تورکیه مطبوعاتی اؤزتی 12.01.2017

تورکیه مطبوعاتی اؤزتی 12.01.2017

یئنی شفق: "آمریکا ترور تشکیلات‌لارینی مشروعلاشدیرماغی بوراخما‌لی"

پرزیدنت سؤزچوسو ایبراهیم قالین، آمریکانین ترور تشکیلات‌لارینی مشرولاشدیرما تلاشلارینی دایاندیرماسی لازیم اولدوغونو ایفاده ائتدی.  توییتر حسابین‌دان آچیقلاما ائدن ایبراهیم قالین، آمریکا مرکزی گوجلر قوموتان‌‌لیغی‌نین/ CENTCOMون اجتماعی مئدیا حسابی توییتر، پ.ی.د / ی.پ.گ-نین خائین بؤلوچو ترور تشکیلاتی پ.ک.ک ایله باغلانتیسی‌‌نین اولمادیغینی ادعا ائدن آچیقلاماسینا اعتراض گؤستردی. آمریکا مرکزی گوج‌لر قوموتان‌‌لیغی‌نین بو پایلاشماسی‌نین ترور تشکیلاتینی دایان‌دیرماق یئرینه مشروعلاشدیردیغینی وورغولایان قالین، "بو بیر زارافات می یوخسا CENTCOM منتیقینی می ایتیردی؟ حقیقتن کیمسه‌نین بونا ایناناجاغینی دوشونورسونوزمو؟ آمریکا، ترور قروپ‌لارینی مشروعلاشدیرما ایشینی بوراخما‌لی "ایفاده‌لرینی ایستیفاده ائتدی.

خبرتورک: "فتو، پ.ک.ک و داعش کشفیات دستگی وئریر"

سفیرلر کونفرانسیندا دانیشان ایچ ایشلر ناظیری سلیمان سوی‌لو، فتح الله‌چی ترور تشکیلاتی فتونون دیگر ترور تشکیلات‌لاری پ.ک.ک و داعش کشفیات و حرکت دستگی تامین ائتدیگینی سؤیله‌دی. 15 ژوئیه کودتا تلاشی اؤنجه‌سی فتو طرفین‌دن پ.ک.ک-نی 'وورمایا حاضیرلانان عسگره قارشی حرکت ائتمیین تعلیماتی وئریلدیگینی ایفاده ائدن سویلو، بونون توک‌لر اورپردن بیر امکداشلیغین دلیلی اولدوغونو وورغولادی. سویلو، فتو، پ.ک.ک و داعشین اولوسلار آراسی باغلانتی‌لاری اولان تشکیلات‌لار اولدوق‌لارینی ایفاده ائتدی. فتونون چوخ حیله‌گر بیر تشکیلات اولدوغونو ایفاده ائدن سویلو آوروپانین بو تشکیلاتی کیفایت قدر تانیمادیغینی ایفاده ائتدی.

ایستار: "بیزی بیر-بیریمیزه سالا بیلمز"

پرزیدنتی رجب طیب اردوغانین حیات یولداشی امینه اردوغان، سفیر یولداشلارییلا گونورتا یئمگینده بیر آرایا گلدی. امینه اردوغان، بورا‌داکی چیخیشیندا ترور سالدیری‌لاری‌نین آرخا پلانیندا توپلومو بیر-بیرینه دوشورمه نین و آیریشدیرمانین یاتدیغینی ایفاده ائتدی. بیرلیک و برابرلیک مساژی وئرن امینه اردوغان، 'تورکیه آرتیق اسکی تورکیه دئییل. میلتیمیز، حیات فورما‌لاری، اتنیک و اینانج فرق‌لری کیمی سبب‌لرله آیریشدیریلاماز، بیر-بیرینه دوشوروله‌مز. بیز بوتون فرق‌لیلیک‌لریمیزل بیر و بوتون اولدوغوموزا اینانیریق. بو بیرلیگی گوجلن‌دیرمک اوچون ده الیمیزدن گلنی ائدجگیک. " دئدی. غرب اؤلکه‌لری‌نین فتونون 15 ژوئیه کودتا گیریشیمینده تورک میلتی‌نین بؤیوک دموکراسی موباریزه‌سینی گؤرممگی اوستون ائتدیگینی وورغولایان امینه اردوغان، "سؤز موضوعسو تورکیه اولونجا، نیظامی کودتا گیریشیمی، هدفلی اولا‌راق چارپیتیلدی، اوسته‌لیک فاعل‌لری قوروندو." دئدی.

صاباح: "بی.بی.سی موخبیری: تورکیه، لندن‌دن داها امنیتلی"

سون زامان‌لاردا تورکیه علیه‌ین‌دکی خبرلریله چوخ مذاکیره ائدیلن اینگیلتره مرکزلی بی.بی.سی تلویزیونون خیبره موخبیری و سونوجوسو میشل بورک، اؤزونو تورکیه‌ده لندن‌ده اولدوغون‌دان داها امنیتلی اولدوغونو حیس ائتدیگینی سؤیله‌دی. اوزون ایللر بی.بی.سی-نین خاریجی مخابیرلیغی ائدن مشهور ژورنالیست، ترور حادثه‌لری‌نین دونیانین هر یئرینده یاشانان شئی‌لر اولدوغونو ایفاده ائتدی. تورکیه حیرانی اولدوغونو سؤیله‌ین بورک، "تورکیه‌ده یئلکن‌لیم وار. 25 ایلدیر گؤجک و تورکیه‌نین آغ دنیزی ساحل‌لرینده یئلکن ائدیرم. تانیش اولدوغوم هر کسه تورکیه‌یه گئتمه‌سینی سؤیله‌ییرم" دئیه دانیشدی.

وطن: "تورک هاوا یول‌لار  2016،دا 62.8 میلیون یولجونو اوچوردو"

تورک هاوا یول‌لاری‌نین یولجو ساییسی 2016دا یوزده 2.5 آرتیم گؤستردی. آرتیم ایچ خط‌لرده یوزده 3.8، خاریجی خط‌لرده یوزده 1.5 اولا‌راق رئال‌لاشدی. تورک هاوا یول‌لاری‌نین دولولوق نیسبتی ده یوزده 74،6 اولدو. شیرکت بئله‌جه هدفی اولان یوزده 72-74 آراسین‌داکی دولولوق نیسبتینی کئچدی. تورک هاوا یول‌لاری‌نین 2015-جی ایلده 284 اولان اوچولان شهر ساییسی 2016-جی ایلین سونوندا 295ه یوکسلدی. شیرکتین 299 عدد اولان اوچاق ساییسی دا 334ه چیخدی.