تورکیه مطبوعاتی اؤزتی 28.11.2016
ایسرائیلده 22 نوامبردا چیخان و بوتون اؤلکهیه یاییلان یانقینلار، آرالاریندا تورکیهنین ده اولدوغو چوخ سایدا اؤلکهنین کؤمکلریله کونترول آلتینا آلیندی
![تورکیه مطبوعاتی اؤزتی 28.11.2016](http://cdn.trt.net.tr/images/xlarge/rectangle/1bde/c41c/f61f/583bc80594d64.jpg?time=1718967619)
تورکیه مطبوعاتی اؤزتی 28.11.2016
وطن: "تشککورلر تورکیه"
ایسرائیلده 22 نوامبردا چیخان و بوتون اؤلکهیه یاییلان یانقینلار، آرالاریندا تورکیهنین ده اولدوغو چوخ سایدا اؤلکهنین کؤمکلریله کونترول آلتینا آلیندی. ایسرائیل باش ناظیر بنیامین نتانیاهو، یانقینلارا مداخیله اوچون گؤندریلن خاریجی اوچاقلارین قونوشلاندیغی هاتزور هاوا آلانینا گئدهرک، خلبانلارلا گؤروشدو. مسئوللاردان ایشلرله باغلی معلومات آلان نتانیاهو، تورک هاوا تشکیلاتینین ' آتش ساواشچیلاری آدلی یانقین سؤندورمه قروپوندا وظیفهلی خلبانلارلا صحبت ائتدیکدن سونرا، تورک اوچاغینین قارشیسیندا بیر مطبوعات کونفرانسی تشکیل ائدهرک، ایشلره دستک وئرن بوتون خاریجی اکیپلره تشککور ائتدی. ایسرائیل پرزیدنتی روون ریولین ده، تورکیهنین ایسرائیله گؤندردیگی یانقین سؤندورمه اوچاقلاری اوچون دونن پرزیدنتی رجب طیب اردوغانا تلفون ائدهرک تشککورلرینی چاتدیردی. تورکیه، داها اوّل ده ایسرائیله بنزر بیر کؤمک ائتمیشدی. کارمل داغلاریندا 2010-جو ایلده چیخان و قیسا مدتده بؤیوک بیر بؤلگهنی تأثیری آلتینا آلان مئشه یانقینلارینا مداخیله اوچون آنکارادا 2 سؤندورمه اوچاغی گؤندریلمیشدی.
خبر تورک: "دیوارلارین آرخاسینی گؤرور!"
تورک موهندیسلر، یورد خاریجینده امنیت گوجلرین طرفیندن عملیات و گیروو قورتارمادا تئز-تئز ایستیفاده ائدیلن و دیوار آرخاسیندا جانلی وارلیغینا باغلی معلومات وئرن راداری یئرلی اولاراق اورهتدی. سؤز موضوعسو محصولون بنزرلری، یورد خاریجینده امنیت گوجلرین طرفیندن عملیات و گیروو قورتارمادا تئز-تئز ایستیفاده ائدیلیر. بو سیستملر، گؤزله تماس ایمکانی اولمایان، اوپتیک سنسورلارلا معلوماتلارین توپلانامایان، آرادا دیوار کیمی بیر مانعنین اولدوغو وضعیتلرده آرخاداکی جانلی وارلیغینی تعیین تامین ائدیر.
صاباح: "ترامپدان ایکی گؤزلمه"
باش ناظیر کؤمکچیسی نومان کورتولموش، آمریکانین 8 نوامبرداکی پرزیدنت سئچیمینین غالیبی یئنی باشقانی دونالد ترامپین تورکیه ایرتیباطلاریندا قوراجاغی یئنی دؤوردن اومیدلی اولدوغونو دیله گتیردی. نومان کورتولموش، "آمریکانین یئنی رهبرلیگیندن گؤزلهدیغیمیز، 78 میلیونلوق تورکیه خالقینین گؤزلهدیغینه جواب وئرهرک فتح اللهچی ترور تشکیلاتینین (فتو) چته باشیسی فتح الله گولنین گئری ائتمهسی و سوریهنین قوزئیینده بؤلوچو ترور تشکیلاتی پ.ک.ک-نین سوریه داوامی پ.ی.د ایله اولان ایرتیباطلارینی یئنیدن نظردن کئچیرمهسی. من شخصاً اومیدلییم "دئدی.
یئنی شفق: "امکداشلیق فرق یارادار"
خاریجی ایشلر ناظیری مولوت چاووش اوغلو، تهران سفرینده ایران پرزیدنتی حسن روحانی ایله گؤروشدو. روحانی، سوریه ایله عراقدا ثابیتلیگین تاسیس ائدیلمهسی اوچون تورکیه ایله داها چوخ امکداشلیق ائدیلمهسی لازیم اولدوغونو سؤیلهدی. روحانی، "بو گون بؤلگهمیزده کریتیک بیر وضعیت یاشانیر. پروبلملرین حلّینده تهران و آنکارانین امکداشلیق و ایستیشارهسی فرق یارادا بیلر "دئدی. چاووش اوغلو دا، ایکی اؤلکهنین بیرلیگینین قورونماسینین بؤلگه سل باریش و ثابیتلیگین منفعتینه اولدوغونو ایفاده ائتدی.
حریت: "ایتالیادا صحنهده"
اویونچو سررا ییلماز، " La bartarda di İstanbul" آدلی اویونو ایتالیادا یئنیدن صحنهلنمگه حاضیرلانیر. فوریه آییندا پرده آچاجاق اویونون هیجانینی یاشایان اویونچو، ایتالیادا مختلیف یئرلره آسیلان آفیشالارینین فوتوشکیللرینی اینستاگرامدا پایلاشدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718967619)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.