تورکیه مطبوعاتی اؤزتی 17.10.2016
آنکارا‌دان نورماللاشما اوچون بغدادا هیات
تورکیه مطبوعاتی اؤزتی 17.10.2016
صاباح: "موصول عملیاتی باشلادی"
عراق باش ناظیری حیدر العبادی، دولت تلویزیونون‌دان ائتدیگی آچیقلامادا، موصولو ترور تشکیلاتی داعشدان قورتارما عملیاتی‌نین باشلادیغینی ایفاده ائده‌رک، شهر مرکزینه یالنیز اوردو و پولیس گوجلری‌نین گیر‌ه‌جگینی سؤیله‌دی. عبادی، موصول خالقی‌نین امنیت گوجلریله همرای‌لیک ایچری‌سینده اولما‌لارینی ایسته‌دی.
خبر تورک: "آنکارا‌دان نورماللاشما اوچون بغدادا هیات"
تورکیه، موصول یاخینلیغیندا بعشیقه کمپی ایله باغلی بحرانین حل ائدیلمه‌سی و آنکارانین تز‌لری‌نین ایضاح ائدیلمه‌سی اوچون بو هفته بغدادا بیر هیات گؤندره‌جک. عراقا گئده‌جک آنکارانین هیاتینده خاریجی ایشلر ناظیرلیگی، باش قرارگاه و میلی کشفیات تشکیلاتی نماینده‌لری یئر آلاجاق. هیاتین گوندمینده موصول عملیاتی و تورکیه‌نین موصول یاخینلیغین‌داکی بعشیقه دوشرگه‌سی وار. تورکیه‌نین موصول عملیاتینا قوشولما ایستگی و بعشیقه کمپی ایله ایلگیل‌لی کئچن هفته آنکارا-بغداد آراسیندا وئریلن بیلدیریش‌لر، گرگین‌لیگی یاخشیجا یوکسلدمیشدی. ان سون آمریکانین دا موصول عملیاتینا کیم‌لرین قاتیلاجاغینی عراقین قرار وئره‌جگینی سؤیلمه‌سی، تضییقی آرتیرمیشدی. تورکیه‌نین موصول عملیاتا قوشولما ایستدیگینه باغلی پرزیدنتی رجب طیب اردوغان، "تورکیه‌نی ایستمزلرسه "ب" پلانیمیز وار" دئیه‌رک بو قرارلیغی اورتایا قویموشدو.
حریت: "دابیق تامام، سیرا الباب‌دا"
"فیرات قالخانی" حرکاتی‌نین 54-جو گونونده، تورک سیلاح‌لی گوجلری‌نین دستگینی آلان اؤزگور سوریه اوردوسو ، ترور تشکیلاتی داعش باخیمین‌دان سمبوولیک اهمیتی اولان دابیق کندینه گیردی و بؤیوک اؤلچوده کونترولو تامین ائتدی. 'مینیموم بیر مقاومت گؤستردیگی بیل‌دیریلن ترور تشکیلاتی داعش، دابیق‌ی ترک ائدرکن بؤلگه‌دکی ان بؤیوک مسکونلاشماسی اولان جنوب‌داکی الباب‌ا دوغرو چکیلدی. اؤزگور سوریه اوردوسونون هدفی‌نین ده الباب اولماسی گؤزلنیلیر.
یئنی شفق: "آوراسیا تونلی" دونیانین ان یاخشی تونلی پروژه‌سی "سئچیلدی"
چوخ مورکب و سیسمیک فعالیتی یوکسک بیر ژئولوژی قورولوشدا، 106 متر درین‌لیکده تیکیلن آوراسیا تونلینه آمریکادان بؤیوک اؤدول گلدی. ایستانبولون ایکی یاخاسینی بیرلش‌دیره‌جک آوراسیا تونلی داها آچیلما‌دان دونیانین ان یاخشی‌سی سئچیلدی. 20 دسامبردا آچیلا‌جاق آوراسیا تونلی،(Engineering News Record(ENR ژورنا‌لی‌نین 'قلوبال ان یاخشی پروژه اؤدول‌لری لیسته‌سینده کؤرپو-تونل کاتقوریسینده بیرینجی اولدو.
ایستار: "تورکیه‌دن آوروپایا ایلده 1.500 مرسدس مینوبوس گئده‌جک
مرسدس، مسئول‌لار اوست قورولوشچوسو آروبوس ایله آوروپایا میکرواوتوبوس ایخراج ائده‌جک. باشدا 1.500 ماشین ایله باشلایا‌جاق اولان پروژه 3 مین‌لره چیخا‌جاق. مرسدس-بنز تورک یونگول تیجارت ماشینلار ساتیش دیرکتورو توفان آغدنیزی "تورک ایشچی‌لیگی ایله اوستون کیفیتده دوزلدیلن ماشینلاریمیزلا غورور دویوروق" دئدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
