تورکیه مطبوعاتی اؤزتی 05.12.2016
چاووش اوغلو:" خاریجی سیاستده آلترناتیفیمیزین چوخ اولماسی لازیم "
تورکیه مطبوعاتی اؤزتی 05.12.2016
ایستار: "اؤز اویونوموزو اوینایاجاغیق"
کایسئریده عمومی یاتیریم اوزی 587 میلیون لیره چاتان 30 اثرین و خیدمتین توپلو آچیلیشینی ائدن پرزیدنت رجب طیب اردوغان، روسیا، چین و ایران ایله ائدیلهجک آلوئرلر یئرلی پولون ایستیفاده ائدیلمهسی اوچون دانیشیقلار ائتدیکلرینی ایفاده ائدهرک، "اویونلار قارشیسیندا اؤز اویونوموزو اویناجاغی" دئدی. باش ناظیر بینالی ییلدیریمین روسیایا گئدهجگینی، او بؤلگهده دانیشیقلارینین اولاجاغینی بیلدیرن پرزیدنت اردوغان، "اورالارلا تیجارتیمیزی یئرلی پوللا ائتمهنین آددیملارینی آتاجاغیق. یعنی اونلاردان بیر شئی آلیرساق اونلارین پولویلا، اونلار بیزدن آلارکن بیزیم پارامیزلا آلوئر ائدهجکلر. مرکز بانکامیزا تعلیماتی وئردیک. اونون اوچون بو اویونلار توتمایاجاق "ایفادهلرینی ایستیفاده ائتدی. خالقین یاستیق آلتینداکی دولارلارینی تورک لیرهسینه چئویرمه چاغیریشینی دا تکرارلایان پرزیدنت اردوغان، "بیزیم تورک لیرامیز برکتلیدیر. قارشیلیقسیز پول باسیرلار، بیز قارشیلیقسیز پول باسمیریق. اونون اوچون منیم میللتیم بورادا درحال 3-4 گون ایچریسینده یاستیغینین آلتیندا نه وار، نه یوخ تورک لیرهسینه چئویرمهیه باشلادی. "دئدی.
وطن: "چاووش اوغلو:" خاریجی سیاستده آلترناتیفیمیزین چوخ اولماسی لازیم "
خاریجی ایشلر ناظیری مولوت چاووش اوغلو، لبنان سفرینی ایزلهین ژورنالیستلرین سواللارینی جوابلاندیرارکن، "شانگهای امکداشلیق تشکیلاتی" دارتیشمالارییلا باغلی "هدف چوخ یؤنلو خاریجی سیاست. آلترناتیفینیزین هر زامان چوخ اولماسی لازیم "ایفادهلرینی ایستیفاده ائتدی. بیر طرفه محتاج اولونماماسی لازیم اولدوغونو وورغولایان چاووش اوغلو، آوروپا بیرلیگینی اؤرنک گؤستردی. چاووش اوغلو، بیرلیگین ایللردی ائتدیغی اویالاما تاکتیغینین قبول ائدیله بیلمز اولدوغونا وورغو ائتدی. تورکیهنین آسیا ایله یاخین شرق ایله باغلاری نه قدر گوجلو اولسا، آوروپا بیرلیگینده ده گوجونو داها دا آرتیراجاغینی وورغولایان چاووشوغلو، "آوروپادا بیز نه قدر گوجلو اولساق، یاخین شرقده ده الیمیز داها گوجلو اولور. اونا گؤره چوخ یؤنلو خاریجی سیاست. "دئدی. آمریکا باشقانی سئچیلن دونالد ترامپی دا قیمتلندیرن چاووش اوغلو،" من باشیندان بری ترامپین قازانماسینی گؤزلییردیم. پراقماتیک بیر اینسان. کادروسونداکی اینسانلاری دا تانیییریق. ایش بیرلیگی ائده بیلجگیمیز اینسانلار اولدوغونو دا دوشونوروک. بیر چوخ موضوعداکی فیکیرلریمیز ده اوست-اوسته دوشور. ترورلا موباریزهده، یئنی حکومتین بیزیم کیمی، هئچ بیر آیریم ائتمهدن ترورلا موباریزه ائدیلمهسی لازیم اولدوغونا ایناندیغینی بیلیرم. "دئدی.
صاباح: "روس اوچاغینی وور امری (فتح اللهجی ترور تشکیلاتی) فتوجو سرهنگدن"
روسیا علملر آکادمیسی شرقشوناسلیق انستیتوسو آراشدیرما وظیفهلیسی روسلان قوربانوو، "24 نوامبر 2015-جی ایلده سوریه مرزینده سالینان روس اوچاغی سوخو-24 جتینی سالما امرینی باغلی بونلاری سؤیلهدی:" 24 نوامبردا روس اوچاغینی کیم سالدی؟ کیم بو امری وئردی؟ بو تعلیماتی نه پرزیدنت، نه ده باش ناظیر وئردی. بو تعلیماتی اینجیرلیک پایگاهیندا نؤوبتچی اولان بیر سرهنگ وئردی. عملی اولاراق دا بو سرهنگ فتح الله گولنین آدامی ایدی. فتو عملده سیانین بیر آژان شبکهسی. اون ایللردیر دولته سیزدیلار. فتح الله گولنین آمریکادا اوتورما ایجازهسی آلماسینا سیا آژانلاری کؤمکچی اولدو. کودتا گیریشیمی زامانی دا اینجیرلیک نیظامی پایگاهی، "ترووا آتی" وظیفهسی ائتدی. روسیا و تورکیهنین آراسینی پوزماغا چالیشدیلار. "دئدی.
حریت: "تورکیهده چیخاریلان هیبریته بؤیوک ماراق"
تورکیهده چیخاریلان ایلک هیبریت ماشین اولان تویوتا C-HR ماراق چوخ بؤیوک اؤلچولره چاتدی. 15 نوامبردا ساتیشینا باشلانان تویوتا C-HR، 2 هفتهده 1.016 عددلیک ساتیش رئاللاشدیردی و سیرا یازماغا باشلادی. تویوتانین اجتماعی مئدیا حسابلارینا تویوتا C-HR ایله باغلی معلومات آلماق اوچون مراجعت ائدنلرین ساییسیندا دا سانکی پارتلاما یاشاندی. تورکیهدکی 57 تویوتا پلازادا عینی گون و ساعتدا رئاللاشدیریلان تویوتا C-HR تقدیمات و چاتدیریلما مراسیملری زامانی فیسبوک اوزریندن ائدیلن جانلی یایینی عینی آندا 95 مین 434 نفر ایزلهدی. لاونجه تاریخی اولان 15 نوامبردا تویوتا C-HR ایله باغلی وب سایتیندان معلومات آلماق ایستهینلرین ساییسی دا 150 مین 301-ه چاتاراق تاریخینین رکوردونو قیردی.
خبرتورک: "ان یاخشیلار تورک و نیجریهلی"
29. Best Model of the World یاریشماسینین فینالی اوّلکی آخشام ایستانبولدا ائدیلدی. ائجه گورسلین تقدیم ائتدیگی گئجهده منصیف مقامیندا ایسه آرالاریندا ییلدیریم مایروک، گونگؤر بایراک، لئوون کوردونجیان، شنای آکای، توغچه ساریکایا، گونای موسایئوانین دا اولدوغو مشهور آدلار اوتوردو. 20 قادین و 20 کیشی مودئلین دونیانین ان یاخشی مودئلی اولماق اوچون یاریشدیغی 29. Best Model of the World کیشیلرده تورکیهنی تمثیل ائدن اونور سیّد یاران، قادینلاردا ایسه نیجریهلی ژوی آکپوکینووو بیرینجی اولدو.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.