تورکیه مطبوعاتی اؤزتی 13.10.2016
یئنی شفق: "آمریکا، سوریهده تورکمنلره وورماغا حاضیرلاشیر"
تورکیه مطبوعاتی اؤزتی 13.10.2016
خبر تورک: "سیاستده گوندم یئنی آنایاسا و پرزیدنتلیک سیستمی"
آک پارتی قایناقلاری، باشقانلیق سیستمینی ده ایچهرن آنایاسا دییشیکلیگی موضوعسوندا جیدی بیر ایش اولدوغونو، بونا 10 گون ایچینده سون شکلینی وئره بیلهجکلرینی قید ائتدی. قایناقلار، باش ناظیر بینالی ییلدیریمین لیدرلرله اونسوز دا آنایاسا دییشیکلیگی کونتکستینده بیر گؤروشمه ائدجگینی خاطیرلاداراق آیری-آیری رئاللاشماسی پلانلاشدیریلان بو دانیشیقلاردا دییشیکلیگین یول پلانینین آیدینلاشاجاغی ایفاده ائتدی. آک پارتینین مجلیسده باشقان خاریج 316 کورسوسو وار. آنایاسا دییشیکلیکلرینین خالق سسوئرمهسینه سونولابیلمهسی اوچون 330 میللت وکیلینین سسی لازیمدیر.
یئنی شفق: "آمریکا، سوریهده تورکمنلری وورماغا حاضیرلاشیر"
سوریهنین شمالینا داعش بهانهسیله ترور تشکیلاتی پ.ک.ک-نی یئرلشدیرن آمریکا، عینی اویونو عراقین موصول شهرینده ده اویناماغا حاضیرلاشیر. داعشین الیندکی موصولون قورتاریلماسی اوچون تورکیهنی کئچیریلهجک عملیاتینین خاریجینده توتماق ایستهین آمریکا، هم ترور تشکیلاتی پ.ک.ک هم ده شیعه قروپلار الیله تهلوکهلی بیر اویونون آرخاسیندا. پلانا گؤره، داعش، موصول خالقییلا بیرلیکده تعلآفره چیخاریلاجاق و 450 مین اهالیسی اولان تورکمن شهری ترور بهانهسیله وورولاجاق. بیر طرفدن داها اول فللوجا و تیکریتده یاشانان سوننی قیرغینلارینین بیر بنزری موصولدا دا گؤرولمهیه باشلایاجاق. دیگر طرفدن، 1 میلیونو آشان موصوللونون کؤچ ائدیلهرک یوللارا دوشمهسینین آردیندان داعشلیلرین قاچدیغی تورکمن شهری تعلآفرین ایسه آمریکا و کوالیسیون اوچاقلارینجا تروریستلری ساخلادیغی سببیله یئرله بیر ائدیلهجک.
صاباح: "خاریجی اینوئستورلار مودیسین گؤرونموردو"
مودیسین تورکیهنین کرئدیت قیدینی سالماسینا باخمایاراق خاریجی یاتیریملارین تورکیه علاقهسی داوام ائدیر. کئچن هفته رولز رویس فیرماسی، میللی راکتیو پروژه سینه قاتیلماق اوچون گلرکن، بوئینگ فیرماسی دا 20 نفرلیک تپه ایدارچی، تداروکچو و اینظیباتی هیاتله صاباح تورکیهیه گلیر. بوئینگ ایدارچیلری، مدافعه و آویاسیا فیرمالارینی بیر آرایا گتیرن ساحه ایستانبول-مدافعه آویاسیا و کوسموس کوملنمسی درنکینین عضوو فیرمالار ایله تجهیزاتچی دانیشیقلاری ائدهجکلر. ایستانبول فیرمالارییلا 6 میلیون دولار بودجهلی اولوسلار آراسی رقابتی اینکیشاف پروژهسینین ده باشلادیلاجاغی دانیشیقلاردا، یئنی ایشبیرلیکلرینین قورولاجاق.
وطن: "دونیا یاتیریم ایجلاسی ایستانبولدا تشکیل ائدیلهجک"
ایستانبول، سون دؤورده چوخ اهمیتلی توپلانتیلارا ائو صاحبلیگی ائتمهیه داوام ائدیر.
دونیا انرژی کونگرهسینین سونرا جمعه گونو ده (صاباح) 100-دن چوخ یاتیریم آژانسی باشقانینین قاتیلیمی ایله دونیا ایاتیریم ایجلاسی کئچیریلهجک. ایجلاسین تورکیهده ائدیلیر اولماسی، فتونون 15 ژوئیه کودتا گیریشیمینه قارشی وئریلن ان یاخشی جوابلاردان بیری. دونیا یاتیریم آژانسلاری بیرلیگی (WAIPA) 170،دن اوزرینده یاتیریم آژانسینین تمثیل ائدیلدیگی بیر تشکیلات. دونیا بانکی، اولوسلار آراسی امک تشکیلاتی، ایسلام قالخینما بانکی، OECD کیمی تشکیلاتلارین اوست سویه ایدارچیلری توپلانتیدا اولاجاق، اهمیتلی سازیشلر ایمضالاناجاق. دونیاداکی بیرباشا سرمایهلرله علاقهدار گئدیشات، بونلاردان مسئول تشکیلاتلارین ایزلیهجگی ایستراتژی باخیمیندان تعیین ائدیجی اولاجاق.
ایستار: "ایستانبولدا فرنچایز سرگیسی"
فرنچایز و مارکالی باییلیک سیستمینین بوتون اویونچولارینی تک بیر دام آلتیندا گؤروشدورن 'شعبهم اولور موسون سرگیسی 13-16 اوکتوبر 2016 تاریخلری آراسیندا، ایستانبول CNR سرگی مرکزینده قاپیلارینی آچیر. بو ایل 14. دفعه قاپیلارینی آچاجاق سرگیده، 400-ا یاخین یئرلی و خاریجی فیرما قاتیلاجاق. تیجارتده باشاریلی ایشلره ایمضا آتان مشهور آدلارین دا اولاجاغی سرگیده سورپریز زیارتچیلر و تدبیرلر ده اولاجاق. سرگینین ایلک گونونده ایسه دونیانین ان اوزون چی کؤفته دورمهگی ائدیلهرک گینس رکوردلار کیتابینا داخیل اولوناجاق. سرگی سایهسینده یئنی راضیلاشمالارا، ایشبیرلیکلرینه، فرانچایزینق و شعبهلیک موقاویلهلرینه ایمضا آتیلیر. بوتون سکتورلاری فرانچایز دامی آلتیندا ییغان سرگی یاخین شرق، بالکانلار، آمریکا، آوروپا بیرلیگی و تورک جمهوریتلریندن گلن سرمایهچیلری ده تورک مارکالارییلا گؤروشدورور. تورکیه، جوغرافی موقعیتی و قارّهلر آراسیندا میدانا گتیردیگی کؤرپو وظیفهسی باخیمیندان، شعبه و فرنچایز وئرمک ایستهین اولوسلار آراسی مارکالارین اؤنجهلیکلی سئچیمی اولور.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.