تورکیه مطبوعاتی اؤزتی 28.06.2016
یئنی شفق: "دونیانین ان جومرد اؤلکه‌سی تورکیه"
تورکیه مطبوعاتی اؤزتی 28.06.2016
وطن: "غزه‌یه ایلک گمی جمعه گونونه"
تورکیه ایله ایسرائیل تام 6 ایل سونرا باریشتی. غزه‌یه ایلک یاردیم گمی‌سی جمعه گونو گئدیر. AFAD کووردیناسیوندا لیدی لیلا یوک گمی‌سی جمعه گونو مرسین لیمانیندا قالخیب ایسرائیلین آشدوت لیمانینا چاتا‌جاق. گمیده بایرامدا فیلیسطین‌لی اوشاق‌لارا پای‌لانا‌جاق 10 مین اویونجاغین یانیندا اون، دوگو و 3 مین تون شکر اولا‌جاق.
صاباح: "میلیاردلیق پروژه بایگانیدان چیخیر"
ایسرائیلله ائدیلن راضیلاشما انرژی، ساوونما و تیکینتی سکتورلاری‌نین اؤنونو آچا‌جاق. ایسرائیل گازییلا ماراق‌لانان فیرما‌لارین بورس‌‌داکی حیسه‌لری دونن سانکی اوچدو. ایسرائیل ایله علاقه‌لر نورماللشدیکدن سونرا شرق آغدنیزی ساحه‌لرینده اولان گازین تورکیه‌دن اوروپا بازارینا داشینماسی سؤز موضوعسو اولا بیله‌جک. نورماللشمه ایله، تورک تیکینتی شیرکت‌لری‌نین ایسرائیلده یوکسک حجم‌لی ایشلر آلماسی‌نین یولو دا آچیلدی. بیر دیگر اؤنه چیخان سکتور ایسه ساوونما و آویاسیا صنایعسی اولا‌جاق. ایکی اؤلکه آراسیندا ماوی مرمره سالدیریسی‌نین آردین‌دان دایاندیریلمیش و رفه آلینان 150-دن چوخ ساوونما صنایعسی ساحه‌سینده ایش گلیشدیرمه پروژه‌سی وار. یئنی دؤور توریزمه ده عکس اولونا‌جاق.
یئنی شفق: "دونیانین ان جومرد اؤلکه‌سی تورکیه"
دونیادا هر ایل ائدیلن اینسانی یاردیم‌لارین پلانینی چیخاران اینکیشاف تشببوسو، "قلوبال اینسانی یاردیم راپورو‌نو یایینلادی. تورکیه 2015-جی ایلده، میلی گلیری‌نین 0،37سینی اینسانی یاردیم اوچون آییرا‌راق، بیر دفعه داها، 'دونیانین ان جومرد اؤلکه‌سی اولدو. تورکیه‌نین 2014-جی ایلده ائتدیگی اینسانی یاردیم میقداری 1،6 میلیارد دو‌لار ایکن کئچن ایل ایکی قاتینا، یعنی 3،2 میلیارد دو‌لارا چاتدی. تورکیه‌نین رئاللاشدیردیغی 3،2 میلیارد دو‌لارلیق اینسانی یاردیم، کئچن ایل دونیادا ائدیلن یاردیمین یوزده 11ینی میدانا گتیریر.
حریت: "عایشه‌م ارتوپوز، ان تأثیرلی قادین‌لار لیسته‌سینده"
تکنولوژی و تلکومونیکاسیون دونیاسی‌نین ان تأثیرلی و ان گوجلو آدلارینی اوکورلارییلا بیرلیکده تعیین ائدن Global Telecoms Business ژورنا‌لی،" 50 Women To Watch" ان تأثیرلی 50 قادین 'لیسته‌سینی نشر ائتدی. لیسته‌ده، تورکسل-ین استراتژی دیرکتورو عایشه‌م ارتوپوز دا یئر ائتدی. ارتوپوز، دونیا تلکوم سکتورونون ان تأثیرلی 50 قادینی آراسینا گیردی. آلتی آیدیر تورکسل‌ین استراتژی دیرکتورلوغونو ایجرا ائدن ارتوپوزون دیجیتال استراتژی‌لر، دیجیتال بازارلاما، یئنی ایش مودل‌لری، لیدرلیک و دییشیک‌لیک ایداره ساحه‌لرینده متخصص‌لیگی ده وار.
خبرتورک: "تورک جراحا اوروپا‌دان اؤدول"
تورکیه متابولیک جراحی وقفی باشقانی دکتور آلپر چلیک، اؤلکه‌میزده تیپ 2 دیابت خسته‌لیگی‌نین جراحی اصول‌لارلا معا‌لیجه‌سین‌دکی باشاریسی سببیله اوروپا اندوکرینولوژی کونگره‌سی طرفین‌دن "گنج علم اینسانی 'اؤدولونه لاییق گؤرولدو. اوروپا اندوکرینولوژی جمعیتی (ESE) طرفین‌دن آلمانیانین مونیخ شهرینده 18ینجی‌سی ائدیلن کونگره‌ده، تیپ 2 دیابت خسته‌لیگی‌نین متابولیک جراحی اوصولویلا معا‌لیجه‌سینی رئال‌لاش‌دیرا‌راق تورکیه‌ده بیر قانونا ایمضا آتان، بو ساحه‌ده دونیا‌داکی 8 دوکتور‌دان بیری اولان پولادین اؤدولو، دیابت معالیجه‌سیله باغلی دوکتور ائیلم چاغیلتای ایله بیرلیکده ائتدیک‌لری باشاریلی آراشدیرما فعالیت‌لرینه گؤره وئریلدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
