تورکیه مطبوعاتی اؤزتی 01.12.2016
تورکیه بازارلارینا فینانس‌سال درین‌لیک گتیره‌بیلمک آدینا حرکته کئچیلدی
تورکیه مطبوعاتی اؤزتی 01.12.2016
صاباح: "عباسدا اردوغانا اذان تشککورو
پرئزیدئنت اردوغان، فیلیسطین دولت باشقانی محمود عباس ایله دونن بیر تلفون گؤروشمه‌سی ائتدی. پرزیدنت قایناقلاریندان الده ائدیلن معلوماتا گؤره پرزیدنت اردوغان، عباسی، الفتح‌ین 7. کونگره‌سینده دونن کئچیریلن سئچیم‌لرده یئنی‌دن پرزیدنت سئچیلمه‌سین‌دن اؤتری تبریک ائتدی. اردوغانین ایسرائیلده اذانین هوپارلؤرله قاداغان ائدیلمه‌سینی نظرده توتان قانون لاییحه‌سینه باغلی ایله قایغی‌لارینی دیله گتیردیگی، عباسین ایسه حساس‌لیغی سببیله اردوغانا تشککور ائتدیگی اؤیرنیلدی. دیگر طرف‌دن، ایسرائیل پارلامنتی کنسئت‌ده، اذانین هوپارلؤرله اوخونماسینی قاداغان ائتمگی نظرده توتان قانون لاییحه‌‌سی ایله باغلی دونن ائدیلمه‌سی گؤزلنیلن سسوئرمه تاخیره سالیندی. عرب اصیل‌لی میلت وکیلی جمال زاهالکا "ساغچی ایسرائیل‌لی‌لرین اذانا قارشی اولماسی‌نین سببی سس سویه‌سی‌نین یوکسک‌لیگی فیلان دئییل، اؤزلوگونده اونون مزمونودور" دئدی.
یئنی شفق: "تورک یاتیریمجییا سود آسان‌لیغی
ایقتیصاد ناظیری نیهات زیبکجی‌نین ده قاتیلدیغی تورکیه-سعودی عربیستانی ایش شوراسی اورتاق ییغینجاغیندا تورک و سعودی شیرکت‌لر آراسیندا 8 فرق‌لی راضیلاشما زاپتینا ایمضا آتیلدی. سعودی عربیستانی تیجارت و یاتیریم ناظیری ماجد بن عبدالله الکاسب، خاریجی ایقتیصادی ایلیشگیلر شوراسی طرفین‌دن ایستانبولدا تشکیل ائدیلن توپلانتیدا، "یاتیریم علاقه‌لریمیزین آرتماسی اوچون سعودی عربیستانیدا ناظیرلیک‌لر و دیگر قوروملارداکی بوتون ایمکان‌لاریمیزی سفربر ائده‌جگیک" دئدی. سعودی باخان کاسب، تورک ایش آدام‌لارینا وئریلن تیجارت ویزاسینی باغلی ده، "تورک ایش آدام‌لاری‌نین ویزا عملیات‌لاری چوخ سرعت‌لی شکیلده ائدیله‌جک و بو ویزا‌لار چوخ گیریش‌لی اولا‌جاق. "دئدی.
وطن: "100 میلیارد یورولوک بازار"
تورکیه بازارلارینا فینانس‌سال درین‌لیک گتیره‌بیلمک آدینا حرکته کئچیلدی. تورکیه‌نین اولوسلار آراسی بازارلاردا 100 میلیارد یورویا چاتان مبلغده یوروباندینین اولدوغونو بیل‌دیرن خزانه موشاویرلیگی‌نین مسئول‌لاری، یوروباندلارین بورسا ایستانبولدا عملیات گؤرمه‌یه باشلاماسییلا بوسانین بازار بؤیوک‌لوگونون 2-یه دؤزجگینی ایفاده ائتدیلر. خزانه موشاویرلیگی‌نین مسئول‌لارینا گؤره، یوروباندلار بانکلارآراسی بازارلاردا عملیات گؤرمه‌یه داوام ائده‌جک. خاریجه ایخراج ائدیلن سوکوک‌لار دا بورسا ایستانبولدا عملیات گؤره‌جک.
خبر تورک: "تورک هاوا یوللاری یازین پوکت اوچا‌جاق"
تورک هاوا یوللاری، گله‌جک ایل تایلندین دونیا طرفین‌دن مشهور توریزم آداسی پوکت سفرلره باشلایا‌جاق. 17 ژوئیه 2017 تاریخینده باشلایا‌جاق سفرلر شیرکتین فیلوسونداکی ایرباس 330-300 تیپ‌لی اوچاقلارله هفته‌ده 4 گون ائدیله‌جک. بازار ارته‌سی، جمعه آخشامی، شنبه و بازار گون‌لری گونورتا ساعت 14.30 ایستانبول آتاتورک هاوالیمانین‌دان قالخاجاق تییاره یئرلی واختلا ساعت 04.00ده پوکت‌ه چاتا‌جاق. یولجولار پوکت آچیلیشا اؤزل هر شئی داخیل 599 دو‌لاردان باشلایان قیمت‌لرله سیاحت ائتمه ایمکانینا صاحب اولا بیله‌جک. آمریکا قاره‌سین‌دکی اوچوش شبکه‌سینی ده گئنیشلندیرمگی داوام ائتدیرن تورک هاوا یوللاری، بیر مدت‌دیر گؤزلنیلن کوبانین باشکندی هاوانا و ونزوئلانین باشکندی کاراکاس سفرلرینی ده 20 دسامبر 2016دا باشلایا‌جاق.
حریت: "آسیا-ساکیت یاردیمجیلیغا داوام"
تورکیه اودا‌لار و بورسلار بیرلیگی(TOBB) باشقانی ریفات حیصارجیکلی اوغلو، آسیا-ساکیت اوقایون تیجارت و صنایع اودا‌لاری کونفدراسیونونون (CACCI) باشقان کؤمکچی‌سی وظیفه‌سینه کونفدراسیونون تایوان‌دا ائدیلن کونفرانسیندا یئنی‌دن سئچیلدی. بو وظیفه‌نی 2 ایلدیر داوام ائتدیرن تورکیه اودا‌لار و بورسلار بیرلیگی باشقانی حیصارجیکلی اوغلو، "اؤلکه‌میزین بایراغینی، اولوسلار آراسی تیجارت اوداسیندا، آوروپادا، آمریکادا، 57 ایسلام امکداش‌لیق تشکیلاتی عضوو اؤلکه‌ده و آسیا-ساکیت اوقیانوس بؤلگه‌سینده دالغالاندیرماقدان غورور دویوروق. ایش دونیامیزی هر یئرده تمثیل ائتمه تلاشی ایچیندییک "دئدی. آسیا-ساکیت اوقایون تیجارت و صنایع اودا‌لاری کونفدراسیونونون باشقانی جمال اینایشوی‌لی ده پرزیدنت وظیفه‌سینه داوام ائده‌جک.
یوروباند: دولت و یا شیرکت‌لرین، اؤز اؤلکه‌لری خاریجینده قایناق تامین ائتمک مقصدی ایله، اولوسلار آراسی بازارلاردا خاریجی پول واحیدلری اوزرین‌دن ساتیشا تقدیم ائتدیک‌لری، عمومیتله اوزون مدت‌لی بورج واسطه‌سی‌دیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
