تورکیه مطبوعاتی اؤزتی 08.11.2016
رقهنی آلما مرحلهسینه تورکیهسیز کئچمیهجگیک
![تورکیه مطبوعاتی اؤزتی 08.11.2016](http://cdn.trt.net.tr/images/xlarge/rectangle/a6f5/c449/5fa2/58216c4e784a7.jpg?time=1718830739)
تورکیه مطبوعاتی اؤزتی 08.11.2016
صاباح: "آدرسینیزی بیلیریک"
تورکیه پرزیدنتی رجب طیب اردوغان، پرزیدنت کوللیهسینده رئاللاشدیریلان الکتریک سانترالی توپلو آچیلیش مراسیمینده ائتدیگی دانیشمادا، تورکیهنین دینجلیک و امنیتینه نظرده توتان ترور تشکیلاتی پ.ک.ک، داعش، فتو، د.ه.ک.پ-ج کیمی تشکیلاتلارین اوچ بئش تروریستدن عبارت اولمادیغینی، بونلارین هامیسینین آرخاسیندا فرقلی اؤلکهلر، فرقلی دستکلییر و فرقلی پروژهلر اولدوغونو قید ائتدی. پرزیدنت اردوغان، "ایستهسهنیز ده ایستمهسهنیز ده بیز معاصیر مدنیتلر سویهسینه چیخاجاغیق. غرب دونیاسی ایستدیگی قدر تروریستلری اؤلکهلرینده باریندیرسینلار. بیزی چتینلیگه سوخماق اوچون تروریستلره قوجاق آچانلارا سسلنیرم. آرتیق ساخلاناجاق وضعیتده دئییلسینیز. پ.ی.د / ی.پ.گ ترور تشکیلاتی پ.ک.ک-نین یان منسوبودور. داعشی بیر ترور تشکیلاتی ایله یوخ ائدهجهیم دئییرسینیز. بونو دونیادا کیمسه یئمز. بیزیم ایکی گؤزوموزو چیخارماق ایستهینلر یالنیز اؤز گؤزونو ایتیرهجک. "دئدی.
خبر تورک: "رقهنی آلما مرحلهسینه تورکیهسیز کئچمیهجگیک"
باش قرارگاه باشقانی ژنرال حولوصی آکار ایله آمریکا باش قرارگاه باشقانی ژنرال ژوزف دانفوردون اوّلکی گون آنکارادا رئاللاشدیردیغی کریتیک گؤروشون دئتاللارینی آمریکا ساوونما ناظیرلیگی پنتاگون آچیقلادی. پنتاگونون رسمی سایتیندا ائدیلن آچیقلامادا، "آمریکالی و تورک نیظامی مسئوللار، سوریهده ترور تشکیلاتی داعشه قارشی تشکیل ائدیلن عملیاتلا باغلی اوزون مدتلی بیر پلان موضوعسوندا راضیلاشدی" دئییلدی. دانفورد دا، آنکارا زیارتی سونراسی ائتدیگی آچیقلامادا، "رقهنین آلینماسی مرحلهسینه تورکلر اولمادان کئچمهیهجگیک، اونلار عملیاتدا دوغرو گوجلری بلیرلمهده کؤمکچی اولاجاق" ایفادهسینی قولللاندی. دانفورد، موصول موضوعسوندا دا امکداشلیق پلانینین گوندمه گلدیگینی سؤیلهدی.
یئنی شفق: "700 شیرکت بو سرگیده"
موستقیل صنایعچی و ایش آداملاری درنکینین (موسیاد) بو ایل 16نجیسینی تشکیل موسیاد اکسپو صاباح پرزیدنتی رجب طیب اردوغانین قاتیلیملاری ایله قاپیلارینی آچیر. ایش بورادا! شعارییلا قاپیلارینی آچاجاق سرگی، ایش دونیاسینی گؤروشدورهجک. اکسپویا 100-دن چوخ اؤلکهدن تخمینن 7 مینی خاریجی اولماق عذره جمعده 200 مین اطرافیندا زیارتچینین گلمهسی گؤزلنیلیر. تیجارت سرگیسینده بو ایل 700 شیرکت ایستانتلارییلا دستک تامین ائدهجک.
وطن: "تهراندان مساژ، 3 ایران بانکی بیردن گلیر"
ایرانین 3 بؤیوک بانکی سامان بانک، بانک پاسارگاد، و پارسیان بانک تورکیهده فعالیته کئچمهیه حاضیرلاشیر. ایقتیصاد ناظیری نیهات زئیبکجی، ایران سفریندن سونرا ژورنالیستلره ائتدیگی آچیقلامادا، 3 ایران بانکینین تورکیهده فعالیت گؤسترمک ایستدیگینی ایفاده ائدهرک، "بانک پاسارگاد، سامان بانک و پارسیان بانک، تورکیهده فعالیت گؤسترمک موضوعسوندا نیّت اورتایا قویدو. بونا یؤنلیک دانیشیقلار داوام ائدیر. "دئدی.
حریت: "روسلار پلانینی ائتدی، یئنی ایلده تورکیهدهلر!"
توریزم اوچاق بحرانینین آردیندان 2016دا یوزده 80 ائنیش یاشانان روسیا بازاری تکرار جانلانیر. ایکی اؤلکه آراسیندا نیظامنامه اوچوشلارین تکرار باشلاماسییلا اوکتوبر و نوامبر آییندا تورکیهیه آخین ائدن روس توریستلر، ایندی ده ' یئنی ایل تعطیل پاکتلرین آخین ائدیر. یئنی ایلی خاریجده قارشیلاماق ایستهین مینلرله روس توریست، تورکیهدکی تعطیل پاکتلرینی ساتین آلماغا باشلادی. "روسیادان سورپریز قیش طلبی" آچیقلاماسی وئرن روسیا تور اوپراتورلری بیرلیگی مسئوللاری، "یئنی ایله خاریجده گیرمک ایستهین روسلارین روتاسی تورکیه اولدو" دئدی.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718830739)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.