تورکیه مطبوعاتی اؤزتی 20.01.2016

صاباح: اردوغان، اوروپانین ان بینیلن لیدری

اولوسلار آراسی رابطه و خالقلا علاقهلر فیرماسی بورسون- مارستللر، لیدرلرین فیسبوک حسابلارینداکی مساژ و فوتوشکیللره 2015-جی ایلده ائدیلن بینمهیهلری دقت آلتینا آلدی. 87 دولت باشقانینین، 82 باش ناظیرین، 51 خاریجی ایشلر ناظیرینین فردی فیسبوک حسابلاری آراشدیریلدی. فیسبوک حسابی 8 میلیون بینمه آلان پرزیدئنت اردوغان، دونیادا 3-جو، اوروپادا نین ان چوخ بینمه آلان اوچ لیدریندن بیری

آزادلیق: حککاری ایل مرکزی یوکسئکووایا، شیرناک ایل مرکزی جیزرهیه داشیناجاق

باش ناظر احمد داوود اوغلونون آچیقلادیغی حککاری ایل مرکزینین یوکسئکووایا، شیرناک ایل مرکزینین جیزرهیه داشینماسییلا علاقهدار سون قرارین، کئچن هفته ائدیلن گوونلیک اجلاسسیندا وئریلدیگی اورتایا چیخدی. بونون اوچون ایچ ایشلر ناظرلیگی قانونی دوزنلمهیه حاضرلایاجاق. باش ناظر کؤمکچیسی نومان کورتولموشون کووردیناسیوندا ایجرا ائدیلهجک فعالیتده، علاقهدار ناظرلیکلر اؤز پلانلارینی حاضرلایاجاقلار. داشینما و یئنی آلت یاپینی یارادیلماسی اوچون تشکیلاتلارا 90 گونلوک مدت تانینیر. داشینما، ایالتلری باشدا اولماق عذره بوتون اجتماعی قوروم و تشکیلاتلارینین ایل مودورلوکلرینین یئنی مرکزلره سوروشدورولمهسی معناسینا گلیر. ان آز 15 تشکیلات و 500 مامور یئر دییشدیرهجک.

خبرتورک "آناستاسیادیسدن تورکجه ژستی"

روم لیدر نیکوس آناستاسیادیس، قیبریس جمهوریتینین رسمی دیلی اولان تورکجهنین، اوروپا بیرلیگی رسمی دیللری آراسیندا یئرینی آلماسی اوچون ایش باشلاددی. ادعایا گؤره روم لیدر بو نیتینی ده تورک طرفینه چاتدیردی. قیبریس تورک قزئتلریندن یئنیلیک قزئتینین خبرینه گؤره آناستاسیادیس، روم بوروکراتلارا، قانونی مدتی باشلادمالاری تعلیماتینی وئردی. ایللردیر گوندمده اولان آنجاق آددیم آتیلمایان "رسمی دیل" موضوعسوندا یاخشی نیت چرچیوهسینده بئلهلیکله ایلک آددیم آتیلمیش اولارکن آناستاسیادیسین ده بو آددیمین، حلّ پروسهسینه مثبت تأثیر ائدهجگی گؤروشونده اولدوغو کؤچورولدو.

یئنی شفق "ایش دونیاسی تهران یولچوسو"

ایرانا یؤنلیک تحریمین قالدیریلماسی چوخ سکتور اوچون اومید اولارکن، بیر چوخو ایندیدن قوللاری سووادی. روسیانین تورکیهیه یؤنلیکلی تحریمین اولا بیلهجک ضررلرینی ان آزا ائندیرمک ایستهین فرقلی سکتورلار ایندیدن تهران یولچوسو. سکتور نمایندهلری و فیرمالار یاشانان اینکیشافدان ممنون. قیرقلار ائلی اونیورسیتهسی پروفسور دوکتور محمد حسن اکن، خصوصیله مصرفه آچ وضعیتده اولان ایرانلیلارین قیدا و اکینچیلیک محصوللارینی جوغرافی و عنعنوی صمیمی موناسیبته گؤره تورکیهدن طلب ائده بیلهجگینی ایفاده ائتدی.

ایستار: تانبوری جمیل خزینهسی گلیر

ایستانبول بؤیوکشهر بلدیهسی، تورک موسیقیسینین بؤیوک بستکاری تانبوری جمیل بکین داش صفحه قیدلرینی ایلک دفعه 10 جدلیک بیر آلبومدا بیر آرایا گتیریر. اودی بستکار محمد بیتمزین ایستانبول، شام، سیواس و اورفادا ائتدیگی آرشیو آراشدیرمالاری نتیجهسینده حاضرلانان "تانبوری جمیل بی داش صفحهدن گونوموزه بیر خزینه" آدلی آلبوم ایله تورک موسیقیسینین مدنی ارثینین گلهجک نسیللره کؤچورولمهسی مقصد قویولور.