تورکیه مطبوعاتی اؤزتی 10.03.2006

صاباح: ساوونمادا یئرلیلیک نیسبتی% 76

باش ناظر داوود اوغلو، دونن تام 5.9 میلیارد دولارلیق بؤیوک ساووونما صنایعسی پاکتی تصدیقلهدی. 4.5 میلیارد دولاری یئرلی اولاجاق یئنی پروژهلر آراسیندا سلاحلی İHA، میللی پیادا توفنگی و آتاک هلیکوپتری وار. آوریل-می آیلاری کیمی ساوونما صنایعسی کووردیناسیون مجلیسینین توپلانماسینین پلانلاشدیریلدیغینی ایفاده ائدن باش ناظر، "خصوصی سکتورون ده دؤورهیه گیردیگی، تورکیهنین ساوونما صنایعسینین میللیلشمسی و بو موضوعدا خارجه اولان آسیلیلیغین آزالدیلماسی اوچون آلیناجاق تدبیرلرین گؤز اؤنونه آلیندیغی، یئنی بیر تشکیلاتلانما کئچمیی پلانلاشدیریریق" دئدی .

وطن: تورکیهیه قارشی "پیون فیرتیناسی"

2015-جی ایلده سالدیریلارینی 10 قات آرتیران روس هکرلر، تورک دولت قوروملارینین و مطبوعات اورقانلارینین بیلگیسایارلارینی اله کئچیرمک و دولت سیرلری داخیل کریتیک معلوماتلاری اوغورلاماق اوچون ژانویه آییندان بو یانا هر جور اصوللارلا تورکیهنی هدف آلدی. کرملین دستکلی روس هکرلر اوّلکی هفته باش ناظرلیک و تورکیه بؤیوک میللت وکیلی بیلگیسایارلارینا یاییلماق اوچون ' پیون فیرتیناسی آدی وئریلن بؤیوک بیر سایبر جاسوسلوق سالدیریسی رئاللاشدیردی. بیر آمریکالی سایبر گوونلیک شیرکتینین ارکن خبردارلیغییلا سالدیری آز زیانلا سوووشدوردوق.

یئنیشفق: تورک تلکوم دنیز آلتینا فیبر

دونیانین ان اهمیتلی و یوکسک توتوملو دنیزالتی معلوماتلارین خطلریندن بیرینی تیکن SEA-ME-WE-5 کونسورسیومونا عضو ایلک و تک تورک شیرکتی اولان تورک تلکوم، بو چرچیوهده اولوسلار آراسی دنیزآلتی فیبر کئچید سیستمینه مارماریس ایستگاهینی اکلهدی.2016 سونوندا خیدمته گیرهجک سیستم، آسیادان اوروپایا 20 مین کیلومتردن اوزون بیر مسافهده تورکیهنین ده اولدوغو 17 اؤلکهنی باغلایاجاق.

حریت: هوبر کؤشکو رستوره ائدیلیر

پرزیدنت طرفیندن ایستیفاده ائدیلن تارابیاداکی هوبر کؤشکو و فایتونخانهده رستوره ایشلری باشلادی. تاریخی آلت یاپیلار، خاریجی تأثیرلردن قورونماسی اوچون تضییقلی براندالارلا باغلانیلدی. قوروما مجلیسینین تصدیقلدیگی پروژهیه گؤره تاریخی بینالارین چورویین پارچالارییلا خصوصی اولمایان ایشچیلری سؤکولوب، یئنی ائلمانلارلا گوچلندیریلهجک.

ایستار: اوچ چای بیر آدام

نیل، تونا و اورخون ... پروفسور دوکتور حالوک دورسون بو اوچ چایین ساحلینده عثمانلی مدنیتینین ایزلرینی قویور. نیلدن سونرا تونا گوزللمسینی یازان دورسون، گلهجک کیتابدا اورخون چایینی یازاجاق. حالوک دورسونون 'تونا گوزللمسی، او جوغرافیانی داها یاخیندان تانیماق و کؤنلونده حیس ائتمک ایستهینلر اوچون اهمیتلی بیر مراجعت کیتابی. اثر، یازارین گزینتی قیدلرینین یانیندا، تونا اوزرینه فرقلی قلملر طرفیندن اورتایا قویولموش یازیلار و شعرلری ده ایچهریر.