تورکیه مطبوعاتی اؤزتی 02.11.2016
بؤیوک پروژهیه گلین، قازانین
تورکیه مطبوعاتی اؤزتی 02.11.2016
حریت: "موسکوایا کریتیک سفر"
تورکیه باش قرارگاه باشقانی ژنرال حولوصی آکار دونن روسیایا کریتیک بیر سفر ائتدی. آکارا روسیا سفرینده میللی کشفیات تشکیلاتی مصلحتچیسی حاکان فیدان یولداشلیق ائتدی. گؤروشمهده تورکیهنین سوریهدکی ترور تشکیلاتی داعشه یؤنلیک عملیاتلاری، ترور تشکیلاتی پ.ک.ک-نین سوریه قولو پ.ی.د ایله موباریزه و حلبدکی اینسانی وضعیت مذاکیره ائدیلدی. گؤروشمهده همچینین، قونشو عراقدا باشلایان موصول حرکاتی سببیله عراق ایله سوریه مرزینده میدانا گله بیلهجک وضعیت ده مذاکیره ائدیلیب.
ایستار: "تورکیه خاطیرینه، شهیدلر خاطیرهسینه تلسیریک"
تورکیهنین اولوسلار آراسی آرئناداکی ان اهمیتلی قاچیش فعالیتی و دونیادا قارهلر آراسی قوشولان ایلک یاریش اولان وودافون ایستانبول ماراتونو، 13 نوامبر بازار گونو 38ینجی دفعه تشکیل ائدیلهجک. ماراتون، 15 ژوئیه شهیدلر کؤرپوسوندن یئنه قارّهلری بیر-بیرینه باغلایاجاق. 30 مین قاتیلیمین گؤزلنیلدیگی ماراتوندا قیدیات ایشلری 12- نوامبرا قدر داوام ائدهجک. وودافون 38. ایستانبول ماراتونو ایله باغلی ان گونجل معلوماتلارا رسمی فیسبوک فعالیت صحیفهسیندن و www.istanbulmarathon.org
آدرسیندن اولاشیلابیلیر.
یئنی شفق: " بؤیوک پروژهیه گلین، قازانین"
آمریکانین سعودی عربیستانینا یؤنلیک 11 سپتامبر قرارینین آردیندان غربلی اؤلکهلرده سرمایهلری تهدید آلتینا گیرن کؤرفز اؤلکهلری ایش آداملاری، تورک ایش آداملاری "ایستراتژی اورتاقلیق" اوچون گؤروشدو. تورک ایش دونیاسی، 1 تریلیون دولارلیق یاتیریم ایمکانلاری اوچون کؤرفزده چیخارما ائتدی. بحرئیندکی فورومدا کؤرفز یاتیریمچیلارینی تورکیهنین مگا پروژهلرینه یاتیریما چاغیران گؤمروک و تیجارت ناظیری بولنت توفنکچی، "تورکیهنین سرمایهلری بؤیوک پروژهلرله داوام ائدیر. بو فورصتلردن قارداشلاریمیزین فایدالانماسینی ایستییریک "دئدی.
خبرتورک: "آنتالیاداکی روس توریست ساییسی 129 مینه چیخدی"
روس تور اوپراتورلارینین تاثیریله اوکتوبر آییندا ایلک دفعه آنتالیایا گلن روس توریست ساییسی 2015-جی ایلین سویهسینین اوزرینه چیخدی. آنتالیا هاوا لیمانینین معلوماتلارینا گؤره، اوکتوبر آییندا پاکت تور چرچیوهسینده 129 مین 539 روس توریستین آنتالیایا گلدیگی معین اولوندو. بیر ایل اوّل ایسه بو رقم 126 مین 609 نفر ایدی.
صاباح: "سرطانه سسله تشخیص"
بوغازیچی اونیورسیتهسی فیزیک بؤلومو دوکتور بورچین اونلو و قروپو، ایشیقلا سسین بیرلشدیگی "فوتو-آکوستیک" میکروسکوپ اینکیشاف ائتدیردی. تامامیله یئرلی میکروسکوپ سایهسینده سرطان، شکر، اویناق و عضلهله خستهلیکلرینین ارکن تشخیصی سسله تامین ائدیله بیلهجک. لیزر ایله ایستیلیگی آرتیراراق توخودا سس دالقالاری میدانا گلمهسینی تامین ائتدیکلرینی ایفاده ائدن اونلو، "سس دالقاسی توخو اوزرینده داها اوزون مسافهلر حرکت ائده بیلیر. بو سببله سسی ایستیفاده ائدن میکروسکوپدا داها درینلیکلی نتیجهلر آلمامیزی تامین ائدیر. بوندان باشقا هر هانسی بیر بویاما و یا ایشارهلمگه ده گرک قالمیر. تورکیهده بو ساحهده چالیشان تک و اؤنجول قروپ اولاراق دونیادا کیمسهنین ائتمدیگی اؤزل لیزر ایستیفاده ائدیریک. " دئدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.