تورکیه مطبوعاتی اؤزتی 25.07.2016
وطن: ایش دونیاسی تک سس!
تورکیه مطبوعاتی اؤزتی 25.07.2016
ایستار "باش ناظیر ییلدیریم: بحراندا بانکدان پول چکیلیر، میللت 24 میلیارد یاتیرتدی"
15 ژوئیهده یاشانان کودتا چاباسی باشاریسیز اولونجا، مالیه بحران چیخارما آرخاسیندا اولان فتونون پلانی بوشا چیخدی. بانکلاردان کئچن بیر هفتهده حاق چکیلیشی اولمازکن عکسینه وطنداش ارز و قیزیلینی بوزدوروپ بانکلارا یاتیرتدی. بئلهجه کودتا چاباسینین بازارلاردا بحران هاواسی یاراتماسینین دا اؤنونه کئچیلدی. باش ناظیر بینالی ییلدیریم، کودتا چاباسی سونراسی وطنداشلارین 8 میلیارد دولار بوزدوردوغونو و بانکا یاتیردیقلارینی سؤیلهدی. ایلدیریم "بو اصیل میللتله کیمسه اویون اوینایا بیلمز. 8 میلیارد دولار نه دئمک، 24 میلیارد لیره پولو بانکلارا یاتیرتدی. بحراندا میللت بانکلاردان پول چکر، بیزیم میللت گئدیر پول یاتیردیر. ایشده بیزیم فرقیمیز بو "دئدی.
وطن: ایش دونیاسی تک سس!
ایش دونیاسی کودتا چاباسینین مانع تؤردیلمسیله تورکیهنین اولکیندن ده گوجلو اولاجاغینا اینانیر. فتح اللهچی ترور تشکیلاتینین (فتو) کودتا چاباسینین مانع تؤردیلمهسینین آردیندان تورک اقتصادینین گلهجگینه اومیدله باخان ایش دونیاسیندان گلن آچیقلامالار بازارلارا گوون وئریر. اؤلکه اقتصادینا اینانجینی داوام ائتدیرن ایش دونیاسی نمایندهلری، تورکیهیه ایستیقامتلی سرمایه پلانلاریندا بیر دییشیکلیگه گئتمهدی. کودتا چاباسینین اقتصادی منفی تأثیر ائتمهسینی گؤزلمدیکلرینی، حتی تورکیهنین بو مدتدن داها دا گوجلو چیخاجاغینی دیله گتیرن ایش دونیاسی، حکومتین آلدیغی تدبیرلر ده ممنون.
خبرتورک "کودتا کومیسیون قورولور"
تورکیه بؤیوک میللت مجلیسی، 15 ژوئیه کودتا چاباسینین آردیندان بوتون پارتیلرین دستگی ایله بیر آراشدیرما کومیسیونو قورماغا حاضیرلاشیر. آراشدیرما کومیسیونو، هله داها ایستینتاقلار سوررکن دؤورهیه گیریب کودتاده کریتیک رول اوینایان اوست سویه آدلاردان سربازلارا قدر لازیملی گؤردوگو هر کسله حبسخانادا یا دا چؤلده کریتیک دانیشیقلار ائده بیلهجک. مجلیس ایشچیلری طرفیندن پروتوکول آلتینا آلیناجاق بو دانیشیقلار اثناسیندا، کودتا چاباسینین یانیندا عینی زاماندا فتونون دولتین ایچینه نئجه بو اؤلچولرده سیزدیغی یولونداکی سواللارا دا جواب آختاریلاجاق.
حریت: "عدالت ناظیری بکیر بوزداغدان، آمریکا ایله باغلی تعجبلو آچیقلاما"
عدالت ناظیری بکیر بوزداغ، دونن کانال 7 تلویزیونوندا نشر اولونان "باشکند کولیس" پروقرامیندا، "15 ژوئیهده کودتا چاباسینین فتح الله گولهنین امری آلتیندا رئاللاشدیریلمیش بیر کودتا اولدوغو موضوعسوندا آدیمدان نئجه امینسم او قدر امینم. آمریکانین دا بو کودتانی فتح الله گولهنین ائتدیگینی، جناب اوباما اؤز آدینی نئجه بیلیرسه او قدر بیلدیگیندن امینم. آمریکا کشفیاتینین بیلدیگیندن امینم. آمریکا خاریجی ایشلر ناظیرینین بیلدیگیندن امینم. یعنی بو ساعاتدان سونرا بوندا بیر ترددودلری اولمادیغیندان چوخ نئتم، چوخ امینم. "دئدی.
صاباح "تورکیه دموکراسی کئشیگینه داوام ائدیر"
یوردون دؤرد بیر طرفینده فتح اللهچی ترور تشکیلاتی (فتو)'نون کودتا چاباسینا قارشی "دموکراسی کئشیگی" داوام ائدیر. میدانی دولدوران یوز مینلرله وطنداش، همیشه بیر آغیزدان شعار آتاراق اوغورلانان ماهنیلارا یولداشلیق ائدیر. خائینلرین کودتا چاباسینین پوسکورتولهسینین آردیندان پرزیدنتی رجب طیب اردوغانین تعلیماتییلا میدانلارا چیخان خالق میدانلاری ترک ائتمیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.