تورکیه مطبوعاتی اؤزتی 03.03.2016

تورکیه مطبوعاتی اؤزتی 03.03.2016

خبر تورک: مرکله کیلیس دعوتی "

اؤز اهالیسیندن چوخ سوریهلیلار قوناق ائتدیگی اوچون نوبل باریش موکافاتینا نامیزد گؤستریلن کیلیس، قاچقینلار موضوعسوندا اوروپادا ان مولاییم سیاسته صاحب اولان آلمان باش ناظری آنگلا مرکلین غیری-عادی بیر رکورد سیناقدان کئچیرمسیله شهره دعوت ائتدی. کیلیس بلدیهسینین تشکیلاتییلا تورک و سوریهلی 2 مین 981 قادین، 1.5 متر گئنیشلیگینده و 19 متر اوزونلوغونداکی بیر دعوتییهنی بیرلیکده ایمضالایاراق آلمان باش ناظری مرکله گؤندردی. کیلیس بلدیه باشقانسی حسن کارا، "سوریه حادثهسینده ان حساس حرکت ائدن اوروپا لیدری اولان مرکلین، 8 مارس دونیا قادینلار گونو اوچون کیلیسه چاغیریریق." دئدی. دوتنامهیه 'دونیا قادین رکوردلاری "ساحهسینده" ان اوزون دعوتنامه اولاراق گینس رکوردلار کیتابینا گیرمهسی گؤزلنیلیر.

یئنی شفق: "مودیزدن تورکیهیه تعریف"

کردیت درجهلندیرمه قورولوشو مودیسین باشقان کؤمکچیسی و تورکیه باش آنالیستی آلپونا بانرژیدن، تورکیهنین کرئدیت درجهسینی و گؤرونوشونو (ب-ا-ا-3 / منفی) اولاراق دسامبر آییندا تصدیق ائتدیگینی خاطیرلاداراق، "اقتصادین گوجو، بؤیوکلوگو و موختلیفلیگینی تصدیق، قراریمیزین تمل دایاقلارینی تشکیل ائدیر. گئرچک بودور کی تورکیهنین اقتصادی بؤیومه گؤرونوشو اینکیشاف ائدن بؤیوک اقتصادلاری ایله موقاییسهده هله ده گوجلو "دئدی. تورکیهنین مالی موقعیتینین، " یاتیریم ائدیله بیلر" قیدی قورونماسیندا اهمیتلی رول اوینادیغینا ایشاره ائدن بانرژی، "تورکیهنین مالی اؤلچوتلری دیگر اینکیشاف ائدن اقتصادلارا موقاییسهده هله ده ساخلانیلیر. مالی اؤلچوتلر احتیاطلی و گوجلو. بورجون میللی گلیره نیسبتی ثابت "ایفادهلرینی ایستیفاده ائتدی. بانرژی آیریجا، مینیموم معاشداکی آرتیمین تورکیه اوچون بو ایلکی بؤیومه گؤزلمهلرینی تأثیر ائدن اهمیتلی اونسورلاردان اولدوغونو دا دیله گتیردی.

ایستار قزئتی: "اونلاردان بیری پرزیدنت اولاجاق"

آمریکا 8 نوامبردا ائدیلهجک پرزیدنت سئچیملری اوّلی "سوپر چرشنبه آخشامی" اولاراق بیلینن کریتیک دؤورده دموکرات نامیزد نامیزدلریندن هیلاری کلینتون و جمهوریتچی نامیزد نامیزدلریندن ایش آدامی دونالد ترومپ، 7 ایالتده ایپی گؤغوسلهیرک رقیبلری قارشیسیندا بؤیوک اوستونلوک تامین ائتدی. بئلهجه ایکی آد سئچیم اوّلی بؤیوک اوستونلوک الده ائتدی.

حریت قزئتی: "گوگل سیلدی"

ژاپوندا بیر محکمه، اینترنت شرکتی گوگل حیاتیندا یئنی بیر باشلانغیج ائتمک ایستهین بیر آدامین کئچمیشینه دایر آختارما موتوروندا چیخان قیردیلری سیلمهسی لازیم اولدوغو ایستیقامتینده قرار آلدی. محکمه قراریندا سؤز موضوعسو شخصین 'اونودولما حاققینا صاحب اولدوغونا دقت چکدی. ژاپون مطبوعاتی محکمه قرارینین اینترنت آختارما نتیجهلرینه دایر اونودولما حاققییلا علاقهدار اؤلکهلریندکی ایلک نومونه اولدوغونا دقت چکدی. گوگل دا حؤکمه اعتراض ائدیب توکیو یوکسک محکمهسینه شیکایت ائتدی. اینسانلارین گوگله فردی معلوماتلارینی سیلمهسی اوچون مراجعت حاقی تانییان بنزر بیر قرار اوروپا اینسان حاقلاری محکمهسینده 2014-جی ایلده آلینمیشدی.

وطن: "سرطان اوچون اومید اولاجاق"

اینگیلترهنین بکنهام شهرینده یاشایان و 2015-جی ایله رحم آغیزی سرطانینا توتولان 35 یاشینداکی کللی پوتتر، یئنی اینکیشاف ائتدیریلن و نورمالدا چوخ دئننمهین بیر سرطان واکسنینین اؤزونه انژکتده ائدیلمهسی اوچون کؤنوللو اولدو. پوتتر اوزرینده ایلک دفعه سیناناجاق اولان واکسنین، ایمنی سیستمینی گوجلندیریب سرطان حوجرهلرینی یوخ ائدیب ائده بیلمدیگی گؤزلملنجک. متخصصلر، پایتخت لندندکی گوی،س خستهخاناسیندا ائدیلهجک تستلرین سرطان خستهلری اوچون بیر اومید اولا بیلهجگی فیکیرینده. سؤز موضوعسو واکسنین ایمنی سیستمینی گوجلندیریب بدنین معین بؤلگهلرینه سیچرایان شیشلی حوجرهلری اؤلدوردوگو ادعا ائدیلیر.