تورکیه مطبوعاتی اؤزتی 19.09.2016

تورکیه مطبوعاتی اؤزتی 19.09.2016

خبرتورک: "ایلک درسیمیز 15 ژوئیه"

تخمینن 18 میلیون شاگیرد اوچون درس زنگی چالدی. بو گون باشلایان 2016-2017 یئنی تدریس ایلی، 9 ژوئن 2017 تاریخینده سونا چاتا‌جاق. ایلک درس هفته‌سی بوتون مکتب‌لرده، 15 ژوئیه حساس‌لیغی اؤنه چیخا‌جاق. مکتب‌لردکی مراسیم‌لر، '15 ژوئیه دموکراسی ظفری و شهیدلری آنما "تما"سییلا ائدیله‌جک. ایلک درسده 15 ژوئیه ایشلندی. شاگیردلره فتونون کودتا گیریشیمینی ایضاح ائدن کیتابچا پایلاندی. ایکینجی گون ده شاگیردلر دموکراسی قهرمان‌لارینا مکتوب یازا‌جاق.

صاباح: "دونیا لیدرلرینه فتو خبردارلیغی"

بیرلشمیش میللت‌لر تشکیلاتی‌نین ذیروه‌سی اوچون آمریکا گئدن پرزیدنتی رجب طیب اردوغان، دانیشیق‌لاردا فتونون 15ژوئیه کودتا تشببوسو  ایله علاقه‌دار معلومات وئره‌جک. دولت و حکومت باشقان‌لاری فتونون کودتا تشببوسو ایله علاقه‌دار حاضیرلانان راپور‌لاری دا پایلاشا‌جاق اولان اردوغان، تورک خالقی‌نین دموکراسی‌یه صاحب چیخما موباریزه‌سینی ده وورغولایا‌جاق. اردوغان، دونیانین 170 اؤلکه‌سینده تحصیل ماسکی آلتیندا فعالیت گؤسترن فتویه قارشی لیدرلری خبردار ائده‌جک. اردوغان، آمریکا زیارتی داخیلینده، آمریکالی یاتیریم و ایش محفل‌لرییله، قناعت باشقان‌لاری، آمریکاداکی تورک و مسلمان جمعیتی نماینده‌لری ده بیر آرایا گله‌جک.

یئنی شفق: "اوروپادان% 60 داها اوجوزا ساغلیق خیدمتی"

ساغلیق توریزمینده الده ائتدیگی گلیری 2023-جی ایلده 20 میلیارد دو‌لارا چیخارماغی هدفله‌ین تورکیه‌نین خرج اوستون‌لوگو و کیفیت‌لی تکنولوژی زیر بیناسی ایله خاریجی خسته‌لری چکمدکی باشارینی، رقم‌لره ده عکس اولونور. اؤلکه‌میزی ساغلیق اوچون سئچیم ائدن خاریجی خسته سایسی سون 6 ایلده 5 قات آرتیملا 600 مینه ایستیناد ائدرکن، بو یوللا الده ائدیلن گلیر ایسه 2،5 میلیارد دو‌لاری آشدی. تورکیه‌ده بعضی عملیات‌لارین اوروپا اؤلکه‌لرینه گؤره یوزده 60 داها اوجوز اولماسی، تورکیه‌نی جازیبه‌دار ائدیر.

ایستار: "میللی معدن بیلگی بانکی گلیر"

انرژی و طبیعی قایناق‌لار ناظیرلیگی‌نین ' یئرلی قایناق‌لاری ایقتیصادا قازاندیرماق سالدیریسی میللی معدن بیلگی بانکی ایله تاچلانیر. معدن آختاریش و آراشدیرما فعالیت‌لری ایله باغلی بوتون آنالیز، نقشه و دیگر بیلگیلر معدن بیلگی بانکی اولا‌راق تعیین اولونان کاروت معلومات بانکیندا دپولاناجاق. بوتون معلومات‌لار یئنی قورولا‌جاق موستقیل قیمتلندیرمه تشکیلاتی طرفین‌دن اولوسلار آراسی ایستاندارد‌لارا اویغون شکیلده راپورلاناجاق. بئله‌جه تورکیه‌دکی معدن‌لر ایله علاقه‌دار معلوماتا چاتما آسان‌لیغی تامین ائدیلمیش اولا‌جاق. حاضیر بیلگیلر سانکی تشویق رولو بوینونا گؤتوره‌جک. اوزون مدت‌دیر راپور اوچون یورد خاریجینه کؤچورولن قایناق‌لار دا اؤلکه ایقتیصادینا قالا‌جاق.

وطن: "700 مین تورک تعطیل ائتدی"

بو ایل توریزمه ایچ بازاردا بؤیوک بیر حرکت‌لی‌لیک یاشاندی. خصوصیله 9 گونلوک قوربان بایرامی تعطیلی توریزم سکتورونا مثبت عکس اولوندو. تورکیه ایچینده یئرلشمه تاسیس‌لرینده تخمینن 700 مین یئرلی توریست تعطیل ائتدی. بایرامدا آیریجا آلمانیا و روسیا‌دان دا توریزم اوچون بؤیوک حرکت‌لی‌لیک تامین ائدیلدی. خصوصیله روسیا‌دان هم تریفه‌لی هم ده چاتل اوچوش‌لاردا قالابالیق یاشاندی. بایرامدا تعطیل‌چیلر خصوصیله ساحل بؤلگه‌لرینه آخین ائتدی.