تورکیه مطبوعاتی اؤزتی 06.10.2016
تورکیهنین ایلک خصوصی تکنولوژی اونیورسیتهسی اولان آنکا تکنولوژی اونیورسیتهسی ایله اوکراینا خارکوو تکنیکی اونیورسیتهسی آراسیندا امکداشلیق موقاویلهسی ایمضالاندی
![تورکیه مطبوعاتی اؤزتی 06.10.2016](http://cdn.trt.net.tr/images/xlarge/rectangle/5e1e/e01e/f2a4/57f5ec07d9265.jpg?time=1718767246)
تورکیه مطبوعاتی اؤزتی 06.10.2016
خبر تورک: "کورتولموش: باشیکانین مذاکیره موضوعسو ائدیلمهسینه ایجازه وئرمریک"
عراق مجلیسینین، "تورکیهنین بغداد بوگوک ائلچیسینین چاغیریلیب نوتا وئریلمهسی و تورک گوجلرینین 'ایشغالچی گوجلر اولاراق ساییلماسی" قرارینا، باش ناظیر معاوینی و حکومت سؤزچوسو نومان کورتولموشدان جواب گلدی. "باشیکادا تورک عسگرینین مذاکیره موضوعسو ائدیلمهسینه ایجازه وئرمهیهجکلرینی وورغولایان کورتولموش، تورکیهنین هم عراقین هم سوریهنین اراضی بوتؤولوگونو تامین ائتمهسی باخیمیندان هر جور مسئولیتینی یئرینه گتیردیگینین وورغولادی.
حریت: "موصول رستلشمسی"
عراقدا اوّلکی گون مجلیسین موصول شهرینه 12 کیلومتر اوزاقلیقداکی باشیکا منطقه سینده قونوشلو تورک نیظامی بیرلیگینین اؤلکهدن چیخماسی ایستیقامتینده آلدیغی قرارین سس-صدالاری داوام ائدیر. باش ناظیر کؤمکچیسی نومان کورتولموش، "عراق بو قدر بؤلونموشکن اورادا ثابتلیک عنصورو اولاراق اولان باشیکاداکی تورک اوردوسو وارلیغینا کیمسهنین قارشی چیخما حاقی یوخدور."
صاباح: "آنایاسا محکمهسی باشقانی آرسلان: دونیا قوزولارین سسسیزلیگینی اوینادی"
کونستیتوسیا محکمهسینین ایکی یئنی عضوو رئجای آکیئل و یوسوف شؤوقو حاق یئمزین آندیچمه مراسیمینده دانیشان آنایاسا محکمهسی باشقانی زوهتو آرسلان، 15 ژوئیهده دموکراسینین قتل ائدیلمه گیریشیمی قارشیسیندا دونیانین یاخشی بیر ایمتحان وئره بیلمدیگینی سؤیلهدی. آسلان، هر فورصتده دموکراتیک دگرلرین صاحبی و مودافیچیلری اولاراق اورتایا چیخانلارین، تورکیهده اؤلومجول سیلاحلارلا دموکراسینین پلانلاشدیریلمیش قتل ائدیلمه گیریشیمی و اونون قارشیسیندا سرگیلنن دموکراتیک مقاومت قارشیسیندا 'قوزولارین سسسیزلیغینی اوینادیغینی قید ائتدی. آرسلان، تورکیهده فوق العاده حالین "ضرورت حالی" اولدوغونا دا دقت چکدی.
وطن: "63 اؤلکهدن 1000 تشببوسکار ایستارتوپ ایستانبولدا گؤروشهجک"
تورکیه اودالار و بورسالار بیرلیگی ایستارتوپ ایستانبول، دونیانین مشهور یاتیریمچیلارینی و گیریشیمجیلرینی ایستانبولدا گؤروشدورهجک. 6-10 اوکتوبر 2016 تاریخلری آراسیندا رئاللاشدیراجاق فعالیته
63 اؤلکهدن 1.000 تشببوسکار دعوت ائدیلدی.
یئنی شفق: "میللی موتورا اونیورسیته ایمضاسی"
تورکیهنین ایلک خصوصی تکنولوژی اونیورسیتهسی اولان آنکا تکنولوژی اونیورسیتهسی ایله اوکراینا خارکوو تکنیکی اونیورسیتهسی آراسیندا امکداشلیق موقاویلهسی ایمضالاندی. راضیلاشماقلا ایکی اونیورسیته؛ میللی تانک و هلیکوپتر موتورلارینین پروژهلندیریلمسی مدتینه قاتقی تقدیم ائدهجک.
ایلگیلیلی خبرلر
![تورکیه مطبوعاتی 13 دسامبر 2019](http://cdn.trt.net.tr/images/medium/rectangle/7720/5e13/2a3d/5dc266a138427.jpg?time=1718767246)
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.