تورکیه مطبوعاتی اؤزتی 08.02.2016

حریت: "تورکیهدن اوروپا بیرلیگینه 6 شرط"

تورکیه اوروپا بیرلیگینه قاچقین بحرانی حلّینده یئنی تکلیفلر گتیردی. تورکیهنین شرطلری بئله؛ 1-تورک وطنداشلارینا ویزا سربستیسی تئزه چکیلهرک ژوئن سونونا آلینسین. 2-تورکیهیه وئریلهجک موجود 3 میلیارد یورولوق قایناغا علاوه اولاراق 3 میلیارد یورو داها وئریلسین. 3-تورکیهنین اوروپا بیرلیگیندن آلاجاغی هر گؤچمن قارشیلیغیندا اوروپایا تورکیهدن بیر قاچقین آلسین. 4-تورکیهنین اوروپا بریلیگی عضولوگو مدتینده یئنی باشلیقلار آچیلسین. 5-گئری قبول پروسهسینین خرجلری اوروپا طرفیندن قارشیلانسین. 6- یونان آدالاری قاچقینلاری تامامیله آریندیریلسین.

خبرتورک: "اردوغاندان قادین حاقلاریندا تورکیهیه خاص مودئل تکلیفی"

پرزیدنتی رجب طیب اردوغان، 'قادین حاقلارینی غربدکی فورماتدا ساوونماق مجبوریتینده دئییلیک "دئدی. تورکیهیه خاص مودئل اینکیشاف ائتدیرمهلری لازیم اولدوغونو وورغولایان اردوغان، 'اؤز تاریخی و مدنی تجروبهمیز ایشیغیندا قادینین بیر اینسان، شخص، فرد اولاراق وارلیغینی گوجلندیرهجک آددیملاری همیشه بیرلیکده آتا بیلریک دئدی. غربده گئرچک معنادا قادین حاقلاری ساوونچولاری اولمادیغینی وورغولایان اردوغان، 'اگر ائله اولسایدی سوریهده یوز مینلرله قادین و اوشاغین حیاتلارینی ایتیرمهسینه سسسیز قالمازدیلار دئدی.

ایستار: "دونیا اونا حیران او تورک قادینلارینا"

ایرانلی ایش قادینی انوشه انصاری'نین بوتون قادینلارا نومونه اولاجاق بیر حیاتی وار. انصاری، کوسموسا گئدن ایلک سیویل قادین اولاراق تاریخه کئچیب 40ینجی یاش گونونو ناسا-نین کوسموس ایستگاهیندا قید ائتدی. انصاری، بو باشاریسینا باخمایاراق تورک قادینلارینین گیریشیمچیلیغینین اؤزونو چوخ تأثیر ائتدیگینی سؤیلهدی. تورک قادینلارینین هر ساحهده تلاشلاری اولدوغونو وورغولایان ایرانلی ایش قادینی، 'تورک قادینلاری منه گوون وئریر "دئدی.

یئنی شفق: "بوز داغینی آشان تورکلر"

ایستانبول آیدین اونیورسیتهسینده تحصیل وظیفهلیسی ابرو داشینماز و اؤزگور قورخماز، دانمارکدا اولان گرؤنلندداکی بوزلاقلاری قیشدا کئچن دونیاداکی ایلک قروپ اولدو. داشینماز و قورخماز، دونیانین ان شمالینداکی سون توپراق پارچاسی گرؤنلندا گئدهرک، یئرلی رهبرلرین بئله باشارمالارینا ایمکان وئرمدیگی 4 روتانی تاماملادی. شمالی قوطبونداکی ان بؤیوک بوز اؤرتوگو ایله اؤرتولموش آدادا قیش موسومونون اورتاسیندا بوزلاقلارین قالینلیغی 3 کیلومتری اولور.

صاباح: "لازیویا تورک تکنیکی آدام می گلیر؟"

تورک تکنیکی دیرکتور ارسون یانالین ایتالیان فوتبال قروپو لازیونون باشینا کئچجگی ایستیقامتیندکی خبرلر ایتالیان مطبوعاتیندا یئر آلماغا داوام ائدیر. خبرلرده تجروبهلی تکنیکی آدامین گلهجک موسوم روما قروپونون باشینا کئچمهیه چوخ یاخین اولدوغو ایفاده ائدیلیر. ارسون یانالین لازیو باشقانی لوتیتونون خصوصیله ایستدیگی قید ائدیلدی. کلوب رسمیلرینین یانال ایله ایکی دفعه کونتاکت قوردوغو دا گلن خبرلر آراسیندا.