تورکیه مطبوعاتی اؤزتی 10.05.2016
یئنی شفق: "تورکیه، بؤیومه‌یه گوجلو شکیلده داوام ائده‌جک"
تورکیه مطبوعاتی اؤزتی 10.05.2016
صاباح: "بؤیوک پروژه‌یه معنا‌لی زیارت"
تورکیه‌نین اینکیشاف بؤیومه‌سینی ایستمه‌ین بعضی دایره‌لرین هدفی حالینا گلن، بؤیوک پروژه‌لردن ایستانبولداکی دونیانین ان بؤیوک هاوالیمانی پروژه‌‌سی، بوتون مانع‌لره باخمایا‌راق سرعت کسمه‌دن داوام ائدیر. پرزیدنتی رجب طیب اردوغان، یوزده 20سی تامام‌لانان یئنی هاوالیمانینی زیارت ائتدی. اردوغانین بو سفری بعضی چئوره‌لره مساژ خصوصیتینده ایدی. بیتدیگینده 150 میلیون یولجو ظرفیتی ایله دونیانین ان بؤیوگو اولا‌جاق پروژه‌نین ایلک اعتابی‌نین فوریه 2018-جی ایلده آچیلماسی گؤزلنیلیر.
وطن: "100 نفردن 75-ی اوروپا بیرلیگینه گیرمگی دستکلییر"
اقتصادی قالخینما فوندو صدری آیهان زیتین اوغلو، 'تورکیه‌ده توپلومون اوروپا بیرلیگی عضو‌لوگونه دستک نیسبتی یوزده 75.5 دئدی. اقتصادی قالخینما فوندونون آنکتینه گؤره، 2015-جی ایلده یوزده 61.8 اولان دستک نیسبتی 13 بال یوکسلدی. دستک وئرن‌لرین یوزده 45.4و اوزولوک معلومات ایله ریفاه‌ین آرتماسی، یوزده 35.8ی اوروپادا دؤوران، یئرلشمه و تحصیل ایمکانی، یوزده 33.8ی اینسان حاق‌لاریندا اینکیشاف گؤزلمه‌سی ایله عضو‌لوگو دستکلدیگینی ایفاده ائتدی.
یئنی شفق: "تورکیه، بؤیومه‌یه گوجلو شکیلده داوام ائده‌جک"
صنایع اوره تیمی ایلک دؤرددبیرده یوزده 5.6 آرتا‌راق، بؤیومه‌نین گوجلو قالاجاغی‌نین سیقنالینی وئردی. بؤیومه‌نین ان اهمیت‌لی اؤنجول گؤستریجی‌لرین‌دن اولان صنایع اوره‌تیمی، ایخراجاتا سؤیکنن سکتورلارین دستگی مارس آییندا دا یوزده 4.7 یوکسلدی. قلوبال بازارلاردا و بؤلگه‌سینده یاشانان بیر چوخ اینکیشافا باخمایا‌راق صنایع بؤیومه‌سی‌نین گوجلو سئیر ائتمه‌سی، تورکیه اوچون چوخ اهمیت‌لی بیر باشاری اولا‌راق قیمتلندیریلیر. ایلک دؤرددبیرده ایچ طلبین یئنه گوجلو قالماسی، اوروپا بیرلیگینه صادراتین ییغیشما گؤسترمه‌سی، صنایه اوره تیمین‌دکی آرتیمدا اساس فاکتورلار آراسیندا گؤستریلیر.
ایستار: " مرزده سلاح‌لی اینسانسیز هاوا آراچلار گلیر
باش قرارگاه باشقانی ژنرال حولوسی آکار، گؤروش گوجو و مانور قابیلیتی ایله علاقه‌دار سیناق‌لاری داوام ائدن سلاح‌لی اینسانسیز هاوا آراچلارین چوخ یاخین تاریخده ایستیفاده ائدیلمه‌یه باشلاناجاغی معلوماتینی پایلاشدی. سلاح‌لی اینسانسیز هاوا آراچلار خصوصیله منفی هاوا شرایطینده چوخ یاخشی نتیجه‌لر وئردی. بو موضوعدا آمریکا اوره تیمی اینسانسیز هاوا آراچلاری بئله گئریده بوراخدی. "
خبرتورک: "اوزوندره‌ده توریزم سالدیریسی"
دونیا‌داکی 'ساکیت شهرلر شبکه‌سینه قبول ائدیلن ارضرومون اوزوندره محلی، ائدیله‌جک یئنی سرمایه‌لرله توریزمدکی ادعاسینی آرتیرماغی پلانلاشدیریر. مین‌لرله ایللیک تاریخه و طبیعی گؤزل‌لیک‌لره صاحب اولان اوزوندره‌ده زیارتچی‌لر اوچون یئنی جازیبه نقطه‌لری یارادیلا‌جاق. تورکیه‌نین ان یوکسک شلاله‌سین‌دن صاحب اوزونده‌ره‌ده، 11 کیلومتر اوزونلوغوندا طبیعی بیر گؤل اولان تورتو گؤلو و بو گؤل‌دن سیزان سولارلا عبارت 7 سو ییغینی ایله گؤل‌لر وار. تاریخی توخوما اولا‌راق گورجولرجه اینانج مرکزی قبول ائدیلن اؤشوانک موناستیری، تاریخی قالا‌لار و شاپل قالیق‌لاری دا زیارتچی‌لردن چوخ ماراق گؤرور.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
