تورکیه مطبوعاتی اؤزتی 13.12.2016
خبرتورک: "کیم دوست کیم دوشمن گؤرمک ایستییریک"
تورکیه مطبوعاتی اؤزتی 13.12.2016
صاباح: "ظالما، تروریسته مرحمت ائتمیین"
تورکیه پرزیدنتی رجب طیب اردوغان، ایستانبولداکی ترور سالدیریسی سونراسی چئویک قوّت شعبه مودیرلیگی زیارتی اثناسیندا پولیس مامورلارینا خیطاب ائده‌رک، 'سیزه وئریلمیش اولان حاق‌لاری قطعی‌لیکله ترورلا موباریزه‌ده ایستیفاده‌دن چکینمیین. بو حاقینیزی ایستیفاده ائدین. اگر ظالیما مرحمت ائتسه‌نیز، مظلوما خیانت ائتمیش اولارسینیز. اصلا ظالیما هله هله تروریسته مرحمت ائتمیین، گریی نیسه اونو ائدین 'دئدی. دولت اولا‌راق هر زامان امنیت گوجلری‌نین یانیندا اولا‌جاق‌لارینی ایفاده ائدن اردوغان، سون دؤورلردکی ترور حرکت‌لرینی ایمپریالیست گوجلرین تورکیه‌ینی پارچالاماغا یؤنلیک آددیم‌لاری اولا‌راق خاراکتریزه ائده‌رک، "تورکیه‌نین و تورکون گوجلنمه‌سینه اصلا بون‌لارین دؤزومو یوخدور. بون‌دان چوخ ناراحات‌دیرلار. ایستدیک‌لری قدر دؤزوم ائتسین‌لر یا دا ائتمه‌سین‌لر بیزیم بونا ایمانیمیز وار. بو اؤلکه تاریخده اولدوغو کیمی گوجلو یئرینه یئنی‌دن اوتورا‌جاق‌دیر. 'دئدی.
خبرتورک: "کیم دوست کیم دوشمن گؤرمک ایستییریک"
ایستانبولدا خائین سالدیرینی بوینونا گؤتورن ترور تشکیلاتی پ.ک.ک-نین آوروپا اؤلکه‌لری طرفین‌دن قورونوب قوللانماسینا اعتراض گؤسترن باش ناظیر کؤمکچی‌سی نومان کورتولموش، 'هر حالدا ترور تشکیلات‌لاری سیلاح‌لاری بازاردان آلمیر. پ.ک.ک-نین آوروپا‌داکی فعالیت‌لرینی محدودلاش‌دیرا‌جاق بیر یاناشما ایستییریک 'دئدی. حال-حاضیردا بئله هله آوروپادا پ.ک.ک-نین بیر چوخ اؤلکه‌ده فعالیت تاپیلدیغی‌نین هر کسین معلومو اولدوغونو ایفاده ائدن کورتولموش، 'تشکیلات طرفدارلاری پ.ک.ک-یا قارشی اولان تورک وطنداش‌لارینا تضییق‌لره قدر هر حرکتی ائتمکده‌دیرلر.' دئدی. کورتولموش، آوروپا اؤلکه‌لری‌نین ترورلا موباریزه‌ده صمیمی اولما‌لاری‌نین لازیم اولدوغونو ایفاده ائده‌رک، 'آرتیق یئتر، یالنیز سؤزله دئییل، تطبیقده ده ترورلا موباریزه‌ده تورکیه‌نین یانیندا اولدوق‌لارینی گؤسترمه‌لری لازیم دئدی.
ایستار: "آوروپا بیرلیگی اسپیکری‌نین جوابلایامادیغی سوال"
آوروپا بیرلیگی کومیسیونون باش سؤزجو معاوینی آلکساندر وینتر اشتاین، بیر ژورنالیستین، "پ.ک.ک-نین اوروپا بیرلیگی ترور تشکیلات‌لاری لیسته سینده اولدوغو گؤز قارشی‌سیندا اولدوقدا، آوروپا بیرلیگی عضوو اؤلکه‌لری، پ.ک.ک-نین حرکت‌لرینه قارشی کونکرئت جواب وئرمه‌یه چاغیریر بیلیرسینیزمی؟" سوالینا جواب وئرمه‌دی. بو پروبلمین آوروپا بیرلیگی سیاسی لیدرلرینه یؤنلدیلمه‌سی لازیم اولدوغونو ایضاح ائدن وینتر اشتاین، آوروپا بیرلیگی -نین رسمی آچیقلاما‌لاریندا "ترور" سؤزونون یئر آلدیغینی ساووندو. وینتر اشتاین، آوروپا بیرلیگی رسمی‌لری‌نین ترورچولارلا گؤروشمه‌لریله باغلی دا " آوروپا بیرلیگی کومیسیونونون پ.ک.ک و ترورلا موباریزه‌سی آچیقجا اورتادا" دئمکله کیفایتلندی.
یئنی شفق: "آمریکا، پ.ک.ک-یا یئنه سیلاح وئردی"
آمریکا ایستانبولداکی آلچاق سالدیری‌لاردا 44 نفری شهید ائدن ترور تشکیلاتی پ.ک.ک-یا چوخ سیلاح داشینماسی ائدیر. سوریه‌ده پ.ک.ک / پ.ی.د کونترولون‌داکی کوبانی (عین عرب) ریمئیلان، قامیش‌لی و عین عیسی بؤلگه‌لرینه یئنه هاوا‌دان وررولدو. پ.ی.د-لیلرین' کیچیک بیر اوردو قورولور اعترافیندا اولدوغو مهمات ایچینده اوچاق ساوارلار دا وار. آمریکانین بؤلگه‌یه داها اوّل ائتدیگی یاردیم‌لارین بیر بؤلومونون ترور تشکیلاتی داعشه گئتدیگی ده اورتایا چیخمیشدی.
وطن: "ایقتیصاد اوچون تدبیر آلیندی"
باش ناظیر معاوینی محمت شیمشک، قلوبال تیجارتده ضعیفلمه، اینکیشاف ائتمکده اولان اؤلکه‌لره سرمایه آخیشیندا آزالما و ژئوسیاسی گرگین‌لیک‌لر ایقتیصادی بؤیومه اوزرینده بیر میقدار منفی تأثیر ائتدیگینی ایفاده ائده‌رک، ایقتیصاد اوچون لازیم‌لی تدبیرلرین آلیندیغینی سؤیله‌دی. مالیه ناظیری ناجی آغبال دا بو ایلین سون گئیرنگینده اؤنجو گؤستریجی‌لرین ایقتیصادا باغلی مثبت سیگنال‌لار وئردیگینی ایفاده ائده‌رک، 'آلدیغیمیز تدبیرلر حیاتا کئچیریله‌جک. آلت یاپی اصلاحات‌لار ایله خاریجی شرایط میدانا گله‌جک مثبت اینکیشاف‌لار 2017ده بؤیومه‌نین سورعتلنمه‌سینی دستکله‌یه‌جک 'دئدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
