی داعش ایله ان تأثیرلی موباریزنی وئرن تورکیه، عملیاتلارینی سورعتلندیردی. ترور تشکیلاتینا سوریه و اؤلکهده آغیر ضربهلر وورولدو
تورکیه مطبوعاتی اؤزتی 06.02.2017
یئنی شفق: "داعشه ایچریده و دیشاریدا بؤیوک تمیزلیک: اؤلومجول ضربه"
ترور تشکیلاتی داعش ایله ان تأثیرلی موباریزنی وئرن تورکیه، عملیاتلارینی سورعتلندیردی. ترور تشکیلاتینا سوریه و اؤلکهده آغیر ضربهلر وورولدو. ایستانبول، آنکارا، ایزمیر و شانلیورفا باشدا اولماقلا 28 ایلده یوزلرله حوجره ائوی باسیلدی، 690 نفر نظارته آلیندی. سوریهده ایسه تشکیلاتین البابا "اوستانداری" تعیین ائتدیگی "ابو خالید اوردونی" اؤلدورولدو. باش قرارگاه باشقانی ژنرال خولوصی آکار دا، قارا و هاوا گوجلری قوموتانلاری ایله غازی آنتب و کیلیسدکی بیرلیکلرده آراشدیرما و نظارت بولوندو. ژنرال آکار، بؤلگهدکی قوموتانلیقلاردان فیرات قالخانی و ترورلا موباریزه حرکاتلارینا باغلی سون معلوماتلاری آلدی.
ایستار: "فیلیسطینده تورک یاتیریمجییا آچار تسلیم فابریک"
تورکیه قالخدیغی اقتصادی حرکتده ایسرائیل ایله آزاد تیجارت آنلاشماسینی گونجللیر. بو چرچیوهده فیلیسطینه ایستیخدام دا تامین ائدهجک جنین شهرینده تورک ایش آداملاری آچار تسلیم فابریکالار آلاراق، " Made in Filistin " مارکاسییلا اورهتیم ائدهجک. جنینده تکستیل و اکینچیلیک صنایع باشدا اولماقلا "قودس داشی ایشلمه، اکینچیلیک ماشینلاری، زیتون یاغی و درمان" ساحهلرینده اهمیتلی یاتیریملار پلانلاشدیریلیر. تورکیهنین اورقانیزه صنایع بؤلگهلرینه یؤنلیک ایشلرینین آردیندان اورتا آسیا، یاخین شرق و کؤرفز اؤلکهلری ده تورکیهنین صنایع بؤلگهسی ایشلتمه تجروبهسیندن ایستیفاده ائده بیلمک اوچون تورکیه اودالار و بورسالا بیرلیگینین قاپیسینی چالیر.
وطن: "صیفیردان رکوردا"
ایستانبولون 200ده 8،5 کیلومتر اوزونلوغوندا اولان متروسو، 2023-جو ایلده نیویورکدان سونرا دونیانین ان اوزون خطی اولاجاق. 17 ایل اوّل تقسیم-لئونت متروسو آچیلدیغیندا ایستانبول متروسو، نیویورک، پاریس، موسکوا کیمی شهرلرین هؤرومچک تورونا بنزهین مترو نقشه لریله قیاسلانیردی. ایندی تابلو دییشدی. 8.5 کیلومترلیک خط بو آندا 150 کیلومتره چیخدی. حال-حاضیردا 156 کیلومترلیک خطین تیکینتیسی داوام ائدیر. 2019دا ایستانبول 489 کیلومتر ریللی سیستم شبکهسیله اؤرولهجک. 2023 هدفی اولان 1000 کیلومترلیک ریللی سیستم خطی تاماملاندیغیندا ایستانبول، نیویورکدان سونرا ایکینجی اولاجاق.
خبر تورک: "وارلیق فوندونون خزانهسی دولتدن"
اکینچیلیک بانکی، بورسا ایستانبول (بیست)، تورکیه نفت آنونیم اورتاقلیغی (تپاو) و بورو خطلری ایله نفت داشیما شیرکتینین (بوتاش) دا آرالاریندا اولدوغو بعضی دولتی تشببوسلرینین حیسهلری وارلیق فوندونا تحویل وئریلدی. تورکیه وارلیق فوندو سؤز موضوعسو شیرکتلری، ناظیرلر کابینهسی طرفیندن تصدیقلنهجک ایستراتژی یاتیریم پلانی چرچیوهسینده ایداره ائدهجک. وارلیق فوندونون ایداره ائدهجک آدلار دا معین اولدو. فوندون ایداره، هیاتی رهبرلیک هیاتی باشقانی محمت بوستان، عضولر ییغیت بولوت، کرم آلکین، همت قاراداغ و اورال اردوغان میدانا گلیر.
صاباح: "آلمان د اشپیگل ژورنالی، سونوندا فتونو آنلادی"
سونوندا آلمانلار دا فتو گئرچگینی اعتراف ائتمک مجبوریتینده قالدی. آلمان د اشپیگل ژورنالی، سونوندا فتح اللهچی ترور تشکیلاتینین (فتو) نه قدر تهلوکهلی بیر تشکیلات اولدوغونا قناعت گتیردی. تورکیهده ماسکاسی دوشن فتو لیدری فتح الله گولنی، "شوبههلی شخص" اولاراق اعلان ائتدی، تشکیلاتی دا "حیلهچی اولاراق آدلاندیردی. ژورنال، ایللرجه دولت تشکیلاتلارینا سیزان فتوچولارین صاحب اولدوقلاری گوجو سوی ایستیفاده ائدیب اؤزلرینی سرمایهدار ائدیب اونلاری تنقید ائدنلری دئوره دیشی بوراخدیغینا دقت چکدی. و آلمانیاداکی فعالیتی اوچون ده خبردار ائتدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.