تورکیه مطبوعاتی اؤزتی 09.02.2016

تورکیه مطبوعاتی اؤزتی 09.02.2016

ایستار: "جیزرهده پ.ک.ک-نی خالق بیتیردی"

جیزرهده بعضی گروهلارین "سیویل یارالیلار" دئیهرک قورتارماغا چالیشدیغی تروریستلر اؤلو اولاراق اله کئچیریلدی. ترور تشکیلاتینا گوونلیک گوجلریندن داها آغیر ضربهنی ووران ایسه بؤلگه خالقی اولدو. 120 مین اهالیسی اولان محلین 115 مینی کؤچونجه پ.ک.کلیلر یاپایالنیز قالدی. عملیاتلاردا آرالاریندا چوخ سایدا خاریجیلرین ده اولدوغو ترورچولار اؤلدورولدو. ائدیلهجک سون کونتروللاردان سونرا کوچهیه چیخما قاداغانی قالخاجاق.

صاباح: "ترور تشکیلاتی پ.ی.د-نین طرفداشلاری آمریکا، روسیه و اسد"

سوریهلی مخالیفلر آمریکانین، حلبه سالدیری ائتمهسی اوچون پ.ی.د-یه 20 نیظامی مصلحتچی گؤندریب ایکی اوچاق دولوسو سلاح وئردیگینی بیلدیردی. آچیقلامادا، اسدین ده حلبه بیرلیکده سالدیری موضوعسوندا پ.ی.د ایله آنلاشدیغینا دقت چکیلدی. موخالیفلر، روسیانین ایسه حلبه ائدیلهجک عملیاتی حزب اللهین اوفیسیندن کونترول ائدهجگینه ایشاره ائتدی. بو آرادا آمریکا خاریجی ایشلر ناظرلیگی سؤزچوسو جان کیربی، اورتاداکی بوتون دلیللره باخمایاراق پ.ی.د-نین تروریست بیر قروپ اولاراق گؤرمدیکلرینی تکرارلادی.

خبرتورک: "کانال ایستانبولدا یولو 'پالئولیت چاغ دییشدیرمیش"

پرزیدنت طیب اردوغانین باش ناظرلیگی دؤورونده آچیقلادیغی و چیلقین پروژه "کانال ایستانبول "دا یول دییشیکلیگینده ان بؤیوک فاکتورلاردان بیرینین ایستانبول آلتینشهیر یاخینلارینداکی یاریمبورگاز ماغارالار اولدوغو اؤیرنیلدی. یاریمبورگاز ماغارالار تخمینن 400 مین ایل ایکییه سؤیکنیر. اوزونلوغو تخمینن 1 کیلومتر اولان یاریمبورگازین ایچینده، تاوان یوکسکلیکلری 15 متره چاتان اوتاقلار وار. اؤنه چیخان ایلک یول چاتالجا ایدی. چاتالجا دا اهمیتلی آرکولوژی بولونتولارا ائو صاحبلیگی ائدیر. چاتالجاداکی اینجغیز ماغارالارینین تاریخی ایسه میلاددان اوّل 3-جو عصره قدر سؤیکنیر.

وطن: "اینجهصنعت عشقی 5 ایلده 223 میلیون دولار خرجلددی"

معنوی دویومون یانیندا یاتیریم واسطهسی اولاراق دا بیر چوخ اینسانین ماراق گؤستردیگی صنعت اثرلری، سون ایللرده تورک صنعت سئورلرین ده ماراغینی چکمهیه باشلادی. گرک دونیادا، ایسترسه ده تورکیهده تشکیل ائدیلن حرّاجدا مختلیف صنعت اثرلرینه جدی میقداردا پوللار اؤدهنیرکن، آرتان ماراق بو ساحهدکی واردات رقملرینه ده عکس اولوندو. تورکیه، سون 5 ایلده 223 میلیون دولار جیواریندا صنعت اثری، کولکسیون اشیالاری و آنتیق ایدخال ائتدی.

یئنی شفق: "میللی فوتبالچی آردایا بؤیوک تکلیف"

چین مطبوعاتی، اؤلکهنین سوپر لیگی قروپلاریندان شانگای SPIG ایله پکن گووان تیملرینین آردا توران اوچون 100 میلیون یورو باراژینی زورلایابیلهجکلرینی اؤنه سوردو. سون اولاراق اوکراین قروپو شاختار آلکس تیشیرا اوچون 50 میلیون یورو اؤدهین چینلیلر، آردا تورانی اؤلکهیه گتیرمکده قرارلی. خبرده ایکی قروپون آردانین فورما گئیدیگی ایسپان قروپو بارسلونایا تکلیف آپاردیغی آنجاق کاتالان قروپونون هله بیر جواب وئرمدیگی ایفاده ائدیلدی.